رايح اصرف شيك

Abummmahjoob

وقفت انافخ واتململ في مكاني وانا انتظر من الاخ اسامه امين الصندوق ان ينادي على اسمي لكي أبرز كالبطل واقتحم الأمم الواقفه امامي واللتي تجمعت كالخراف على الصندوق لتصرف شيكاتهم, بالإضافه الى تكومهم الغريب لمشاهدة ماكينة عد النقود الجديده, هذه الماكينه الغبيه لم يعجبني شكلها ولا صوتها, كان اسامه يدخل فيها كميات من الاوراق النقديه في الجزء العلوي ثم تنزل الاوراق الى اسفل الماكينه بسرعه رهيبه وفي بعض الاحيان ترفض ورقتين او ثلاث وترسلها الى مكان اخر.

الماكينه والصراخ والزعيق  و (وتوتة ) الحجات الكبار كانت تطغى على الجو العام في البنك.

في نصف ساعه سمعت قصة شيرين التي طلقها زوجها الي (الله لا يوفكه) وعرفت انه كان (كحته) وغير متزن اخلاقيا ايضا تعرفت على نوع جديد من العطر المحلي الظاهر انه مستوحى من جثة بقره ماتت منذ 3 اشهر على الطريق الصحراوي , اما بالنسبه للطفل المنتفخ فقد كان متعلقا بأمه ويشدها بقوه وهو يصرخ ويفعفل نفسه في ارضية البنك, حاولت ان اكتم ضحكتي عندما بدأت الأم بتبرير الفعل الاهبل الذي يقوم به ابنها , كان يريد ان يركب على السياره الالية صاحبة الألحان السخيفه تلك السياره التي تعمل بمجرد وضع بريزه بمكان يشبه فتحة (الحواشه).

مرت أول ربع ساعه بالعافيه, اما في الربع الثاني فقد قررت أن اغتنم الفرصه وأجلس على المقعد عند فروغه مباشره وأترك اصحاب العكازات لتحملهم عكازاتهم , بصراحه لم أحتمل أن يكون كتفي مصدرا للتعرف على المزيد من العملاء والمراجعين فكلما اصتدم بي أحدهم حتى يباشر بالاعتذار ثم تنهال علي الاسئله المفصوله  بالجمله المعروفه (بعين الله) .

وقفت بجانب صندوق تكية ام علي وانا انتظر فروغ المقعد  كما لو كنت قناصا يتربص هدفه الصعب.

فكلما غاب عني منظر الكنباي المغري امد رأسي متخطيا بنظري رؤوس المراجعين حتى اتمكن من متابعة الحج الملزق بالكنباي الجلد ,اقولها بالسر (أي عن سموات هالكنباي يا حج )

لكن على ما يبدو انه الحج قد امتلك عقدا يوثق ملكيته للمقعد ولا يرغب بأن يبرزه للحجه التي كانت ترميه بجحرات لئيمه وتتأفف امامه حتى يزوق على دمه ويقعدها.

تجاهلت أمر المقعد وقررت أن اسأل الموظفه (ام محمود) عن التاريخ الذي سيصرف به الشيك واذا كان بأمكانها ان تعجل في وصوله قبل ان يذهب والدي الى المخفر ويبلغ عني (كخرج ولم يعد) لكن على ما يبدو انها ام محمود كمان عايفه التنكه وقالتها باستقلاع تام (أي انا شو اسويلك استنى شوي)

هل شوي تعني انا الحج صاحب الكنباي قد جاء منذ ثلاثين سنه وهو ينتظر ان ينادي عليه اسامه  ليصرف له الشيك؟!

بس يا ام محمود انا بعدني وعندي مشاريع يعني بدي اشتغل واتجوز واعمر دار واشوف ولادي وادرسهم يعني صراحه مو فاضيلكم انا!!

طبعا اعطيتها الي فيه النصيب وكل هذا بالسر, وعدت من جديد الي مباطحة المراجعين وفوق رأسي مجموعه من الكلمات كانت تدور حولي , وهي شبيهة بغيمة الأوسمه الموجوده في اغلب المدونات والتي يسمونها (تاغز)

راجع , فيزا الكترون , كاش, توقيعك يا خال, انس

انس؟؟

واخيرا سمعت اسمي هنا انتعش وبتنردلي روحي واقفز فوق الجميع اتوجه نحو الصندوق ,اناضل واسبح واتقدم حتى وصلت الى هناك

انظر الى اسامه وابتسم .اسامه لا يريد ان يبتسم فقط يريد ان اوقع له بالاحمر خلف الشيك الأثري.

وهي احلى توقيع وبالله بدي اياهم خمسات الله يسعدك

يضع اسامه ال(150 ليره) بالماكنه الجديده وبلفلي اياهم بمغيطه ومردش علي لما قلتله يعطيك العافيه.

خرجت من البنك وانا احمد ربي على اني بكامل صحتي وعافيتي , او على الاقل اني الى الان ما زلت على ملة الاسلام.

This Post Has 14 Comments

  1. eNAS

    سلام أنس
    كيفك وشو اخبارك
    وينك ما بتبين ولا حتى بتميل على جوردانيا

    مبروك ال 120 نيرة
    والله منتا قليل, معك كل هدول

    حبيت أمر اسلم, واحكيلك, هيني اتخرجت وما ضل عندي غير 3 امتحانات وبشطب على الجامعة وببلش حياة سعيدة جديدة بإذن الله
    ما شاء الله السعدان كبران وحليان .. على فكرة لقيتله سعدانة 🙂

  2. FOX_85

    شكلك يا انوس رايح على بنك الاسكان
    انا مرة وحدة فوتو و اندمت حسيت حالي بحسبة

  3. dandoneh

    أي حل عن سموات هالكنباي يا حج
    hhhhhh
    mo original

  4. ريهام

    ههههههه حلوة اكثير الحمد لله على السلامة

  5. Farah

    MSH TABEE3i hehehe
    kol el dawa2er o el mu2asasat hon bel ORDON
    btettasem b nafs el sema hehe
    so .. el 7amdela 3 salamtak a7san she !!
    o nshala BTENZKER MA BTEN3AD !

  6. Yazid

    hahahahhahahahahhahahhahahahhaha
    bs ana lessa shabab ya em ma7mood!!
    hehehhehehe
    7abbait :D:D:D
    kteeeeeeeeeeer 7elweh 😀

  7. berro

    أول شي الحمد لله ع السلامة روحت من البنك
    بس يلا ما طلعت ببلاش بعد طول هالسيرة
    بعدين شو هاد صاير الموقع من الآخر
    أول شي فكرت حالي فايتة على شي موقع تاني
    بس اكتشفت انو بعد طول الوقفة بالبنك نتج عنها تغيير الموقع كله 😛
    بس ان شا الله منها لأحسن
    ومبروووووووك على النيو لوك 😉

  8. whisper

    يا مبروك يا مبروك النيو لوك جميل جدا 🙂

    الله بعين هيك العالم كلها صايره لا الموظف ولا المراجع بتحمل تحكيلو حرف هالايام

    المهم الحمد لله انك طلعت بالسلامه من هالمعركه 🙂

  9. anOsyatE

    الله يبارك فيكي
    والله أكلت هوى من هالتحديثات يمكن انتي ما لحقتي لما ضل الموقع معطل 3 ايام والسبب مش معروف المهم الامور تمام لحد الان
    وبعدين المشكله بهالمعركه اني ما استفدت منها اشي كانو هدول حق بضاعه صاحبها مش مستنضف يروح على البنك ويصرف الشيك
    وانا عرفت ليش عمل هيك وعذرتو
    والله قمة المعاناة

  10. أبجد

    هدول قصدهم يخلوك تحس بقيمة النقود

    easy come easy go

    hard come hard go

    فهمت المغزى ؟

    بس انت اكيد بتحكي عن الاسلامي

  11. anas

    ايوا بالزبط بحكي عن البنك الاسلامي
    هيك ماكل مقالبهم أكيد
    ههههه

  12. tareke

    Hi Roy, Great review been looking for a program like this.Would be grateful if you could send me a http://www.7mmel.com license if you have any left.Cheers.

  13. hanin

    الصراحة الله يعينك، كله كوم ومشوار البنك كوم وخصوصا لما يكون البنك الاسلامي.
    مااله من اسمه أي نصيب، مرة رحت عليه عشان أصرف من يورو يمكن لدينار، والاخ الموظف بحكيلي ما في عنا سعر صرف ، ههههههه تخيل بنك وما في سعر صرف ، وعلى حد علمك أنا كبرت براسي وحكيتله بطلت أرجع على الشركة وخليهم يخصمولي يوم من اجازاتي ومش راجعة الا لما تصرف ( طبعا هاد الحكي كله في عقلي)
    بس جد رحت على مدير البنك وحكتلو شو هالبنك الي ما فيه سعر صرف ، صدقني لاسحب حسابي من عندكم ههههه اللي بسمع بحكي هي معها ملايين بس المدير طلع محترم وخلا الموظف يصرفلي, والمشكلة كل مرة بروح بحكي راح أغير هادا البنك وطبعا هادا الحكي الو 3 سنين وانا بدي أغيرو وبالاخر بكتشف اني عربية ومش شاطرة الا بالحكي متل غيري كتير

  14. غير معروف

    https://www.anosyat.com/?p=695
    رايح اصرف شيك
    http://www.anosyat.com
    وقفت انافخ واتململ في مكاني وانا انتظر من الاخ اسامه امين الصندوق ان ينادي على اسمي لكي

اكتب تعليق على الموضوع ^__^