MBC 2

قتل وطخ وموت وقفز من اعلى المرتفعات ..البطل لا يموت…والمسدس عمرو ما فضي…وطبعا الشاشه متل صفيحة حديد لا بتنصاب ولا بتنخزق هاي مقوله كانو يحوكها زمان اول ما عرفو اشي اسمو سينما ولما كانت الناس تفكر انو اللفلم هو عبارة عن حقائق ومجازفات بنفذوها الممثلين انفسهم ..كانو يحكو ببالهم ((طيب معقول الممثل بعرض حالو للخطر مشان يخلينا نتفرج عليه ونقول هاظ بطل؟؟)) ؟؟

لكن بحقيقة الحال الشخص الوحيد المعرض للخطر هو انت يللي ماسك كيس البوشار ومتمسمر قدام الشاشه وبتحش لا بهش ولا بتنش

الافلام الاجنبيه حاولت تبين انو الامريكان هم عبارة عن سوبرمانات وانتحاريين همهم هو محاربة الارهاب وكل مخالف لمعتقداتهم وسياساتهم …وكونت فكر جديد عند الشباب وبالأخص العرب..لانو احنا مساكين يا حرام ما بنفهم بالطكنولوجيا وبالخدع السنمائيه وعمرنا ما شفنا زلمه واقع من سابع طابق و ااااااااااااااااااااااه طججججججج فجأه بقوم يكت اواعيه ويضل ماشي كانو ما صار شي

اه الامريكان بسير عندهم هاد الحكي مش هم ابطال؟؟؟ لعاد؟؟

قناة الام بي سي لصاحبها الخائن سود الله وجهه فوق ما هو اسود ومنيل..من فترة مش بعيده عرضت فلم اسمو ((انا والامير)) طبعا الاسم بالانجليزي وكان بحكي عن قصة حب صارت بين بنوته امورة كتير امريكيه وامير الدنمارك اللي كان متواضع لدرجه انو حب وحده من عامة الشعب وطقع لابوه وامو مشان يتجوزها لكن المشكله انهم بينوهم ناس من هظول اللي بكونو بالجامعات اللي بسموهم هاي كلس او اللي هو وعلى انهم جناتل ومتفاهمين ودايرين بالهم على شعبهم وبسمعو ارائهم ..الفلم بصراحه كان حلو لكن لو ركزنا شوي لوجدنا انو توقيت عرض الفلم كان خطة خبيثة ومدروسه لتغطي وقاحة الدنماركيين وتطاولهم على سيدنا محمد صلى الله عليه وسلم… المصيبه ما وقفت على هاد الحد لا لا لا وين رايح لسه في كمان

بعد هاد الفلم على طول عرضو فلم بحكي عن الطريقة اللي بتبعوها الملائكه الامريكان بمحاربة اسياد الارهاب وعلى انهم هدول الارهابين بعملو لقائات سريه مع الامريكان وبياخدو اموال مقابل انهم يطلعو على التلفزيون ويقولو عملياتنا قد احبطت ولم نتمكن من تنفيذها كما يجب حوووووووول

وجابو ممثيلن رستكوهم وفعفلوهم بالطين شوي وخلوهم ينتحلو شخصيات اسلاميه مجاهده بريئين منهم ومن افعالهم

وعلى اساس انهم هدول هم المجاهدين تبعون لقائات تحت الطاوله

سبحان الله قناة عربيه يملكها شخص مسلم وبتهاجم الاسلام عينك عينك

ياااااااااا ابو الشباب يا صاحب قناة تفوووو على خلقتك ويا صاحب قناة اقرأ

انت تهدم خمارة خير لك من ان تبني مسجد

ويالله زحلق من هوون

12 thoughts on “MBC 2

  1. eNASTaisir says:

    wow Anas its truly truly sweett pot o ya zalameh mn ween btjeeb hal3ebarat,i cant stop laughing while reading them,but…unfortunatly”Shar el balehti ma yod7ek”,

    Take care and may Allah bless you
    this is ur Brother pic
    right
    may allah save him,

  2. 36o0o0oR (^_^) says:

    المسأله مش انو شي بضحك او لا انا لو كتبتها بالاسلوب اللي كان لازم تنكتب فيه كان ما حدا كمل وما وصلت فكرتي

    شي ببكي والله

    قصدك على صورة حدو يس هاد هو اخوي الزغير

    والله يخليلك انوووس
    مش انا طبعا
    اخوكي الزغير 🙂

  3. العبيط says:

    ويا صاحب قناة اقرأ
    انت تهدم خمارة خير لك من ان تبني مسجد

    _____
    انت مصدق انو هاي قنوات ( اسلامية ) انا برأيي المتواضع هاي قنوات ليس لها من الاسلام الا الاسم

    شوف مقالي بعنوان ( القدرات الفكرية … لشيوخ الكبة

    فيع

  4. سوزان says:

    مرحبا انس طبعا يمكن اكون علقت متأخره شويه لكن يمكن رايي شوي مختلف عن الكل الموجودين لاني بحب احلل الشي اللي بقرأه
    انا معك انه الافلام الها تأثيرها على الانسان العربي
    اما بالنسبه للفيلم انس انا شايفته فلم عادي طبعا ما حضرته حضرت الكليب اللي بيحكي عنه وما وجدت فيه اي شي غير منظقي الا انه بيحكي عن امير دنماركي ويمكن تكون كلمة الدنمارك هي السبب لكن خلينا شوي منطقيين هلا بالنسبه لقضيه الرسوم الكاريكاتوريه اللي قام فيها انسان جاهل لكن الحكمه في انه تكون ردود فعلنا منطقيه واللي تكمن انه ما نحاسب جميع الدنماركيين بنفس الطريقه لانه هاد الانسان عبر عن رأيه بطريقه الرسم }انا مو معه في الشي اللي سواه {لكن علينا نفهم انه في هاي الدول عندهم حريه الرأي ما الها حدود ولذلك احيانا ممكن يعملوا افلام عن المسيح ممكن تكون مسيئه اله الا انه هاي طريقه من الطرق للتعبير عن الرأي يعني انه لازم نحكم عقلنا في عمليه الحكم ع الناس ما نعمم لانه فيه احتماليه كبيره للخطأ
    وبعدين بالنسبه للفيلم التاني واللي بيحكي عن المجاهدين عزيزي انس ليش بتلومهم ما هو المشكله فينا احنا احنا اللي اعطينا هاي الصورة عنا انه احنا عالم مفعفلين ونهوى القتل وسفك الدماء يعني الصورة اللي برسموها احنا اللي اعطيناهم اياها وبعدين احنا اعلامنا هزيل غير قوي مش شاطرين غير بالهز والاغاني الهابطه لكن تعال على مواضيع ونقاشات هامه توازي النقاشات والتحليلات الللي تصدر من السي ان ان ما توصل للمستوى مش شاطرين غير انه انجيب الضبعه وفاء سلطان مع عالم هزيل لا يعرف كيف يجيب ولا يناظر وطول نهارنا مشغولين بالستار الاكاديمي البرامج المشابه يعني بدنا سنين لما نفهم كيف نعمل برنامج من صنعنا ومن خيالنا وفكرنا ما هو اقتباس او كوبي من برامج اجنبيه
    وكلمه اخيره انه احنا لازم انبطل حالة التعميم اللي نطلقها على الناس ونحاول نكون اكثر تفهم لواقع هاي البلاد ومنها نقدر نحاور وناقش

  5. 36o0o0oR (^_^) says:

    العبيط:انا ميقن تماما انهاقناة اقرأ قناة ولا الها دخل بالاسلام لكن برأي صاحبها هي مصدر للتكفير عن الذنوب اللي كومتها القنوات التانيه
    وهيني بوشي عندك

    سوزان: بسم الله ماشاء الله عندك طريقة كتير حلوة بالاقناع
    بس هلأ انتي مو شايفة انو توقيت عرض الفلم كان سيئ جدا وبوقت مافي مجال لخلق الاعذار والتغاضي
    وانا لا اعتقد انو مسأله الاديان فيها مجال لحرية الرأي وما اظن انو اللي اخترع صواريخ عابرة للقرات غبيه لدرجه انو ما يعرف انو هاي امور خطها احمر
    هاد بالنسبه للفلم الاول اما التاني
    مش عارف كيف وصلك اياها بس شوفي
    في كلمة حلوة عجبتني انو كلشي مسموح بالحب والحرب
    هلأ احنا بشو غلطنا احنا طلعنا من بطون امهاتنا ماسكين اسلحه ونازلين بهالناس تقتيل؟؟؟
    طبعا بدو يكون في سبب خلانا نلجأ للقتل مش اي اسلوب تاني الاحتلال والظلم اللي صابنا هو اللي خلانا ما نسأل عن الطريقة اللي بدنا نرفع فيها عنا هاد الضغط
    انا برأيي مافي غير القتل
    وبعدين عمر بن الخطاب قال لا يجتمع في جزيرة العرب دينان
    طيب معقول انو كل فرد من اصحاب الاديان التانيه متقبل اللي بسووه فينا؟؟؟
    بس هو عمم وما استثنى لانو الضعيف اذا لاقى اللي يشد على ايدو بسير قوي
    وهااااااااااااي كل الحكايه

  6. العبيط says:

    اسمحولي اتدخل مرة اخرى …

    موضوع عطور و سوزان يحتمل الكثير من وجهات النظر و لكن

    عطور يتكلم عن ( لماذا عرضت قناة عربية فيلم يروج للدنمارك في عز ازمة الرسوم )

    و يا عطور ، الطابور الخامس دائما موجود في كل الامم ، المشكلة عندنا هي وجوده بهذه البجاحة و الوقاحة التي لا حدود لها.

    اما حرية التعبير التي لا حدود لها فهي موجودة و لكن يحكمها قانون الغاب ، البقاء للاقوى

    اي ان هناك خطوط حمر ، و هذه الخطوط الحمر لا يصبح لها قيمة الا اذا وجد هناك قوة على الارض قادرة على رسمها ( سواء قوة عسكرية او اقتصادية او حتى سياسية ) المهم انها قوة فاعلة و مؤثرة تعمل ضمن منظومة امن قومي محكمة

    مثل حالة الهولوكوست مثلا ( حرية التعبير مصونة و لكن اذا قلت شيء عن المحرقة فالويل لك بالقانون

    اما الصورة المعطاة عنا ، فهي خطئنا نحن ، فنحن الذين اعطينا عن انفسنا صورة خاطئة جدا ، ولكن هناك الة اعلامية كبيرة ايضا لا يستهان بها تجتهد لأعطاء العالم صورة خاطئة عنا نحن

    و هذا من مصلحتهم و بالتالي من حقهم و الباقي علينا نحن ، كيف نواجه هذه الالة الاعلامية الضخمة ، هل نواجهها بالرصاص ام بالافكار ، هذا شيء عائد الينا و اليهم

    فيا نخلي الزبدة تسيح او نخلي الدم هو اللي يسيح

  7. eNASTaisir says:

    yah of courasebAnoos enta a5oi elsgeer bs 5aleek daeman shatoor ha,ma 3ndi e5wan heek wala heek
    b3deen mama btz3al
    May Alla bless u and bless 7edoo,
    Salam 3la mama

  8. سوزان says:

    للمره الثانيه انس باحكيلك انه فيلم رومانسي وما فيه شي ةاعتبرهم حكوا امير بريطانيا نفس الشي صدقني ما فيها شي وما في داعي للحساسيه لما ينذكر اسم الدنمارك مهي دوله موجوده الها قانونها وسيادتها
    اما بالنسبه للحريه الحريه الموجوده في البلاد الاوروبيه هي حريه بلا حدود واكبر دليل انهم في امريكا عاملين بوش مسخره على الآخر وكمان بالنسبه انه في خطوط حمرا لازم ما يتعدوها ما هو مين اللي بيحط الخطوط الحمرا المشرع والمشرع اعتبر ها انها حريه رأي
    وحتى احكيلك عن انه ما في سقف للحريه يمكن الكل سمع عن الفيلم كود دافنشي واللي منع في عدد من الدول العربيه بتصور الاردن وحده منها هاد الفيلم بكل صراحه بيحكي قصه مغايره تماما عن القصه المعروفه واللي بيعرفها المسيح حول صلب السيد المسيح ووفاته وكل التفاصيل وطبعا الكنيسه اعترضت عليه الا انه الفيلم عرض في دور العرض ولم ينصاع لامر الكنيسه لانهم اعتبروها حريه رأي وبتمنى هيك تكون فهمت نوع الحريه الموجوده هون
    القتل عمره ما كان حل لاي مشاكل وحتى القتال اله قوانينه وضوابطه في ديانتنا وما بيصير نروح نقتل ناس ما الها دعوة اللي بيصير يعني هلا الناس اللي ماتوا في التفجيرات في الاردن شو كان ذنبهم
    وكمان الناس اللي بيتم خطفهم وانا باحكي عن المدنيين اللي ما بيحملوا سلاح وبيقوموا بقطع اصابعهم وارسالها الى الكتائب التابعه الى دولتهم هاي وحشيه والاسلام ما سمح فيها
    اما شغله يتقبل او لا فهاي مشكلتنا لانه احنا اعلامنا ما عم يوصل لاهل هاي البلاد
    وللمعلومه في شخصيه بريطانيه يمكن تكون سمعت فيها وهو George Gallowayهاد الشخص مدافع اول عن العرب والمسلمين المهم هاد حكي انه العرب لا يملكون الميديا التي توصل صوتهم الى العالم وانه في يوم اجتمع مع الامير صاحب روتانا وحكاله في قناة تم عرضها للبيع في امريكا وهي قناه اخباريه قله اشتريها وظفها لنشر الحقيقه عارف شو قله قله هاد مو اختصاصي وهاد مو ضمن اهتماماتي فشفت وين اهتماماتنا يا انس اهتماماتنا مو انه ندافع عن نبينا او عن ارضنا اهتماماتنا ضمن منظومه هيفا وشلتها

  9. Amjad Wadiِ says:

    مرحبا أنس

    والله انا بستغرب كيف الناس بستمتعوا بهاي الأفلام .. و بظلوا اشهر يحكوا عنها

    و على فكرة ملاحظتك دقيقة .. الأعلام كله موجه .. وما فيه اشي بنبث هيك صدفة .. وما فيه لقطة بأي فلم بتنحط عن عبث أو مصادفة .. و هناك أيحاءات ببعض الأفلام و المسلسلات بتكون موجهه لالعقل الباطن أو اللاشعور .. وبتأثر فينا من غير ما نحس فيها

  10. @ !\! o o o $ says:

    لعبيط :تراك اختصرت علي مشوااار طويييييييل يالله يسعدو اللي فهمني 🙂

    nosa:والله يا بنت انتي شكلك مشكلجيه وانا هيك ما بزبط معي خلص الهامل هامل

    حاولي تتقبلي

    انوووس

  11. @ !\! o o o $ says:

    سوزان شوفي علي انتي عايشه على ما اظن بامريكا صح؟؟؟
    انتي من هناك شايفة الوضع من بعد مختلف تماما عن اللي احنا شايفينو وممكن انك كنتي شفتي منهم ايجابيات كتيرة خلتك تتغاضي عن سلبياتهم

    بس احكيلك بصراحه انا مش من النوع اللي مخي يابس ابدا بس انا تربيت على شي وضل مزروع فيني
    ولازم احكي واعبر وادافع
    باي اسلوب وباي طريقه
    اللي قتل طفلك اقتل طقلو واللي قتل زوجتك اقتل زوجته
    ايامنا مختلفة تماما عن ايام زمان
    يعني اللي بدي اوصلو بهاد الوضع بالذات وبهاي الازمه
    الغاية تبرر الوسيله

    امجد: يا اخي الله يكتر من بسطيرك شو انو مخك هااااااااااااالكبر
    عمي المشكله انو الواحد وهو قاعد قدام الشاشه بقول ((يا اخي انا عارف انو كلو هاد كذب ومهاجمه للمسلمين واان ما بتغير عارف حالي))بس فكرة على فكرة وراي على راي ضاع المسخم وتغير عندو مفهوم الاسلام بدون علمو لمفهوم تاني ..الارهاب.. زي ما قلت انت هون بشتغل العقل الباطني

    اهلين معلم

  12. سوزان says:

    موضوع القتل انس والغايه تبرر الوسيله بس مش ع المدنيين لا تنسى انه احنا مسلمين انه الرسول عليه الصلاة والسلام حط قوانين للحرب واللي من ضمنها انه لا تقتل امرأة ولا طفل ولا تقطع شجره ولا يقتل رجل دين في صومعته معناته انت المطلوب منك ان تقتل فقط مين بواجهك بالسلاح بس يا صاحبي اما بالنسبه لقضيه الرسوم الكلمه الاخيره اللي بدي احكيها انه ما نعمم على الجميع وسلامتك

Leave a Reply

Your email address will not be published.