مشان العيد

هيني ما صرلي ربع ساعه صاحي ,قبل شوي قمت لقيت صحن معمول على الطاوله أخدت منه حبه وبس اكلت نصها هيك نقزت …!! لأني لسه مفكر الدنيا صيام اما بعدين لما تذكرت انه عيد يا حبيبي على الشعور المريح ..وانه مشان الجكر أكلت النص التاني شوي شوي وعلى اقل من مهلي

😀

المهم كل عام والكل بخير وبدي مسج حلو للعيد لأنه الناس ابصر مالها تفشى بيناتهم مرض النغاشه مع انفلونزا الخنازير

لحد اللحظه أجاني 8 مسجات

منهم 4 من سمو الشيخ اللي تنازل يعبرني ويرسلي مسج

و  3 بذكروني بحمام العيد

و واحد  دعاية من شركة زين

والحمد لله على كل الأحوال 🙂

This Post Has 10 Comments

  1. whisper

    كل عام وانت و الاهل بالف خير
    بالنسبه للمسجات فانا هالرمضان ولاول مره بحياتي قررت ما ابعت لحد 🙂
    يا دوب للناس القراب القراب وبس …و طبعا ما التزمت بهالقرار وراح الرصيد
    فرجاءا ما حد يجيبلي سيره المسجات :”(

  2. whisper

    صحيح نسيت احكيلك…قردك وصلته العيديه علشان ما تحكي اجيت وايدي فاضيه 🙂

  3. anas

    وانتي بخير 🙂

    بتعرفي انا بهيك مناسبة بدي كازية رصيد وراي اذا بس للقراب فكيف الاصحاب ؟؟
    بس المشكله ما بيوصلني قد ربع المسجات اللي ببعتهم
    فماشي على مبدأ تذكرني بتذكرك
    وبعدين قردي أخد عيديته وانا عيديتي وين؟؟
    :p

  4. Dreamy Villager

    كل عام وأنت بخير 🙂
    أنا ما وديت لحدا مسجات.. وصلني مسجين بس والاثنين أزنخ من بعض…مش فاهمة ليش الناس بعدهم بودوا مسجات معيودة
    خلص روح كمل أكلك 🙂

  5. علوووش

    كل عام وانت بالف خير انووس باشا

    وينعاد عليك ان شالله

    وكل معمووول وطعمينا مش تاكل لحالك ههههههههههههههه

  6. sozan

    باعرف متاخره بس والله العيد ما اله بهجه زي عنا يعني تاكل معمول وانا هون مش صاححلي كعكة تمر يلا اللي باكل لحاله بيزور
    كل عام وانت بخير 🙂

  7. anas

    هههههههه دريمي وانتي بخير ..يعني بقول لحالي صباح الخير بالليل راح يجي الاضحى وانا بعدني ما رديت
    على كلن ما بدك وجعة الراس المسجات مخسر 🙂

  8. anas

    علا علا علا وانتي بخير
    اكلت لقلت بكرا العيد
    وهو كان بلحظتها الدنيا عيد
    اي هو انا عارف كيف؟ المهم التخمت
    بس أكلت لشبعت
    😛

  9. anas

    طيب سوزان انتي تأخرتي طيب وانا شو احكي عن حالي ؟؟
    😛
    بس لو لو لو اني رديت قبل هيك كان بعتلك كعك 😛
    بس خلص راحت للعيد الجاي
    وانشالله العيد الجاي يكون احلى من الي راح
    🙂

اترك تعليقاً