! الأمريكين,الأغبى على الإطلاق

شو بدي أقول غير سنحكم وسنح اللي شاد على ايدكم شو انكم تيوس

سكان أقوى دوله بالعالم مش عارفين الخمسه من الطمسه ولا حتى بيعرفو شو هي الدوله الي يبدأ أسمها بحرف

U

و الأعبط من هيك ,كلهم على استعداد تام لدعم الرئيس اذا أعلن الحرب على أي دوله من غير ما يعرفو الاسباب أو حتى يتأكدو من وجود هاي الدوله من الأصل

!!

نضحك كمان؟؟

طيب أنا مش عارف شو الفرق بين اليهود والفلسطينيين بس أحكيلي الله لا يهينك, مين فيهم اللي بيرمي الحجار على الثاني؟

وعلى فكره اسرائيل ديانتها الرسميه هي الاسلام, والبوذيين كمان مسلمين

……………………

وأنت بتشاهد الفيديو enjoy

شكر لفاعل خير

This Post Has 30 Comments

  1. الاخت علوش

    مرحبا

    الحق كل الحق معك فعلا شعب متخلف ومش عارف الخمسه من الطمسه الله يعينهم على حالهم يعني على الاقل احنا بنعرف شغلات اساسيه بحياتنا وتاريخنا ودينا الي هو فوق راسهم غصب عنهم
    مهو الله ساخطهم ومعطيهم عقول قابله للانكماش والتضائل لا والمشكله انه احنا بنخترع شغلات وبنكتشف شغلات وحضراتهم بياخدوها وبحطوها بأسمائهم وبضموها لدولتهم
    يعني كتتتير من الادويه والعقاقير اكتشفها العرب منذ الاف السنين ومع الترحال وصلت الهم فنسبوها الهم حسبي الله عليهم

    مشكور انوس على الموضوع وكل مواضيعك رهيبه

  2. Amjad

    انس مزبوط نسبة كبيرة بعرفوش الخمسة من الطمسة
    بس والله عندهم كمان عباقرة الواحد بمليون … و ما تفكر انه احنا أحسن حال .. روحلك على أي جامعة .. و اسأل سؤال عام و شوف كم واحد بجاوبك عليه

  3. الاخت علووووش

    يا اخ امجد الله يحيك ويسعدك بس الواحد بسألوه شو بلاده ما بعرفه مش معقول بعدين انا طالبه جامعه اسألني سؤال وشوف ازا بعرف اجاوب ولا لأ هههه
    ولا كلشي بيحكي عن الجهل والهبل بتلبسوا لهالجامعات
    ما خليتوا علينا شي الله يسامحكوا والله الواحد صار يستحي يحكي انا مخلص جامعه او بدرس بالجامعه ما انتو ما كلين وجهنا

    لازم الواحد يرفع من معنويات بلاده واهله واحنا بنعرف الصح بس لازم الدعم وبعدين ازا كل واحد حكى زيك ما رح نتقدم خطوة لقدام
    وبعدين احنا الي خلينا حالنا جاهلين وما بعرف شي يعني ضلهم
    يحكولنا انتو شعوب متخلفه وغبيه وجاهله منذ بدايه نشأتنا
    واحنا ضلينا نهز روؤسنا بالايجاب لحتى صرنا فعلا اغبياء وخلينالهم الفهم والعبقريه

  4. ليليان

    بيييي شو ضحكت..

    عنجد في ناس هيك؟

    انه جد مستغربه يكون عندهم جهل بهيك امور..

    انوس بغلبك لو طلبت منك رابط الفيديو؟

  5. sozan

    هاي مش دلاله على الغباء دلاله على الجهل في المعلومه وكمان نصيحه انس لا تعمم في احكامك الامريكيين مثل ما في عندهم عنا يعني انا بتذكر مره الاستاذ سأل احد الطلاب عن الحدود اللي بتحد الاردن وهو اردني ودارس في الاردن تعرف وقف مثل لو انه السؤال كان عن فرنسا او دوله مش الاردن هاي النوعيه من البرامج الهدف منها ترفيهي

  6. Qutaibah

    تحشيش ايش هالذكاء الخارق

  7. anas

    علا أول اشي بشكرك على تعليقك والدعم المميز منك بس اسمحيلي أحكيلك انك ما فهمتي شو بيقصد السيد أمجد
    أول شي هو شخص مثقف ومتعلم ودارس بالجامعه ومكمل دراسته بكندا
    🙂 وانا سبق ووضحتلك الموضوع بس لازم أرد اعيدلك اياه هون
    هو لما قال روح على جامعات ما كان يقصد طلاب الجامعات بالتحديد لكنه أختار الشريحه المثقفه كمثال لأنها اكثر شريحه حائزه على احترام المجتمع وكيف انه منهم نسبه كبيره مش أكثر من مجموعة فشله دخلو الجامعات مشان قصص البنات والتزبيط والشغلات الفاضيه وما عندهم اي فكره عن اي وحده من قضايانا أو علاقتنا كمسلمين وعرب
    وبنفس الوقت احنا فينا خير وفينا ناس بترفع الراس والأمر لا يخلو
    🙂 صح يا علوش ولا مش صح؟

  8. anas

    أمجد
    مزبوط احنا مش أحسن منهم ,بس اللي مجنني انهم شعب صاحب موقف وبحركه منهم ممكن يقلبو العالم فوقاني تحتاني وانو معقول هيك اسئله بهالسخافه ما يعرفو يجاوبوها؟
    طيب على اي اساس انتخبو رئيسهم اللي مفكرينه العالم هو المهدي المنتظر؟؟
    وبرضو زي ما هم عندهم نوابغ احنا عنا بس هات اللي يهتم عاد؟
    وسامحنا على سوء التفاهم بس علوش ما كانت تعرفك 🙂

  9. anas

    ليليان شايفه بالله كيف؟؟
    وقال بيحكو عنا بقر
    وبالنسبه للرابط والله يا ست ليليان أنا اسف ما بقدر اخدمك ,ما دخلني كم تدفعي ؟؟
    😛

    بس هيك؟؟ اطلبيلك شغله تحرز 🙂
    وهي أحلى رابط للست ليليان
    http://anosyat.com/wp-content/uploads/anosyat.com.flv

    ولا تنسي كالعاده ,سلامات للمس تايرا 😛

  10. anas

    سوزان
    أوكي كلامك صحيح وعلى فكره رأيك زي رأي أمي انه الأصح هو الجهل مش الغباء
    برضو هم دايما بوجهولنا اتهامات مش صحيحه وبيوصفونا بالارهابيين والمتخلفين وكل العالم بأيدهم؟؟
    ليش ما نقتنع انهم اعدائنا ونحاربهم بكل شي متاح بين ايدينا حتى لو بالكذبه؟؟
    ليش دايما مصرين على تبرئتهم وتصويرهم على انهم ملائكه لكنهم انحرفو شوي صغيره بس الملاك ملاك!! واذا الطالب حمار ومش عارف شو هي حدود الأردن ,نروح ننسبه للعرب عامه ونسويه رمز لألنا والاجنبي اذا كان حمار منقول حاله شاذه؟؟

    معلومه: انفعلت شوي بس مش معصب 🙂 اهم شي بحب ارائك لأنها دايما بتعاكسني
    وهاد اشي كويس طبعا 😛

  11. anas

    والله يا قتيبه الأمريكان كلشي عندهم خارق
    حتى بالغباء خارقين
    امريكان يا عمي
    🙂

  12. ليليان

    انوس عنجد عنجد يسلمو عالرابط

    الله يسعدك يا رب

    وخلص ولا يهمك سلامك وصل لتايرا و هيه كمان بتسلم عليك

  13. sweetlikearose

    احزر مين رجعععععععععع؟؟؟؟
    بعدين اسمها الامريكيون عشان هاي مبتدأ والمبتدأ مرفوع .. روح روح راجع القواعد …
    التعليق على الموضوع بعدين … 🙂
    عدنا 🙂

  14. anas

    ليليان ولا يهمك,بس زي ما حكيتلك بدنا شغله تحرز وترفع الراس 😛

    ومشان لا اضل احكيلك سلمي على المس تيايرا بسير اختصرها هيك
    س ع م ت 😛

  15. anas

    أهئههئ ميييين
    طبعا هالضحه طلعت لا اراديه وضليت وراها لأكتبها صح
    اي بدك تعلميني قواعد كمان ؟! انا اسئليني عن اسمي بقعد ساعه اتحزر

    يالله مفاجأه اخت شلن 🙂

  16. sweetlikearose

    ولك بدك تكسير راس انت … اسمها كحة مش ضحة … لاااااااااااااااااااء شكلك لازمك دروس مع طلابي .. جهز حالك .. وعلى هالغلطة نائص علامة ..
    واسمع … مالك انت على الشلن؟؟ يا زلمة لا تكون بزماناتك مضيع شلن وبعدو مأثر فيك .. خلص انا بعطيك بدالو 🙂

  17. anas

    انا قصدي ضحكه مو كحه!!! مين اللي فينا المضيع مخاتو ,,مني وعلي مخي هيو براسي حاسس فيه
    وشو بالنسبه للشلن؟؟؟
    ما فهمتها 😛

  18. نادية

    انا بلنسبه الي ما بنحرج لما احكي مو عارفه هلشغله بنسبه لامريكا هي اسطورة بس اسطورة مزيفه زي الديناصورات ع كبر حجمها بس انقرضت ممكن واكيد ما راح اشبها لقصة لانو القصه بتترك عبرة معرفه شي حلو مرة مفرح مره محزن القصه شعور ماراح اشبها الا بلاسطورة الي ما الها تواجد بلمرة

  19. huseen

    إن كنت تدري فتلك مصيبة و إن كنت لا تدري فالمصيبة أعظم
    والله أنا شايف إنك إنت ما بتدري شو إلي بصير حواليك ، يعني إنت إلي بتعرف الفرق بين الفلسطينيين و اليهود، وإذا صحابك العرب بدهم يسو حرب بشاوروك و الأمريكيين أوعى منك ومن غيرك من العرب

  20. anas

    طيب يا
    huseen
    البطل
    🙂
    يا ريت نفكنا الألغاز والحكي الفاضي وتفحمنا بكلام مثبت ومدعوم بدلائل وطبعا يكون صريح ومباشر وفش فيه الغاز وتلميحات
    واذا حاب تكتب بلغة صحابك وحبايبك انا ما عندي مشكله واذا كمان حابب تكتب
    ديفد بدال حسين كمان فش مشكله
    هون مسمحولك تشلح كرامتك وعروبتك في سبيل توصلنا رأيك
    حياك بجميع الاحوال والظروف
    🙂

  21. حفصصهَ

    امرررررريكا مش غبييه اسرائيل الي مستحله فلسطين وامريكا لها السلطه على كل العالم عشاان كذا امريكا غبيه والله تخلف وقسسم

  22. اية

    رائع شكرًا
    🙂 🙂 🙂

  23. اية

    رائع شكرًا
    🙂 🙂 🙂

  24. غير معروف

    نهاية انس الشجاع بدي أنسخها على موقعي كيف؟؟؟

  25. actual

    نعم الامريكيين بسطاء جدا ولهذا السبب تستعمرهم الدولة الصهونية المسماة اسراسيل لانهم الامريكيين لايعرفوا شيئا من الحياة غير الاكل واللعب وشمة الهواء

  26. rahhal

    يا زلمه والله مهو مفهوم شو يتحكي
    كلها خرابيط
    يا رجل شو يتحكي والله مو فهمان ليك
    كانك الله العليم لساتك صغير؟

  27. anasz

    لو الفيديو شغال كان فهمتني
    .
    .
    ونعم لساتني صغر بالعمر طبعا

  28. غير معروف

    هي رابط الفيديو
    😉

  29. anasz

    شكرا عالرابط استاذ مجهول
    بس شو عرفك انو هااااااد هو الفيديو؟؟
    بس اسجل دخول رايح اضيفو بس لو حطيت اسمك مشان ننزلك شكر
    😉

  30. غير معروف

    عرفتو لأني مرة شفته 😀
    ونزل الشكر باسم فاعل خير 😛 😛 😛

اترك تعليقاً