صباح أردني جميل
November 5th, 2009 | 
Author: 
كالعاده يوم مشمس مع ممطر مش راسي على بر وصباح مشرق متشبع بالدخان وأزمات السير الي ما بتخلص بهالبلد , مع شوائب غير ضاره من زقزقات العصافير الي هي بالأصل المفروض تكون كلها اصوات زوامير السيارات.
مشاهد السب والشتم لا بد منها على حواف الطرقات ويمكن بعض التشابكات الحميمه بالأيدي وبعض البوكسات الخفيفه لأسباب فعلا محرزه مثل ليش بتجحر وعلى شو بتتطلع وليش تزمرلي , مع تجمع وفير من الناس الي بمارسو حق الفضول بكل حريه .
بهالفتره المثاليه من الصباح بتلاقي برنامج واحد على جميع الاذاعات المحليه وهو عباره عن طرح مشاكل المواطنين ومحاوله في حلها مع انهم لو يعملو اذاعه لكل مواطن فمن المستحيل تجريد المواطن الأردني من ممارسة حياته المفعمه بالمطبات والعفشكات! بالأضافه الى التحذير من السرعه الزائده بالشوارع الخارجيه لأنها الشوارع الداخليه مليانه شرطة سير وأكيد راتبك الي معمر من وراه قصور ومولات مش راح يتأثر بمخالفه رمزيه بيدفعوها حق سطل دهان ابيض لعمل أماكن مخصصه لتُقتل عليها والمعروفه بأسم ممر المشاه كطريقه بديله عن تحديد النسل, طبعا هاد بحال التزام المشاه بالممر اولا قبل التزام المكوك (بي أم) الألماني الصنع والمعدل ومفيع أردنيا بتخفيف السرعه قبل ارتكاب مجزره عفويه نهايتها عطوه وفنجان قهوه.
صباح جميل ومناسب لتاخذ استراحه 6 ساعات من شغلك المكون من 9 ساعات فاذا رحت على دائره حكوميه حتلاقي الموظفين من فيض السعاده الي هم عايشينها بيلعبو مع المواطنين لعبة (الشبابيك) واللعبه لازم يفوز فيها شخصين بس موظف حكومه واحد ومواطن واحد , فالموظف الي بيرسل أكبر عدد من المواطنين على شبابيك منافسيه يفوز بالنهايه لأن المواطنين مش راح يرجعوله ابدا وهيك بكون خلص دوامه على بكير, اما المواطن الفائز فهو الي بينهي معاملته على بكير ويصمد في لعبة الأعصاب الحديديه لعبة شبابيك.
ما أروع فترة الصباح لما توقف تستنى تكسي تحت المطر وتلاقي كل سياره صفرا بتحاول توقفها بأشرلك بايده وبسلم عليك بكل شغف بعدها بتابع مسيره باتجاه البنت الواقفه بعدك بمترين ,راح بنتابك شعور عارم بالسعاده عند ما تشوف شوفيرية التكاسي منقوعين بالأحاسيس والأخلاق الحميده لأنه عارفك انت شب وبتتحمل توقفلك كمان ساعه ثانيه غير الثلاث ساعات الماضيات ,اما البنت فمسكينه غير انها راح تنبل بمية الشتا اكيد راح تتأخر عن ورشة الباطون الكائنه بالقطب الشمالي المتجمد.
يا ريت كل البلاد عندها نفس الصباح الي عنا ويا ريت كل الناس لما تقول لولادها بالليل تصبحو على خير يكون اليوم الي بعده فعلا صباح خير ونشاط , لأنه النط من فوق سور المدرسه بعد الحصه الأولى بيحتاج لقوه وتركيز وسرعة بديهه قبل ما يجي مربي الأجيال بالبربيش البلاستيكي ويرسملك خطوط حمرا بحواف زرقا على مناطق متفرقه من جسمك بالتالي يبلغ ابوك مرتبه من السعاده ما حيتحملها قلبه وينجلط مباشره بعد السعاده الي منحته اياها امك بمساعدة دموع (الفرح) لتحصل منه على مبلغ 20 دينار حق فستان تتباهى فيه قدام الجارات.
وتعالو يا ناس احسدونا واذا مو عارفين شو الحسد تعالو عيشو عنا واحسدونا ويسعد صباحكم ما اشنعكم.
Posted in 
Tags: 
20 Responses to “صباح أردني جميل”
أتــرك تعليــق
china earth free earth to flash games jordan s Uncategorized [ جـذاب ] [نهفات] أردنيات أرقام السرية للعبة gta اسلام اسلاميات الاردن الاردن اولا العاب العاب أطفال العاب فلاش اناشيد انترنت انوسيات برامج بنك ترفيه توأم هناي توجيهي ثقافات جذاب حقائق دجاج دستور الاردن رمضان سيارات شيك صور صور وتعليقات فلاشات فن كشره اردنيه مدونات موقع جذاب ناس نكشة مخ نهفات اردنيه
WP Cumulus Flash tag cloud by Roy Tanck requires Flash Player 9 or better.
hehehehe
7abbait el 6aree2a 
ya seede
i like
Saba7 el wa6an el jameel
o samme3na o3′nyet
6al el nashmi mn el 5andag :P:P:P:P
ya jama3a el wa7ad bes7a besma3 fayrooz
jay tgolli wakeel!!! hehehe
good job i like the article
Yazid
يا صباح الخير
اولا بنصحك باجازه سريعه وعاجله, لازم تسافر بره البلد لمده لا تقل عن شهر و لمسافه لا تقل عن 20 الف ميل ضوئي حتى يرجعلك مود عدم المبالاه
كل فتره وفتره بروح عالقمر
هيك انا بعمل
ثانيا
الله يخليلنا اياهم اللي دائما بمدونا بايادي العون ليزيدو من مشاكلنا وهمومنا
تخيل شو بدنا نعمل لو ما عنّا مشاكل, كان الحياه كتير كتير ممله صح :”(
عكلن زي ما بحكو
الباب اللي بجيلك منه الريح…سدّه وارقص بالعتمه
Akeed صباح أردني جميل sounds like many mornings across the globe…every place is the same with different degrees of problems…Cheer up and have a lovely morning..oh, enjoy your weekend too.
صباح الخير .. مع أننا بالليل
شو مال أوضاعك مش كل ولا بد…الله بعين يا أنس شو بدك تعمل.
بس بصراحة لعبة الشبابيك كثير عجبتني..شكلي ما كنت فاهمة اللعبة وكنت دايما أخسر بسرعة..بس خلص من اليوم ورايح رح أخسر أكيد بس بشكل أبطأ.
اما الصباح في بلادي فهو ذو نكهة مميــزة..بطعم الالم والمرارة والقهر!!.
فنحن نصبح على مصير غامض ومجهول لا يعلمة الا الله..ولا يحسمة الا اصحاب الضمائر الحية..
لكـــــن!!
ففي بلادي الصباح ..وحتى المساء مختلف كلياً..
فنحن نصبح ونمسي على انين ..وندائات ..القدس والاقصى
حفريات تهويد ..هدم ..تدنيس تقسيم..لكن!!؟؟؟
نصبح ونمسي على جــــرح ما زال ينزف ..قهراً..على تخاذل ووعود كاذبة منافقة
نصبح ونمسي على صمت مخزي مطبق ..لم يجلب الا العاار
نصبح ونمسي على آمـــــل العودة..وحنين العودة الى الديار المنهوبة
نصبح ونمسي..على رثاء الوطن…
نصبح ونمسي..على محطات وذكريات..لها وقع في نفوسنا
نصبح ونمسي على رائحة المسك ..المتطايرة من دماء شهدائنا
نصبح ونمسي على طمس للهوية والدين والتاريخ
نصبح ونمسي ..على صمود آسرانا البواسل..
بأختصار ..في بلادكم ..كما ذكرت يقولوا لكم قبل النوم تصبحون على خير
اما في بلادي..تصبـــــحون على وطــــــن..!!
لكننا بالنهاية نصبح ونمسي..وننتظر ..وننتظر..!!
هلا والله
بس احكيلك انا بحب طل النشمي من الخندق
اما مش بفترة الصبح اي مشان الله عاد نازل عمك حسين يطخطخ ويطقطق عظام والناس لسه بتقول يا فتاح يا رزاق
عادي يا صاحبي اصلا الوكيل كمان زلمه مهسهس فش منه فايده حاسه من صباحية ربنا طاقعلك خابور ومعطي الدنيا اوف
ويااااا ميت ورده واهلا وسهلا فيك
همسه شو يعني صباح الخير؟
بتعرفي والله نفسي بأجازه من زمان وزي ما قلتي انتي هيك شغلة ابعد وانسى لاني مود عدم المبالاة شايفه اجاني بالفتره الحاليه بس هاد مود مايل على تمسحه شوي
هاد على أولا
بعدين ليش مين زعلان على المشاكل الي عنا ؟ مهي نفسنا وهوانا وميتنا و اشو اسمو اي اشي منقدرش نعيش بدونو
وحتى هم الي بمدونا كلو كلو
بعدين سؤال انتي لما اجيتي على الموقع ما دخلتي من الاردن صح؟؟
يبدو دخلتي من بلد تانيه
وبالنسبه للمثل كنت مفكر تكملته
حمار الي ركبه
صباح اردني وانتي بخير
وعلى فكره فتت عندك وشفت طبايخ واكلات وشغلات زاكيه بس المشكله ما الي مزاج اتعلم
انا باكل وبس
عفوا
بوكل
طيب عادي احنا بالليل فتنجكى صباح الليل
لا وعجبتني أخسر ابطئ لول من فترة الشهرين الماضيات خسرت تقريبا 9 مرات بمناطق مختلفه ومتفرقه
وبما اني كمان عم ارد بالييل فبحكيلك صباح النور نور العامود والهسهس الي داير حواليه
بالنسبه لأوضاعي كل الي انا طالبه اجااازه
اجااااااااااااااازه وبس
لو على برندة المطبخ
انا قبال بس مشاااااااان حسني مبارك والرئيس عباس ورحمة لحج صدام حسين
بدي اجازه
بس النتيجه ان شاء الله راح تكون زي ما بدي
يالله يا رب
تئ تئ تئ
يالله معلشي معلشي
تعالو عيشو عنا احسنلكو من هالحكي هاد كلو
……
ملاحظه
الله يديم الامن والامان على الاردن الحبيب وعلى كل بلد ما ابتلاه ربنا بفقد الامان
..
اهلا وسهلا
عنجد لازم نغير اسم مدونتك لمدونة ناقم ,
الموضوع رائع , بس انت ما اشرت بموضوعك لمشكلة الابتسامة المرسومة على صباح كل مواطن بسبب وبدون سبب .
سبحان الله دايما الناس عنا هون مبتسمين , وهاد اكثر شي بخليمي احب صباحات هالوطن الجميل .
خصوصا مع ضحكة بتلالي من ثم محمد الوكيل على الصبح , ولا أحلى .
شكرا الك اخوي انس على الموضوع فعلا كتاباتك رائعة .
hello anas its yazid from Farah and Yazid’s Blog
http://yazzzidzblog.blogspot.com/
i changed the name to Yazid’s blog now
and here’s the new link
bddi a3′allbak ana
انت قصدك الكشره ولا الجحره؟
اهلا بالمواطن السعيد 
مهو عنا بالاردن من كثر ما احنا (سعداء) صنفنا الابتسامه لأكثر من تصنيف وشكل
يعني ابتسامه عن ابتسامه بتختلف
وناقم هاي شو بالزبط ابتسامه وطيب كيف بتنعمل؟
يزلمه يا ميت اهلا وسهلا
وغلبتك راحه يا اخي ولاااااو 
اليوم دخلت عندك مشان اضيف الرابط تبعك عندي بس استغربت لما حكالي المدونه محذوفه
قلت ابصر شو في يالله كويس الي اعطيتني رابط ثاني وريحتني من تسجيل الدخول مرتين
الاردن اولا وسيبقى الاردن اولا ان شاء الله ………… اردنية وافتخر
Jordan first
Jordan first Jordan First, Jordan will remain first
ما أجمل الاردن
الارررررررررررررررررررررررررررررردن اولا
الارررررررررردن
يا أردن فدوى لترابك وحدنا ينعد بمية بس إنخانا يا عبدالله نلبس بدلة عسكرية
