مشان العيد

هيني ما صرلي ربع ساعه صاحي ,قبل شوي قمت لقيت صحن معمول على الطاوله أخدت منه حبه وبس اكلت نصها هيك نقزت …!! لأني لسه مفكر الدنيا صيام اما بعدين لما تذكرت انه عيد يا حبيبي على الشعور المريح ..وانه مشان الجكر أكلت النص التاني شوي شوي وعلى اقل من مهلي

😀

المهم كل عام والكل بخير وبدي مسج حلو للعيد لأنه الناس ابصر مالها تفشى بيناتهم مرض النغاشه مع انفلونزا الخنازير

لحد اللحظه أجاني 8 مسجات

منهم 4 من سمو الشيخ اللي تنازل يعبرني ويرسلي مسج

و  3 بذكروني بحمام العيد

و واحد  دعاية من شركة زين

والحمد لله على كل الأحوال 🙂

10 thoughts on “مشان العيد

  1. كل عام وانت و الاهل بالف خير
    بالنسبه للمسجات فانا هالرمضان ولاول مره بحياتي قررت ما ابعت لحد 🙂
    يا دوب للناس القراب القراب وبس …و طبعا ما التزمت بهالقرار وراح الرصيد
    فرجاءا ما حد يجيبلي سيره المسجات :”(

  2. صحيح نسيت احكيلك…قردك وصلته العيديه علشان ما تحكي اجيت وايدي فاضيه 🙂

  3. وانتي بخير 🙂

    بتعرفي انا بهيك مناسبة بدي كازية رصيد وراي اذا بس للقراب فكيف الاصحاب ؟؟
    بس المشكله ما بيوصلني قد ربع المسجات اللي ببعتهم
    فماشي على مبدأ تذكرني بتذكرك
    وبعدين قردي أخد عيديته وانا عيديتي وين؟؟
    :p

  4. كل عام وأنت بخير 🙂
    أنا ما وديت لحدا مسجات.. وصلني مسجين بس والاثنين أزنخ من بعض…مش فاهمة ليش الناس بعدهم بودوا مسجات معيودة
    خلص روح كمل أكلك 🙂

  5. كل عام

    وأنتم لربكم طائعون

    ولنبيكم الكريم تابعون

    ولدينكم الحنيف رافعون

    ولأهلكم وأمتكم نافعون

    جديد جذاب..

    فيديو كليب يلا نعيد – محمد وديما بشار

    http://www.jzaab.com/videos-action-show-id-513.htm

  6. علوووش says:

    كل عام وانت بالف خير انووس باشا

    وينعاد عليك ان شالله

    وكل معمووول وطعمينا مش تاكل لحالك ههههههههههههههه

  7. باعرف متاخره بس والله العيد ما اله بهجه زي عنا يعني تاكل معمول وانا هون مش صاححلي كعكة تمر يلا اللي باكل لحاله بيزور
    كل عام وانت بخير 🙂

  8. هههههههه دريمي وانتي بخير ..يعني بقول لحالي صباح الخير بالليل راح يجي الاضحى وانا بعدني ما رديت
    على كلن ما بدك وجعة الراس المسجات مخسر 🙂

  9. علا علا علا وانتي بخير
    اكلت لقلت بكرا العيد
    وهو كان بلحظتها الدنيا عيد
    اي هو انا عارف كيف؟ المهم التخمت
    بس أكلت لشبعت
    😛

  10. طيب سوزان انتي تأخرتي طيب وانا شو احكي عن حالي ؟؟
    😛
    بس لو لو لو اني رديت قبل هيك كان بعتلك كعك 😛
    بس خلص راحت للعيد الجاي
    وانشالله العيد الجاي يكون احلى من الي راح
    🙂

Leave a Reply

Your email address will not be published.