دبس رمان

pomegranate

وأنا عم أفكر بموضوع جديد انزله بالموقع اجت ببالي وبساعة هبل انها التهجئه الصحيحه لكلمة سور هي كيف بالزبط؟

سور ولا ؟

بكل تأكيد هي سور بس زي ما قلت بالأول كانت ساعة هبل..المهم تذكرت موقف صار معي وانا بالشغل

احنا طبيعة شغلنا جاي على تسلسل ان الزبون بيتصل وبيطلب طلبيه بعدين بتتحضر كل الأغراض بمكان واحد بعديها بتنكتب الفاتوره اخر شي بتطلع على الباص ومنها لعند الزبون.

فكنت عم احضر بواحد من الطلبيات وكانت ناقصه كثير اغراض ولازم اسجلهم على ورقه خارجيه مشان اجيبهم من المستودع فا وأنا عم أكتب ومعجوق وقفت وصفنت بالورقه شوي..وبشلت اتمتم اس سسس سب اسبب

أخر شي نطقت هالجوهره وكتبت (سباغتي) فقام الوالد وشاف الكلمه وبلش يعطيني نظرات مش ولا بد ولا هو سالخني  هديك الكلمه .. وقال:هلأ انت دارس توجيهي؟ هيك بتنكتب الكلمه؟؟

طبعا وجهي صار شبه تلفزيون عمان ايام ما كان يسكر على ال 12 بعد السلام الملكي زي (شششششششش) وصرت اني لازم ادافع عن حالي …مستحيل شو هالموقف المش موقف هاظ؟!!

قلت والله يا انووس ما لك غير الفصحنه والفلسفه..أول شي خذ نفس وهديلي حالك لا تفكر كثير وكلشي بيجي على لسانك احكيه على طول  ايوه هيك امورك تمام يالله عليهم

قلت: لأ يا يابا مزبوطه الكلمه اصلا هاي مش كلمه عربيه وما الها قاعده نمشي عليها وكيف ما منكتبها بتنكتب..اما لو عربيه فصحى اه بحكيلك الغلط مني صح يابا ؟؟ صح؟ اه احكيلي صح؟ من وقتها لربع قرن وأنا بسأله اذا صح ولا مش لأني متأكد انه راح يحكيلي مش صح ولازم الابن دائما يطلع غلطان :p قول مشي الموضوع واتلفلف بسرعه..اجيت بدي اروح على المستودع واجيب باقي الطلبيه أنا وواحد من الشباب..رحت واصل نص الشارع ولا هو عمي بنادي على الشب اللي معي وبيحكيله هات الورقه وتعال..راحله الشب ورجع وبيحكيلي ضافلك اغراض على الورقه بس هدول بدنا نجيبهم بعد ما نطلع بالجوله..

مسكت الورقه وصرت اتطلع فيها وصفنت كثير كثير ولحد هلأ نفسي افهم.. هلأ شو أصل الدبس معقول كانو يروحو على روما ويعصرو أهلها ويصنعو منهم دبس؟

army

لأ هون أعتبر نفسي جاهل لأنه عمي دارس ببريطانيا ومصر ودائما الأصغر عمرا اقل ثقافة لأنه وكما هو معروف ان دبس الرُمان هو بالأصل (دبس رومان) زي ما كان مكتوب بالورقه… وهذا الشي غاب عن عقلي انا لأني جاهل و مش عارف هي الكلمه الصحيحه إسبغتي ولا سباغتي.

6 thoughts on “دبس رمان

  1. هههههههههههههه ذكرتني باخوي ومناقشاته مع الوالد في انوه منهم الصح والغلط وفي النهايه كان اخوي الغلط لنفس السبب اللي انت كاتبه

  2. علوووووووووووش says:

    سلااااااااااااااااام

    بتعرف معك حق انه تخربط في اي كلمه انجليزيه
    عااااااااادي لانه احنا عرب ولغتنا العربيه مش الاعجميه المكسره فهااد الاشي طبيعي ومش شرط تكون دارس ولا لأ وبعدين يعني همه فالحين بالعربي ما شالله ولا بيعرفوو ينطقوو حرف منها واحنا قاتلين حالنا عليها وانه الشاطر الي بيعرف يحكي انجليزززي

    والمشكله الاشي الي بيقهر لما تشوف واحد ماشي بسيارته ومعلي الصوت على الاخر وحاط اغنيه اجنبيه ومكيفّ وهو عربي ما بفهم علشان يفهم انجليزي ولا غيره

    موضوع حلووو انووس مشكوووووووور

  3. هههههههههههه
    شايفه بالله مستحيل الأب يطلع غلطان بأي حال من الأحوال وأن تحاصر ولبسها بتلاقي يا بعصب يا بيقلب الموضوع …كلهم هيك يا سوزان
    🙂

  4. اهاااااااا علووش الفزيعه تعالي فهميهم هالحكي ولا احكيلك خلص انسي بلاش يطلعوكي جاهله ومجنونه مثلي

  5. اكيد عمك صح , وانت غلطان
    انت دارس في بريطانيا ومصر …!

    بس فعلا بتصير , أنا مرة غلطت وكتبت ( مأمن ) والصح طبعا مؤمن , ويوميتها هات ضحك علي , والي يحكيلي انت خريج جامعة انت ؟ , والي يقلي روح عيد الابتدائي .

    شكرا على المواضيع الحلوة فعلا مدونتك بتسلي .

  6. أهلا أهلا كيفك يزلمه
    والله ما كنت بعرف اسمك أحمد 🙂
    بس اصححلك معلومه انو انا بحكي عن عمي اللي دارس بمصر وبريطانيا
    يا زلمه انا وجهي وجه دراسه؟
    😛
    خريج اصلاحيه
    qbm
    مع العلم ان كل الشباب بيحكو عن مدارسهم اصلاحيه
    وخذلك كيف لما تكون دارس وتنعجق بالحكي ..بسير الحمار يعمل عليك معلم
    …………..
    وانا مريت على مدونتك بس كأنه فيها مشكله
    خير انشالله
    🙂
    دير بالك عليها لأنها كمان حلوه وبحب افوت عليها

Leave a Reply

Your email address will not be published.