نامت عليك الحيطه

brick_wall

ساريه السواس بصوتها (الولادي) تطل علينا بأغانيها الجديده مع موسيقى قريبه نوعا ما من المجوز المشهور عند النور واصحاب بدلات الجينز المنقرضه القابله للغسيل مره كل عام, لتخرج لنا بلون جديد ملطخ بألفاظ زفتاشيه كثيرا ما تترد على مسامعك في البارات والنوادي الليليه, طبعا هذا لا يعني اني احد مرتادي هذه الأماكن القذره الا اني اعرف تماما ما يحصل فيها من ممارسات والفاظ غير مقبوله كما نلاحظ في اغاني ساريه حبيبة النور.

تقول ساريه نامت عليك سليمه, حقيقه لا اعرف ما هي السليمه لكني متأكد انها شيئ ما يشبه الحيط أو اللوح يعني اشي ثقيل ممكن اذا نام عليك يكسر عظامك او يعمل فيك عاهه بسبب انك لم تأتي على موعدك المحدد المتفق عليه (الساعه ثنين) ثم تقوم والدتك العزيزه وبتكمل عليك وبتحكيلك ولك الله لا يجبرك وطي صوت المسجل تبع هالسعدانه اللي الله يقرفك ويقرفها, هنا وبعد ان نامت عليك السليمه او الحيطه وكسرت عظامك تدعو عليك امك بألله لا يجبرك وبالنهايه اصبحت مخلوق رخوي مرمي على فراشك وقد استبدلت هدية صاحبك (العربيد) وهو اسم مشهور لأحد الدواووين عندنا في المنطقه بشريط اخر يحمل عنوان بوس الواوا 🙁

اذن هناك صراعات …طبعا ليست صراعات سياسيه او ما نراه باستمرار على قناة الجزيره, هذا الصراع يمكن ان تجده على روتانا او مزيكا على بعد اربع قنوات من الجزيره كل ما عليك هو ان تمسك الريموت وتبحث عنها في شاشة التلفيزون لتجد ساريه تشتم حيبها او لعله مجرد عضو في جمعيتها الواسعه ثم تزاحمها أخرى على التغزل به وأقناعه بأنه اجمل بغل شاهدته بحياتها.

ثم يجمع الجمهور على ان القطتين يمكن ان تكونا فنانتين لكل منهن اسلوبها الخاص اللذي يميزها عن الأخرى.

أما انا وبرأيي المتواضع بشوف اللي بميز الفنانين هو نوعية الجمهور المتابع . فاذا لقيت جل وواكس وعطر فرنسي اصلي وسيارات اودي ومرسيدس على طول أعرف انه فنان يستحق تسمعله

اما اذا شفت بي ام زعره وكيا مجنطه (ومفيعه) وعطر ابو الليره او ريحة مشروب وشباب بتطلع مكسره من الطوش ومن كثر ما نامت عليهم حيطان..فأعرف انها ساريه السواس…

This Post Has 26 Comments

  1. ميّـاسي

    ههههههههههههه

    جد نهفه الله يسعدك على هالتدوينه ضحكت مزبوط!!!

    هسه مين هاي ساريه ؟ مغنيه شعبيه يعني ولا شو؟

  2. sozan

    هههههههههههههههه
    ضحكتني كتير بس منطقيه كمان بس انا ما باعرف ساريه مين هاي ساريه ؟

  3. whisper

    مين هاي؟؟؟ اول مره بسمع باسمها :$

    اجمالا حتى بالمظاهر اللي نظيفه من بره برضه في انحدار اجمالا في مستوى الاغاني الجديده -قويه انحدار هاي 🙂

    قليل ما تلاقي اغنيه حلوه و تضلك تتذكرها لاكثر من اسبوعين, وما تزهق منها بعد شهر و ما تغير المحطه بس تبثوها 🙂

  4. إباء فلسطين

    جيل اليوم ..او لنقل الشريحة التي تتجه لهذا النوع

    من الاغاني..هو جيل ظالم لنفسة..

    لاحظنا في السنوات الاخيرة ظاهرة انتشار الاغاني ولكليبات..الهابطة على الفضائيات..

    وحتى انه هناك فضائيات متخصصة بهذا النوع من الاغاني ولكليبات..تبثها على مدار 24 ساعة

    وهذا بهدف جذب عقول شبابنا..وخاصتاً المراهقين..

    وبالتالي ..تحقيق مكاسب مختلفة..اولاً مكاسب اقتصادية..وارباح اقتصادية..

    تليها تخريب عقول الشباب..والغزو الفكري..
    من خلال تأثر الشباب بالمطربين وتقليدهم

    السؤال الذي بطرح نفسة!؟
    لماذا اتجه شبابنا..نحو هذا النمط من الاغاني السطحية الهابطة التي تخلو من كل معنى سامي جميل وهادف..

    والتي لا تحوي الا على رقص واباحيات وعري..والتي لا علاقة لها بمشاكلنا او مواضيعنا الاجتماعية التي يمكن ان يغنيها المطرب..ويوصلها من خلال رسالته!!

    (!!حتى الحب خربوا معناه)

    واذا سمعت الاغاني..تكتشف ان حتى الحب اصبح شيئ سطحي..
    بمعنى ان جيمع الاغاني..تدور في محور الحب..

    حيث انك تجد قسم كبير من الاغاني يعكي واقع الفتاة التي تكبت مشاعرها بحكم وجودها في مجتمع متخلف حسب رأيها لا يقدر الحب..فتتهم جميع من حولها أنهم مصدر تعاستها..

    وتجد الشاب.احياناً متجبر وغير مبالي..في الموضوع..

    واحياناً يتمرد على من حولة..

    وقسم كبير يعكس واقع الشباب الذين ظلموا في الحب..

    حيث انهم اصيبوا بخذلان ووو ..

    فيصفون الحب..بصفاات..مختلفة تحت شعاار الخيانة..

    والحقيقة ان غياب دور الاسرة والثقافة الجيدة..اتاح للثقافة الغربيه وشرع لهاا الابواب لتؤثر على حياتنا..

    في محاولة اعتقد انها سبه ناجحة!!

    في تعميق الانسلاخ عن الهوية الثقافة المحلية والعادات والتقاليد والقيم النبيلة

    اخيراً..نسأل الله ان يهدي شبابنا وبناتنا ويردهم للاسلام رداً جيملاً..

    بارك الله فيك اخي..موضوع يستحق النقاش..

  5. eNAS

    انس هو ليش ضل حدا بتفرج على الفيديو كليبات ؟!
    او حتى بسمع شريط !!!
    (او يمكن بس انا اللي ما بعمل هيك!)
    بعدين من وين بتجيب هالاسامي والمطربين… كله من صاحبك الفذ الله يخليه ضروري يعني يشوهلك اخلاقك

    احكيله نوسا بدها تبهدلك على هالانحطاط بالاغاني
    😛

    جد انس انت من كل عقلك يعني بتقعد وبتسمع لهيك شكالات
    :S

  6. علووش

    مراحببب
    موضوع حلوو كتتير ولو بدنا نحكي فيه بنضل لبكره
    المهم انا رأي بالاغاني انه الي بيسمع الاغاني بشكل
    عام سواء لساريه(العلم)هههههه او لغيرها
    بحس انه جد انسان فاضي وسطحي شو تسمعلي لوحده بتقص قصتها هي وواحد تعرفت عليه عند الغدير شافها ابن عمها معه وطخها هههههههههه
    شو بدنا بالقصص كلها ولا الاغاني الجديده يا سلااااااام ازا بتفهموا كلمه وحده قابلوني كله تخبيص وكلام هبل ومياعه وقرف
    فالواحد يريح حاله وما يسمع اشي منهم احسن اله لانه بكفيه قصصه وقصص الي حواليه صح

    يعطيك العافيه انس على الموضوع كالعاده مواضيعك فزززيعه مشكوور

  7. Dreamy Villager

    سارية :)مع اني زي الكل بعرفش مين هاي..بس هينا منتعرف

    بعدين تبعين الجل والعطر وما بعرف شو ..يا بيسمعوا لتامر حسني يا بيسمعوا لغات أخرى ؛) أساسا بطل فيه حدا اللي تسمعله..المطربين على قفا مين يشيل.

    بدي اروح أعمل search عن سارية هاي 🙂

  8. ANAS

    ميسووو هاي اول ما سمعت صوتها فكرته ولد ابن عشر سنين بغني..بس حرام نقول عنها شعبيه,لأنه هيك منغلط بحق الحمص والفول والفلافل
    هاي بأختصار نوريه
    بس مشكلتها حلوه 😀

  9. ANAS

    سوزان اهلا كيفك 🙂
    زي ما قلت لميسو هاي وحده جايتينا على ما اظن من سوريا حمص
    حمصي = طفيلي
    ما علينا منها بس بقولو انقتلت بسبب جرعة شرف زايده اتعاطاها اخوها
    XD

  10. ANAS

    شو قصتكم ما حدا بيعرفها؟
    لأ لأ انا مش نوري 🙁
    والله بعرفها بالاسم بس وكمن اغنيه مع الشباب طبعا مش برضاي
    :p
    و ههه انحدار حاس حالي قاعد بمكتب بورصه
    XD
    الاغاني كلها زفت مطين..ما بحبها انا
    عاد بعرفش شو بالنسبه لسعداني

  11. ANAS

    اهلا اباء
    بصراحه كفيتي ووفيتي
    كلام حلو ومنطقي وموزون شكرا الك تعليقاتك بتدل على شخص فهمان وحكيم
    🙂
    موفقه

  12. ANAS

    عفوا يا أخت يبدو انك فتي على البلوج الغلط
    بليز تأكدي من الرابط فوق اخر اشي تحت كلمة موزيلا

    :p

    ولك انا ما بسمعلها وحيات الدينصورات ولا بحبها ولا بستنضف اطلع بوجهاا
    على اساس هي بخلقتي كل يوم
    وهاد مش صاااااااااحبي مش صااااااااااااااااااااااااااحبي
    انا بعرف عرابيد انا؟؟

    اه صحيح
    bslm 3leke mr been
    55555555555555555555555555 XD

  13. ANAS

    علووش الصديقه العزيزه
    وانا عم اقرأ بالتعليق تهيئلي انه على وزن
    طخ طيخ دجججج طاع بوم

    😀

    والله رأيك من رأيي انا بطيقش الاغاني كلها يعني والله انها جد مش مفهومه

    قال انا عايش ومش عايش
    اي ارسيلك على بر يا أخي
    فهمنا شو المطلوب الزبط؟
    كلو كلو سخام

    يالله رتبي الكركبه اللي عمليتها جاينا زوار خيتو سعداني ما عمل عملتك

    :p

  14. ANAS

    اه دريمي شو طلع معك بال
    search?
    تخيلي نقلت كلمة سيرش من عندك حرف حرف
    😛
    كمان عم نظلمهم لما نحكي عنهم فنانين
    حثاله لابقتلهم
    🙂
    اصلا كلياتهم اصولهم من بارات ونوادي ليليه
    هيك اشتهرو وهيك صار الهم وضع
    واللي ملوش حظ لا يتعب ولا يشقى

    كأني طلعت عن الموضوع شوي؟
    !!!

  15. ميّـاسي

    أنس شفتها

    سألت عنها أخوي اللي بيدرس بره وحكالي انو عندهم شب معجب فيها جدا

    طلعت بعرف الاغنيه وبما بعرفها للمغنيه بس هي أموره

    واسمع بس اسمع؛ يالل عينك تدمع لوول 🙂

  16. غير معروف

    اييييييييييييييييييييييييوه هاي هيه
    ههههههههههه
    بس اسمع مني ..ياللي مجنني
    نهفه صاحب اخوكي هاد
    😀

  17. opo

    kpkpkltrpkpkhpkopklgpklpkl

  18. غير معروف

    ليش الكذب

  19. غير معروف

    ممكن بنات من الاردن يراسلني على الأيميل التالي MAZX.2006@YAHOO.COM شب من عمان عمري 18 سنه ارغب بالزواج من بنت من عمان
    الحب ضروري بالحياه

  20. anas

    عو اللي يعظك ما ازنخك
    شو شايفني خطابه فاتحلك مدونه تعارف؟

  21. A7MED KNAN

    هاي للجميع

  22. غير معروف

    ضحكتك على راسي

  23. walaa

    موضوع راائع جداً

    شكرا جزيلاً أخي

    وبارك الله فيك على جميع مواضيعك المطروحة ما شاء الله كلها رااااائعة جداً

    ومعك حق في كل كلمة بتحكيها

  24. Anas

    أهلا بمشرفين جذاب
    🙂

  25. نادية

    انا قرات تعليقاتكم ضحكتني كتير بس اش دخل انس بساريه حسيتكم كلكم معصبين عليه انا بسمع باسمها بس شكلها واغانيها ما بعرفهم يعني هاي النمر زي ساريه وغيرها طالعه ع الساحه ان حكينا ولا ما حكينا كل يوم صار يطلع مغني بجمع كلمه من هون وكلمه من هون وبحكي انا مغني التراث الشعبي هو ريحة القهوة والتوب المطرز واغاني جداتنا وامثالهم الشعبيه ومفاتيح الي تركوها تحت الحجر لحتى يوم من الايام يرجعو لوطنهم 🙁

اكتب تعليق على الموضوع ^__^