HELP? ممكن

 

الجو بره ناااار ,الله يكون بالعون لسه الصيف ما دخل علينا وهيك صارت الدنيا

لكن نقول الحمد لله الأمطار كانت وفيره السنه ومزاريب الرحمه ما وقفت خلال الشهر الماضي, وعلى الراديو بحكو للمزارعين

لا تخافو مخزون المي ممتاز وراح تكبر شجراتكو وراح توكلو مشمش ودراق السنه حتى بالعلامه عنا شجرة الكرز بدات تطلع

حبات زغنونات

..الحمد لله على كل حال

هلأ فش داعي للمقدمات والململه ,في عندي كمن شغله بدي اخد رأي الأصحاب فيهم بتخص المدونه الـــ

 

المحترمه 🙂

أولا الأقسام

مثلا عجبتني فكره لقيتها بمدونة مياسي لما عملت قسم خاص للفيديو زي فرع ثاني

يعني حاب اعمل أقسام للمدونه أو أكثر من مدونه كل وحده مختصه بشي معين

بدي أفكار أو تلميحات ممكن تفيدني

هلأ مثلا في ببالي قسم للأغاني الأردنيه

وقسم فيديو

وقسم للصور

شو في أفكار ممكن اطبقها عندي؟

ثانيا الهيدر

بتلاقي بمدونات كثير ناس بكتبو عباره تحت اسم المدونه

يعني مثال من مدونه ابجد كاتب عباره

"وجالس كل ذي أدب كريم"

بدي عباره أكتبها تكون تناسب المواضيع والأقسام ,يعني عباره موجزه والها معنى

طبعا راح اشيل صورة البسكليت وأحط صوره ثانيه

🙂

ثالثا قسم مين أنا

طبعا معروف لشو بيكون ,فيو معلومات صاحب الموقع ودراسته وشغله وا وا وا

لكن فكرتي اني مش أنا اللي اكتب هاد القسم

بدي أخلي اصحابي هم يكتبولي اياه,يعني هم شو بيعرفو عني ومين هو أنس بنظرهم

وأنا وعدتهم اني ألتزم باللي يكتبوه بالنص الحرفي ولا أغير شي ولا أعدل شي

لكن بما أنه في منهم ناس حاقده علي 😛

بدي أسأل شو رأيكم ؟ امشي على الطريقه التقليديه واكتبه أنا بنفسي ولا أخلي الشباب ههه يا ربي ألطف, هم اللي يكتبولي اياه؟

رابعا وأخر شي القالب

شو رأيكم بالقالب كويس؟؟ يعني ماشي حاله؟؟ ولا أغيره؟

واللي بمر عليه قالب مرتب وحاب يشوفه عندي يعطيني اياه

مع العلم ان القالب على الأكسبلورير مش كويس ,لكن على الفاير فوكس طقع

وبس هاي هي

🙂

 

 

14 thoughts on “HELP? ممكن

  1. هاي انس كيفك
    انا بأيد فكرتك عن انه
    اصحابك يكتبوا عنك لانه كل واحد بشوف حاله بعيون الناس وفكر الناس صح وبالنسبه لصوره البسكليت لاززززززززم تأيمها وحطلك شي حلو اه
    وعشان الصور والفيديو الموسيقى انا بساعد ماشي يعطيك العافيه

  2. مرحبا أنس
    شو رايك نيجي نعملك المدونه

    عجبتني فكرة الأقسام .. خصوصا قسم للصور و الفيديو … والله أنا شكلي راح أعمل مدونة فرعية للصور .. وممكن كمان للمواضيع المنقولة

    بالنسبة للترويسه .. اختار أي بكم و شوف شو مكتوب عليه من ورى .. أنا بقترح أول حط الصورة مشان العبارة تكون مناسبة

    انته أحسن واحد ممكن يكتب من أنا … على فكره .. ممكن تختار كلام منقول عن شاعر أو أديب … أي نص بتحس انه بعبر عنك

    بالنسبه للقالب والألوان كثير مريح .. يعني خليه على ما هو عليه

  3. نا مع فكرة تشيل البسكليت و تحط بك اب احلا بس يكون مخردق هههههههههههههههههههه و بالنسبة للكتابة عنك انا مستعد اكتب عنك (6) :p

  4. علوووش
    حلو هي رأي مشان اصحابي هم اللي يكتبو
    يمااااااا الله يستر تكثر الاراء وانا اروح فيها
    واذا بتساعديني منتاز ههه
    يالله قومي سويلي قهوه 😛

  5. معلم امجد
    والله ياريت بكون غلبتك معي هيك واذا كمان بتكتبلي فيها وبتاخد الباسوورد واليوزر هيك بتكون جد ريحتني
    والله متعبه يا اخي شو بدي اساوي انا؟
    🙁

    وهي هيك انت بتعطيني فكره مشان المواضيع المنقوله
    حلو فكره حلوه جد
    وبالنسبه للترويسه
    هسه صار تشديد على البكبات انو ممنوع تلزيق بحبك يمه وغدار يا زمن وصور ملهاش داعي
    طيب وبما انك بتحكيلي على الصوره شو رأيك صورة ايش احط؟؟
    باص كوستر؟

    للأباوت مي
    والله انا هيك بقول بدي اريح راسي بس المشكله صرت واعد الشباب
    وبدي اصوات ضد تكتر مشان اريح راسي

    وثانكس على دعمك يمعلم والله اوحيتلي افكار جد نار
    والقالب عجبك؟
    يا سيدي مقدم 🙂

  6. فراس
    هسه بسويها, والله بعملها بجيب صورة بكب وبحطها
    ليش شو تعودنا يا قبضاي 😛
    وراح اخليك تكتب عني بس تكتر الاصوات شوي
    🙂
    بشلن بليله الله يسعدك

  7. والله اعمل كل اللي بنفسك!!
    والقالب حكيتلك رأيي فيه انا عن نفسي عاجبني

    زي ما حكي امجد أي جمله بتعبر عنك حطها؛ وصورة الفيزبا هاي شيلها رجاء لأنها هيك مالها دخل!!!

    أما الجزء اللي بيخصك: اكتب عن حالك وكبّر واذا الشباب كتبوا عنك خد اللي بيناسبك وانسى الباقي:)

  8. يا ستي خلص القالب مش راح اغيره على الأكيد ان شاء الله
    وبشوفلي كلمه حلوه احطها
    بس ما فهمت ايش هو الفيزبا؟؟ قصدك البسكليت تبع الموتور؟
    هاد والله يا ميسو جاي مع القالب مو أنا اللي حطيته 🙂
    على كلن راح اغيره ولا يهمك
    وعن حالي خلص راح اكتبه انا وراح اختار اللي يعجبني
    بس انو ما فهمت شو يعني كبر
    يعني انو امدح بحالي كثير؟؟
    😛
    a;vvvvvvvvvvvvvh
    يعني شكرا بكمشه أحرف ر

  9. Anonymous says:

    بخصوص الاغاني الادنية يا ريت تعملها اغاني وطنية

    يعني للأردن وفلسطين وللبنان ومصر

    مشان ما حد يزعل

    والفيديو والصور انا معك فيهم

    والهدر انبرا لساني وانا بقلك غيرو

    والقالب هادي وحلو

    بس لو ابيض؟؟

    ما بعرف

    مو هاضمها

    وبخصوص مين انا

    ههههههههههههههه

  10. Anonymous says:

    انا خالد ابو علي

  11. Anonymous says:

    انا خالد ابو علي
    😛

  12. تكرم عيونك ابو علوووش بس بالنسبه للهيدر بدو شوية وقت لأني بدي اصمم واحد مرتب والقالب هاد الوحيد اللي لهسه ما عليه مشاكل 🙂 يا سيدي مرقلنا اياها وحاول تعود علينا

  13. خالد ابو علي says:

    واعتبرها مرئت يا صديقي

    بس ما اعطت سلامات مضيئة

    😀

  14. To perform the best dissertation about this post seems to be not very easy though you cope with it. When any writer is as good as you are, all students will never have got problems with the dissertation writing.

Leave a Reply

Your email address will not be published.