استقبل _فكر_أرسل

شكرا لاستخدامكم الدماغ الرسالة الواردة لا يمكن تصديقها يرجى تنكيس المرسل حالا

s3983099

هاد الصوت اللي دائما بسمعه براسي بعد ما أفتح كثير من الأيميلات الغريبة والمجهول هدفها مثل ما بتحكي عن نهاية العالم واكتشاف مخلوقات شبيهه بالأنسان أو أختراعات غريبه بوظائف اغرب , والمطلوب مني اصدقها وألتزم بالحقوق الفكريه وأنسبها لصاحبها طبعا بعد ما يحلفني بقبر جدي ورحمة جوز عمتي أني ارسلها لكل المضافين عندي بالأميل.. بصراحة أنا مش من هواة التواصل بهيك مواضيع حتى لو كانت قيمه ومفيدة وبأغلب الأوقات بحذفها كلها أو بترك مجموعه بسيطة فيها أفكار ممكن استفيد منها..لكن بالنهاية حصيلة رسائل البريد الوارد لازم تستقر على دحبيرة الصفر. المزعج بالقصة أن الرسائل اللي بتوصلني هي من ناس فهمانه ومتعلمة وكثير منهم خريجين جامعات أو على الأقل بعدهم طلاب. يعني لا خرفن ولا تيس ولا تقول أبوه كان يسجد “لهبل” من أيام الجاهلية.. المعنى انه عنده مخ, وفي قابليه للتفكير وتميز المعقول من غير المعقول,لكن اللي بزعلك انه بحكيلك هاد واجب علي ولازم ابلغ رسالة صاحب الموضوع حتى لا أحمل أثمها يوم ألقيامه..!

homer_brain_small_2

مثال: وصلتني رسالة من واحد “ملتزم دينيا” وشب خلوق وما شاء الله عليه. فكان عنوان الرسالة “كلمه تغضب الله نرددها على المسنجر” وعند ما فتحت الرسالة انصدمت أن ألكلمه هي “برب” وطبعا صاحب الأميل مو مخلي عليها ستر مغطى ونازل بهالأحرف التلاته عن جنب وطرف..وقال إنها كلمه تستهزئ باسم ألجلاله وقد اخترعها اليهود ليحقروا أسم الله و و وووو… طبعا الموضوع ما لازم يمر على خير وفورا سمعت صوت مندوب الدماغ عندي..وبعد ما شكرني على استخدامه طلب مني تنكيس المرسل .وأكيد ما كذبت خبر. طبعا صاحب الرسالة كاتب بأخرها أرسلها لكل الموجودين عندك واحسبني واحد منهم,هيك مشان يضمن أن الرسالة تبلغت لأكبر قدر من الناس وبعد ما رديت على الرسالة ,أكدت على المستقبلين إنهم يرجعولي الرسالة أنا الثاني,طبعا ما جاني رد ولا حتى كلمة شكرا على التوضيح ونص الرد كتبته حرفيا مثل هيك

السلام عليكم ورحمة الله وبركاته أولا اشكر الأخ (اسمه) اللي أرسل هذا الاميل بداعي ألغيره ومحبة الإسلام أول شي يا إخوان كلمة (برب)هي بالأصل كلمة انجليزيه وهي اختصار لكلمة

be right back

وتعني بالنص الحرفي سأعود بعد قليل ولكن بحكم أننا عرب اختصرناها بأحرف عربيه وكتبناها على هذا النحو (برب) يعني هي ليست كلمة مدسوسة ولا إلها أي معنى يمس كرامة الدين الإسلامي وليس هناك أي علاقة بعداوة الغرب للإسلام يعني بتقدر على المسنجر تحول أسلوب ألكتابه من العربي إلى الإنجليزي وكتابتها هيك

brb

أرجو من الأخوة اللذين استلموا هذا الاميل إرسال التوضيح مره أخرى,وأرجو احتسابي مع المستقبلين.مع الشكر (F)

ويا ريت وقفت على هذا الحد وخلص. عندك ايملات تحذر من الموز وأخرى تحذر من البيض ومنها بتطلب منك إرسال كلام ما بعرف من أي قاموس جايبينه ل15 واحد عندك لتفادي حذف حسابك. وللأسف بتلاقي الناس اشتغلت نسخ وإرسال ,حتى منهم ما عنده فكره عن محتوى الرسالة. آه وشو بدنا نقول غير الله يهدي هالبشر ويكرمنا بنعمة جواز استخدام المخ ولو لشوية وقت

16 thoughts on “استقبل _فكر_أرسل

  1. و الله حكيك صحيح يا انوس لانو العرب مش لاقين اشي يتسلو في غير بعض و يدورو علي الهل
    بس في نقطة انو في بعض منتديات الملحدين العرب بيتسلو فينا طبعا زي كذبة البنت الي تحولت لابصر شو
    مع تحياتي FOX

  2. والله يا انس انك عندك وقت تقرأ هالايميلات انا توصلني هيك نوعيه من الايميلات اللي بعمله من دون ما اقرأ باعملها تحويل على السبام اعمل هيك وترتاح لانه مضيعه للوقت مش اكثر ولا اقل

  3. مرحبا

    والله يا انوس طلعت روحي من هل الايميلات الفاضية حتى انه انا اجاني ايميل مرة فيها مقال كاتبه واحد مفتي بيقول انه هاي الايميلات كذب ومضيعة للوقت وخصوصا انه في ايميلات بتجيك بتنشف دمك يعني بيكتبولك اذا ما بعتت هادا الايميل رح يصيرلك شي مش منيح بعد يومين او تسمعلك خبر يجلطك
    انا اصلا بشطب الايميلات هاي على السريع

    ودايما بتفاجئني بمواضيع فعلا بتخطر اكتب عنها بس اكيد انت اقدر انك تعبر عنها

    كتبت الخربوشة التانية

  4. معك حق تنزعج .. أصلاً دائماً الشيوخ والعلماء بيحذروا من هيك رسائل معوقة .. قال شو .. إذا ما بعثت الرسالة لعشرطعشر واحد بدك تنجلط ويهر شعر رجليك وإذا بعثتها رح يجيك خبر حلو بعد خمسين سنة.. تقول كأنهم عارفين الغيب أو نزل عليهم الوحي
    بس طبعاً هاد ما بينفي انو في مرات رسائل حلوة ، خاصة إذا كان فيها معلومات دينية (صحيحة) أو معلومات مفيدة ومزبوطة بأي مجال
    ^^

  5. مرحبا انس
    كويس الي لقيت ناس بنفس موقفي من هالرسائل
    بس اشوف رسالة مثل هيك مباشرة بشوف بنزل لاخرها اذا كان فيها من ارسل لعشره اولكل او…او..واذا ارسلتها تسمع خبر..بحذفها بدون ما اقرأ الرسالة ولو بيطلع بايدي بحذف ايميل الي بعثها كمان
    بالنسبة ل برب شيوخ هالايام فايقيين ورايقين مثل لما حرموا البوكيمون كمان وحكيهم عنها يهودية و ..و
    بدون مايعرفو معنا الكلمة بالضبط ,ماشالله عليهم خلصوا كل مشاكل الوطن العربي وحطوا عقلهم ب برب وافلام الكرتون
    Note Pockemon mean pocket monster

  6. ثقافة الفورورد

    شخصيا بشطب وبشطب؛ وبصراحه الياهو مؤخرا صاير فاشل العاده؛ عم بيوصلني سبام كتير
    احسن شي الجي ميل؛ بالنسبه لسؤالك عن joomla انا رديت عليك عندي؛ بصراحه مش جاي ع بالي اكتب كمان مره هون؛ سامحني!!!

  7. فراس
    بالزبط هاد اللي صاير اغلب هاي المواضيع الغبيه بكتبوها ناس مش مسلمين واكثرهم ملحدين مشان يضحكو علينا ومشان يبينونا اغبياء قدام العالم وللأسف ما بيوقع بالمصيده غير الشباب الملتزمين والمتدينين
    مشاركه قيمه حبيبي فراس
    قول بليله 😛

  8. سوزان
    صراحه انا ما بخاي شي الا ما اقرأه يعني كل اميل كل ملاحظه لازم اقرأها
    لانو صراحه في شغلات ممكن تكون مفيده وصاحب الاميل بيكسب اجر من وراها
    اما الصحيح تلت رباعهم حكي فاضي ومسخره بس زي ما قلت بالاول الا ما اشطب كلشي عندي
    🙂

  9. nana
    اها وانتي وصلك كمان تبع اللي بمرمطك وبشل حظك؟؟
    ههههههه يمااا شو بضحك عليها هالاميلات
    والله ناس فاضيه ومش ملاقيه شغله تبلش فيها
    وشو هاي انا اقدر؟
    لووووووووول بالعكس بتعرفي لو انتي تكتبي عنها بتطلع منك احلى لأنك عندك هيك اسلوب بخاصيه حس الاستقلاع
    😛
    يعني لما بدك تنتقدي بتبدعي 🙂
    وهيني علقتلك على الخربوشه التانيه 🙂

  10. بلال
    ههههههههههههههه يزلمه وقعت على ظهري من الضحك
    قال يكت شعر رجلك
    ههه بتعرف شو اجى ببالي ,تشوفلك واحد مخترع ياباني من صحابك وتحكيلو عندي فكره لمراكز تجميل النسوان
    يسير بدال ما يستعملو الحلاوه وماكنة براون
    يسيرو يطنشو الايملات بالبريد الوارد
    هييك خلال سنه بترجع الحجه صبيه
    ههه الله يقطع شر عدوينك
    بس كمان كلامك صح في ايملات والله انها ابداعيه ومفيده وبحب احكيلك انا كمان مش اي ايميل اسلامي خلص بعطي ضو اخضر وبصدقه لازم يكون صحيح ميه بالميه ومعقول كمان
    شكرا الك ضحكتني 🙂

  11. قتيبه
    انا شايف كل اللي علقو كمان عندهم نفس الموقف
    يعني ايش بدك اشي مزعج اكثر من انو واحد مفكرك لا سمح الله غبي وانو هو بيضحك عليك باميل من راسه لسبب ببباله الله اعلم ايش هو
    والاغبى من هيك اللي بصدقو وبروح باعتها لعشر طعشر واحد على قولة بلال سان
    بس اوضحلك شغله بسيطه
    هلأ كثير من هاي الايملات مش مسلمين اللي بكتبوها هدول بتلاقيهم يهود او نصارى او ملحدين كمان بس مشان يبينو للعالم ان المسلمين اغبياء واي شي ممكن يصدقوه يعني مش دايما الشيوخ والدينين بكتبو هيك شغلات سواء عن جهل او غيره
    ونفس الشي بقصة البوكيمون زي ما تفضلت
    لكن بتهيألي هو الخلاف كان مشان القدره على التطور وتدعيم لفرضية دارون
    اما غير هيك ما ظنيت في شي.
    الله اعلم عاد
    شكرا الك لفت انتباهي لشغلات تانيه 🙂

  12. مياسي
    مريحه راسك وماخديتها من قصيرها وبتشطبي اول بأول
    وهو فعلا الياهو ازنخ من الهوت لانو صار فيو جروبات وكل مجموعه بتنشر افكارها الخاصه
    والتنين فيهم نفس الغباء
    ووو مو مشكله مشنك مو حابه تكتبي هون المهم زيارتك او مرورك هدول لحالهم بكفو
    وهيني جاي اشوف الرد
    🙂

  13. مرحبا أنس
    هاي أول مرة بعلق بالموقع الجديدي .. والله لآخر ثلاث اربع أشهر كان وضعي ملخبط – مش زينزن – و ان شاء الله راقت الأمور شوي

    أما بيجيني بلاوي أكثر مين
    ابعث الايميل ل 15 شخص بطلع اسم الشخص اللي بتحبه .. أو اسم اللس سرق خوخاتكوا بال 1987 .. أو اسم الدية اللي ولدت جدك ال 17 ..
    بس أنا بحكيلك انه بيل قيتس بده يوزع 40 مليار .. اذا بتودي ايميل ل 44 واحد على هوتميل بيجيك شك على داركو ب 4444 دولار
    أنا جربتها و صارت 🙂
    جرب ودي و شوف كم مرة راح يرجعلك الايميل
    🙂

  14. والله ياأنوس بتخطر بمخك شغلات مرعبة

    هو اجمل شي انك تخترع قصة مع صورة عالفوتوشوب

    جرب ابعتها لجروب زي جروب مشهور

    وانتظر حوالي الاسبوع

    ورح تصلك شي 50 مرة عالاقل

    وبعد فترة بتسمع الناس بتحكي فيها

    قال نهاية العالم قال

  15. معلم أمجد
    اول شي هاي ثاني مره بتفوت لعندي مش الأولى 🙂
    .
    .
    وانشالله تضل الامور رايقه عندك وما تتلخبط ولا على بالك
    هدي شوي وخذ نفس
    وبتعرف اني مره فكرت اعملي عرطه زي هيك واعمل ايميل انو ارسل ل 20 واحد ويتحولك فلوس هههههههه والله غير أعملها
    واذا بوصلك احكيلي

  16. أبو الفوز
    هههه مرعبه مره وحده؟؟
    هههه با “وردييي” شكلي مش ناوي على خير 😛
    اسمع انت موقعك ممتاز لهيك شغلات
    انا بعمل العرطه وانت بتنشرها بالمنتدى وبتوزعها على الايملات
    والعرطه راح تكون
    ابعث الايميل ل 18 شخص وروح نط من سطح البيت وما راح تتأذى واذا متت طالبني بتعويض
    اعملها وخلصو البشر
    انتهى العالم
    🙂

Leave a Reply

Your email address will not be published.