You are currently viewing وأخيرا منقول بلشنا

وأخيرا منقول بلشنا

hiالسلا عليكم

انا منيح كيف الحال؟

لا مو كتير كتير منيح يعني شغل متواصل لمده شهر على هالصفحه اللي مش عارف شو جايني منها غير وجع الراس بالاضافه للعجقه المحترمه بالمحل

يعني هيك صار عندي اوفر تايم ببلاش

بس برضو مو مشكله المهم سويت اللي بدي اياه

…………..

الموضوع

بعد التجربه اللي مش عارف شو اوصفها بالبلوججر والهبل اللي تهبلته والشوسمو قرقرت او قررت انتقل للورد بريس بدومين مستقيل

😀

يعدني

WWW.ANOSYAT.COM

لد لد تشيف انو  🙂

يسعدو متعب قاعد اسمعلو بالوقت الحالي

فااااااااا بما انو في هون جد جد يعني عزيزه علي

وببعض الاحيان كانو يسدو مكان الصديق الحقيقي اللي الله خلقه من لحم ودم وكرومسومات والياف ومكونات الانسان بشكل عام

قررت ارجع بس بشكل مختلف وافكار مختلفه واشي اكيد مختلفه

مع هيك انا عارف حالي يعني بقول المثل دنب الماعز بضل اعوج

:p    بعرف انو مش الماعز كلها مخلوقات ربنا

يعني باختصار كانت مرمطه من الاخر وسطلان على مدار الشهر وزغلله بالعيون من القالب الاصفر للأحمر للأورنج للملون

وكنت حاب يكون الشكل اورنج متل ما كان بالأول بس مش عارف كيف كنت حاب شوية تغير

🙂

وطبعا كان امتلاك موقع مع اشي اصعب من ما تخيلت انا

بس معو معو منجيبها

ولااااااااااااااو 🙂

المهم انا هلأ بدي اعمل لفه على الناس اللي راح يكونو بالبلوج روول عندي

طبعا تحت عنوان بعزهم او بحترمهم او انو اي شي بميزهم بعديها مع الوقت منحط الباقي برول لحالهم

وبتمنى لو اي واحد يمر من هون يحطلي كلمة تشجيع و انو ايوه انت قدها واحلا انووس ومن هالحكي

:p

لا بمزح بكفي انو التعليق الأول الو طعم غير وأكيد راح يكون دفعه للمعنويات قويه قويه تقلبني من حفة الوادي

:

وووووو وشكلي حكيت كتير <<<< دقيقتي صارت بقرش على رأي هالواحد

والله يعطيكم العافيه

🙂

This Post Has 12 Comments

  1. eNAS

    أول اشي :
    مبروووك .. فكرتك عملت استئناف للموضوع او تقريبا تقاعصت عن تطوير انوسيات دوت كوم
    وثانيا : بتعرف لو رجعت حطيت الاورانجي هداااك .. كان خليت السعدان اللي نحرته يطلعللك مرة أخرى … ويعمل فيكم متل ماعملت فيه حضرتك
    😛
    وثالثا:أهلا وسهلا فيك ويا مية مرحب .. مع انك صرت من ويرد برس .. يعني طلقتة للبولج سبوت .. وهيك صرت بدومين اخر … بس لا تشوف حالك علينا هااا
    😀
    هيك الوضع بجنن للشكل ,, والصورة اللي فوق بتخليني جاي عبالي اشرب هايبر تي
    :شاي بالاعشاب :
    وبما انو شاء القدر وحل البصر ان يكون تعليقي الاول
    فبالتالي وقعت براسي اني أجامل
    😛
    ويلا انس ….. جوووووو … وبجوز اسرقه منك الموقع .. لانه كمان اسمة بلبقلي
    B-)
    انت بتستاهل الخير كله ماي بروو
    سو بي بوسيتيف دايما 🙂
    طيب انا اعتبر من الناس القدام . وانت خلص حكيت انو اكيد بكون في ناس جداد
    يعني القدام خلص راحت على عمرهم .. افهم من الوضع اني خلص أحلق
    😛 …

  2. anas

    يمااااااااااا شو هالتعليق
    يعني انتي دايما سباقه للخير وصاحبة واجب
    يا عمي اربداويه لشو الحكي
    بس عندي خبرين واحد حلو وواحد يع
    الحلو انو طبعا انتي راح تكوني على رأس قائمة الاصدقاء العزيزين
    ولاااااااااااااو
    😛
    الخبر اليع
    انو اكتشفت مشاكل بالقالب اللي انا حاطو
    وهذا يعني اني لازم اشوف غيره
    تضارب العربي مع الانجلش
    والله ويسلمو كتير اول تعليق واول مشاركه واول من طلع على سطح القمر
    ؟
    ميين؟
    وخلص طلقنا البلوجر
    مع السلامه
    هلا
    هلا شرفتونا
    ابقو عيدوها
    الله معكم
    يا هلا

  3. ميّاسي

    والله ألف الحمدلله عالسلامه

    ومبروك الدومين المستقل:)

    بس بتعرف شغله يا أنوس؟ انتا ما بتروح من بالي؛ لأنك انت اللي بلشت تشهرني بين المدونين الأردنيين

    وعشان هيك أنا دايما مدينة إلك بالفضل

    مبروك كمان مره ابقى مر علي دايمن زي زمان:)

  4. eNAS

    أهااا شو صاير لبنى السريعة … وصرت مغير الثيم كله

    والله اشطر من سوبر مان:)
    هاد كمان حلو الشكل وفيو عشب أخضر يعني مناسب تماما للربيع والشوي 😀
    بس كويس الي لحقت حالي وقرأته بهداك الخط لانه اكبر
    هاد صغير لانه وصابني انحوال عيني منه
    😛
    تسلم يا انس والله ما بتقصر بروو
    فعلا معها حق مياسي .. حتى انت من كنت اول مدون بعرفة وتعرفت على الناس من خلاله …. يعني نحنا الل
    owe you 🙂
    بس شوف كيف تعليقي طالع اكبر من خط البوست تاعك
    😛
    جاي عبالي اغني .. شملت والنية اربد…..أجبد

  5. qutaibah

    كيفك انوس شغل حلو ومبين انو متعوب عليه شكرا كثير لان البلوغ تاعي ضمن
    مجموعة ناس لا يمكن الاستغناء عنهم
    وانت اكيد من الناس الي لاغنى عنهم انشاء الله باسرع وقت رح اضيف موقعك عندي
    عدة مرات كنت احاول ادخل على الموقع القديم لكنه كان بيطلب يوزر وباسوورد
    على كل حال مبروك الموقع الجديد وعقبال ما ايكون الك موقع كبير اكبر الياهو كمان

  6. Anas

    مياسي
    الله يبارك فيكي
    وجد الف شكر لزيارتك
    اما انو بالعكس والله اسلوبك وكلامتك وصدقك بكتاباتك هي اللي شهرتك وخلتلك مكان محترم بالبوجز
    اما انا كنت متابع لمواضيعك مش اكتر
    وبالفعل هالتعليق هو اللي قلبني لدار ابو الرائد هاد جاي بعد الوادي
    رغم انك انتي بس لا غيرك هو سبب شهرتك وشعبيتك بين المدونين
    🙂
    ………………………………………………..
    نوسا
    طبعا اللي الحق وكل الحق باستخدام اسم نوسا بما اني من أوائل من ناداكي بهالاسم
    😛
    طبعا التمبليت هاد لحد الوقت الحالي ما عليه ولاااا مشكله بس الله يستر من بعد هيك ابصر شو يسير
    يعني مشكلة الخط بتنحل يعني عادي
    وبرضو شكرا الك انتي كمان وانا ما سويت شي
    جد ما سويت شي والله كلو منكم انتو
    لأنو الكاتب بتشهره الاشخاص,انما كتاباته هي اللي بتشهره
    مع هيك انا مصر انو ما دخليني
    هيني رافع ادي وبقول والله مو انا والله مو انا 🙁
    🙂
    ومشان جاي على بالك تغني
    اجبد واربد وتربت ومش عارف شو
    😛
    بدي اعمل صفحه فرعيه خصوصي مشان الاغاني الاردنيه
    😛

  7. Anas

    قتيبه
    الله يسعدك شكرا لكلامك الحلو وانت اكيد من التاس اللي لايمكن الاستغناء عنهم
    انت واحد من اللي لما سكرت وروحت كانو موجودين بالرول الاولاني ومن المتابعين كمان
    وانشالله تطور مدونتك كمان وترتاح من وجعة الراس 🙂
    الف الف شكر الك والموقع بلاكم ما بسوى والله
    يا ميت مرحب 🙂

  8. Anas

    بسم الله الرحمن الرحيم
    TEST
    test

  9. Biraru

    وعليكم السلام

    وأخيراً عاد لنا أنوس ^^
    يا زلمة انت لما سكرت مدونتك السابقة أنا فكرت انك زحلقتلي أو بدلتني بقزازة عطر
    :p

    شو أخبارك هلأ ؟ شو عامل ؟ صرفت الينات ولا لسا ؟
    p

    بالنسبة الي .. الثيم الحالي حلو ومرتب كتير .. أنا بحب تدرجات اللون الأزرق

    لازم تعرف اني زلمة بكيف على مواضيعك .. فلا تحرمنا منها
    ^^

  10. anOsyatE

    مييييييييييييييييييييييييييييييين
    مش معقول؟
    منور حج بلال والله
    يزلمه انا كنت مستحي أمر لعندك يعني خفت انو الينات وما ينات؟؟
    والله الدين مذله يعمي لشو الحكي
    😛
    بس بتعرف ؟
    والله كنت كل فتره وفتره أمر لعندك واتفرج
    مبقدرش انا على الفراق مبقدرش
    🙁
    ووووو فعلا تعليقك اسعدني ومبسوط لأنك حبيت الثيم
    على فكره كنت بدي اغيره بس مشانك والله منا مغيره
    وشكرا لكلامك الحلو
    🙂
    طعميت سعداني موزه؟؟

  11. sozan

    انا ما قرأت هذا المقال بس ما راح اكتب كلمة تشجيع الك حره انا
    بس برحب فيك ولعودتك كنت متوقعه انك واجهت احد المتخلفين اللي صاروا يحطوا تعليقات مثل وجوهم بس ما كان لازم تستسلم
    يلا بانشجعك هلا وباحكيلك اهلا وسهلا واشتقنا لكتاباتك وخفة دمك ومناقشاتك كمان ونتمنى انك تضل مستمر:)

  12. علووووش

    مراحبببببببببببب الله يعطيك العافيه على الشغل بس مش عارفه شو يعني دومين
    كلهم بحكوا مبروك الدومين قلت بباركلك هههههههههههههه

اكتب تعليق على الموضوع ^__^