No Brain, No Pain

هو انا مش على هالمستوى من الالمام باهتمات اغلب الشباب والصرعات اللي ما بعرف شو دينها لكن لازم يكون الي موقف منها ورأي المفروض يسمعوه ويتقبلوه برحابة صدر وبعديها انت حر اذا حبيت تقتنع او لأ, لكن لما توصف اللي قدامك على انو جاهل وغير متفتح ببسسب انو انتقد فيك سلوك بخزي يعني جد بخزي!!؟ بقول خلص انا بستسلم لأني جاهل وما عندي مخ نفس الموديل اللي عندك
بصراحه العقل نقمه اكثر ما هو نعمه .! واللي بقول خلص انا بدي اختصر الجدال واكبر عقلي .,, بقول انا لأ قيمو لعقلك وحط بداله كندره لأنها ببعض الاحيان مفيده وعمليه اكثر وخلي الي قدامك يسمعك بالغصب حتى لو اضطريت تعمل زعله كبيره على قصه ُُُ ُ مش محرزه ُ ُ غير أنه بعد ما تلف وجهك واختصرت صرت قدام الكل ضعيف وبتستسلم بسرعه وهاي معروفه كل واحد بفكر حالو هو صاحب الكلمه الصح والمنتصر بالجدال السخيف
العقل نقمه. فش مجال العقل حراااااام
مثلا عندكم بينكي وبراين

بينكي عايش الدنيا ومساير الامور ومريح راسو وبحب التلفزيون وبحب الحلو وما عندو مشكله لو مد لسانو ونزلت ريالتو او طلع اصوات غريبه تعتبر محرجه بالنسبه للعاقلين

بينما برين حامل هم الدنيا فوق راسو ودايما مخو شغال وبدو يسيطر على العالم, و مخططات وورق وصار ماضي اكثر من مليون حلقه وكل يوم بقول المره فشلنا يا بنكي بس بكره لازم نسيطر على العالم
غير هيك عندك الطالب بالمدرسه هذا اذا كان عبقري وفلته غير انو راح ينطقع مليون عين من الجارات والمعارف , راح يكون هو الوحيد اللي بقعد لحالو بالفرصه وهو اللي بقوم بمسح اللوح وبكتب عن الاستاذ وهو طبعا ملطشة الصف وتسلاية الدرج الاخير

بينما الطالب اللي بايعها , بحترموه المعلمين لانهم بخافو منو , ومشد الكتب دايما بحملو عنو الاول عالصف, ومصروفه بكون ربع ليره من ابوه وخمس ليرات سلبطه وتنقيش من هون وهناك
واصلا لو استخدام المخ كان دائما بعود عالواحد بالخير لما امتاز ابليس بهالذكاء الخارق وسحب أمم للهاويه

This Post Has 6 Comments

  1. العبيط

    ما بدي اعلق
    لأنو شكلك جد معصب

  2. Qutaibah

    مرحبا كيف الحال

    September 11, 2008
    ايش بيعنيلك التاريخ
    وصفة مجربه
    لا اتعصب وحاول استعمل نفس الاسلوب الي بناقشك فيه الي بحكي معك وفكر بأيش بحكي وبعدها رد
    أكيد رح اتكون انتا الرابح بالنقاش وقتها

  3. البنت الشلبيه

    eih wallah sadqt..

  4. Anas

    عبيط 3 ايام كافيه لتكون العصبيه رايحه 🙂

    ولا يهمك رأيك على راسي
    تفضل المايك بإيدك

    qutaibah:
    هالتاريخ بعنيلي كثير ولغيري كمان ذكره بترفع رووس وبتحط رووس بالارض
    تخطيط وتكتيك متقن
    بس لو كان في مجال اني احكي كان حكيت مهو لازم يحكي يحكي وبس يجي دوري
    بحكيلي خلص اخرس اخرس
    فقلت أخرس احسنلي 🙂
    شكرا لنصيحتك
    ومبارك عليك الشهر

    البنت الشلبيه:
    للأسف ما بلاقي التأييد غير هون على النت
    ما بعرف شو السبب , يمكن الغلط من عندي واني نقلت الصورة غير كامله او ملفقه شوي
    على كلن هاد اللي صار وشكرا الك 🙂

  5. سوزان

    بصراحه مفاجأة
    من خلال تجربتي بصراحه كل اللي حكيت عنهم في النهايه هم الخاسرين لانه اللي بيكون الاول على الصف وكل الاشياء الملحقه اللي انت حاطتها هو الفائز لانه هاد عم يبني مستقبل والمحترم النايم عم بيضيع مستقبل وفي النهايه اذا جاءك سفيه لا تناقشه ولا تحاكيه لانه الصمت ابلغ

  6. Anas

    مهو يا سوزان شو هالمستقبل اللي بنيتو على شخصيه ضعيفه وعقده اسمها هوس التفكير

اكتب تعليق على الموضوع ^__^