Anosyat

شوب

July 14th, 2008 |

Author: ANAS

الدنيا نار

الختايرة زي كأنو كل واحد فيهم حاط مانع التفكير تحت العقال

والاطفال مناظرهم بتخزي من الايس كريم على اواعيهم ووجوهم سودا زي كأنهم طالعين من ورشة فك متور تريلا

والشوفيريه من نار الدنيا دوز دغري على جهنم ,الفاظهم لطيفه ومهزبه اللهم زد وبارك

والدواب تخربطت صواتهم العو صارت ميو والصوصو صارت حاااااااا

والديك ارنب

وختيار العالعكازة

عنت عبالو الجازة

والعصير غالي

ومية غدير بطلت زاكيه والكولر خربان

شوب شوب شوب

Posted in أخبار نار

facebook comments:

11 Responses to “شوب”

Mohammad Irshid:

July 14, 2008 at 9:41 pm

انا الحمد لله ساكن في ابرد منطقة في عمان…
ولاني ساكن لحالي فمش مشكلة عندي المي…

هاد الصيف على فكرة مش طبيعي…وللاسف لسى ما اجا الصيف اللي على اصوله..
Biraru:

July 15, 2008 at 2:29 am

عنجد يا زلمة شوب مو طبيعي .. أنا بكره الشوب من قلبي
بس شو هاد مانع التفكير ؟ شكله اختراع من الآخر
:p

صحيح هي جبتلك الينات
http://o9o9.net/up/get-5-2008-qpo70l4q.jpg
ملاحظة : المبلغ في الصورة بيطلع بحدود ال265 دينار أردني .. دير بالك عليهم

سؤال بونوس : الصورة اللي على اليمين
MY TREASURE
مين انت فيهم ؟
^^
مياسي:

July 15, 2008 at 9:12 am

شوب فعلا و الشعب الأردني ما شالله عليه

يعني روحو طويله كتير مش ضايا غير الشوب يطول بالو عليه

مين هادول الحلوين عاليمين؟؟

صحيح الك عندي واجب مر خدو:)
lost within:

July 15, 2008 at 2:20 pm

احنا والحمدلله و لا اعتراض على حكم الله تعدينا مرحلة الشوب و انا مني وعلي بمرحلة شايفة الديك أرنب من زمااااااان و مع الدوام و كوام الدراسة الصيف صار أحلى

بدي أروح اكل ice cream
bye !
36ooor:

July 15, 2008 at 5:14 pm

محمد ارشيد:
لسه الصيف الو اصول كمان
يا ويلي الله يستر بس بضل اهون من البرد
ميت شمس بقلب ورب
ولا ذرة ثلج على اسا س المزح
صحيح انت وين ساكن ؟؟تحكيليش بالشفا لانو فش ابرد منها

biira ru:
صح هو الشوب بدايق وبقلب موازين البني ادم وبتسير ريحة الواحد عرق بتقتل الذبان
بس والله اهون من البرد
ويسلمو كتير عالينات
انشالله برجعهم على القبضه هاد اذا شفت وجهي لوقتها
بعدين يا زلمه ما عرفت تخليهم كلهم من تبعون الاف
حلوات حلوات
وهدول اللي بالصوره هم صحابي وانا رابع واحد
يعني كنت المصور
36ooor:

July 15, 2008 at 5:25 pm

مياسي:
ههههههههههه
هاد يمكن الحكي بس باربد عنا بعمان الطف شوي لانهم متمدنين وبعرفو بالزوء
هدول الثلاثي الشطب اصحابي
بتشوفي بالتلفزيون لما صياد بصيد السمك
بعدين بغفى وبنااااااااام
بعد شوي الا هو الخيط صار يشد شوي شوي
بروح هالمسكين بكيف وبفكر لقطلو صندوق ذهب ولا اشي محرز
اخر اشي بس يسحب الخيط بطلع بوجهو بسطار مليان طحالب؟؟
هدول متل هيك
ابييي شو بكره كلمة واجب لاني بحياتي ما لتزمت فيها ودايما بروح من المدرسه ادي حمر
هيني جاي اشوف

lost:
هههههههههههههههه
لشو كل هالتشائم
شو بدك تسوي عاد بدنا نضل حاطين حبة ايس كريم بتمنا وساكتين لحد ما الله يفرجها
صح شو يعني ديك زمان عنها الكلمه بعرف الارنب بس
بس تخلصي الايس كريم تبعتك روحيلك على شي بنشرجي هيك حركة ربع ساعه مشان تزبط اوضاعك عالتمام
sweetlikearose:

July 15, 2008 at 11:22 pm

شوووووووووووووووووووووووب بس بالليل براااااااااااااااااااد
هههههههههههههههه
هادا وصف دقيق لحال الناس .. وطيب انا من الشوب ما بتفكر تجيبلي كرتونة الكف الاحمر؟؟؟؟ بحبها يا شو اعملك؟؟؟
::واحد بتمسكن وكب على حالو سطل مي عشان تفكرو انت انو عرقان ::
سوزان:

July 16, 2008 at 7:32 pm

شوب عندكم وجو حلو عنا تبدل ؟؟؟؟
الله يعينكم ويعني الناس على ضب لشانها خاصه الشوفريه المحترمين جدا خاصه وقت الظهر
sweetlikearose:

July 16, 2008 at 10:54 pm

وينووووووووو؟
:: واحد بستنى ::
eNAS:

July 16, 2008 at 11:35 pm

اه…ايش ما بتحب الشتا اه

لا هيك كتير
يعني جهنم اللي نحنا فيها احسن

أنووس غير رايك وخليك على الشتا احسن
بلا صيف بلا بطيخ

لا ولا ماله البطيخ زاكي :P
36ooor:

July 17, 2008 at 12:26 am

براء حتى بالليل شوب دايما شوب
:: واحد عم بصفر وعامل حالو ما سمع ولا شاف اشي::

انبسطي هيو الموضوع نزل

:-\

سوزان منبدل جد بحكي كم برميل نفط بدو بوش مقابل يعطينا الطقس؟؟

نوسا
مهو بيجي الشنا منقول وين الصيف بيجي الصيف منقول وين الشتا
بلا طقس بلا خيار
انا طالع على المريخ احسلي تيجي معي؟