شوب

الدنيا نار

الختايرة زي كأنو كل واحد فيهم حاط مانع التفكير تحت العقال

والاطفال مناظرهم بتخزي من الايس كريم على اواعيهم ووجوهم سودا زي كأنهم طالعين من ورشة فك متور تريلا

والشوفيريه من نار الدنيا دوز دغري على جهنم ,الفاظهم لطيفه ومهزبه اللهم زد وبارك

والدواب تخربطت صواتهم العو صارت ميو والصوصو صارت حاااااااا

والديك ارنب

وختيار العالعكازة

عنت عبالو الجازة

🙁 والعصير غالي

ومية غدير بطلت زاكيه والكولر خربان

شوب شوب شوب

11 thoughts on “شوب

  1. Mohammad Irshid says:

    انا الحمد لله ساكن في ابرد منطقة في عمان…
    ولاني ساكن لحالي فمش مشكلة عندي المي…

    هاد الصيف على فكرة مش طبيعي…وللاسف لسى ما اجا الصيف اللي على اصوله..

  2. عنجد يا زلمة شوب مو طبيعي .. أنا بكره الشوب من قلبي
    بس شو هاد مانع التفكير ؟ شكله اختراع من الآخر
    :p

    صحيح هي جبتلك الينات
    http://o9o9.net/up/get-5-2008-qpo70l4q.jpg
    ملاحظة : المبلغ في الصورة بيطلع بحدود ال265 دينار أردني .. دير بالك عليهم
    😛

    سؤال بونوس : الصورة اللي على اليمين
    MY TREASURE
    مين انت فيهم ؟
    ^^

  3. مياسي says:

    شوب فعلا و الشعب الأردني ما شالله عليه

    يعني روحو طويله كتير مش ضايا غير الشوب يطول بالو عليه

    مين هادول الحلوين عاليمين؟؟

    صحيح الك عندي واجب مر خدو:)

  4. lost within says:

    احنا والحمدلله و لا اعتراض على حكم الله تعدينا مرحلة الشوب و انا مني وعلي بمرحلة شايفة الديك أرنب من زمااااااان و مع الدوام و كوام الدراسة الصيف صار أحلى
    🙁
    بدي أروح اكل ice cream 😀
    bye !

  5. محمد ارشيد:
    لسه الصيف الو اصول كمان
    يا ويلي الله يستر بس بضل اهون من البرد
    ميت شمس بقلب ورب
    ولا ذرة ثلج على اسا س المزح
    صحيح انت وين ساكن ؟؟تحكيليش بالشفا لانو فش ابرد منها

    biira ru:
    صح هو الشوب بدايق وبقلب موازين البني ادم وبتسير ريحة الواحد عرق بتقتل الذبان
    بس والله اهون من البرد
    ويسلمو كتير عالينات
    انشالله برجعهم على القبضه هاد اذا شفت وجهي لوقتها 😛
    بعدين يا زلمه ما عرفت تخليهم كلهم من تبعون الاف 😛
    حلوات حلوات 🙂
    وهدول اللي بالصوره هم صحابي وانا رابع واحد 😛
    يعني كنت المصور

  6. مياسي:
    ههههههههههه
    هاد يمكن الحكي بس باربد عنا بعمان الطف شوي لانهم متمدنين وبعرفو بالزوء 😛
    هدول الثلاثي الشطب اصحابي
    بتشوفي بالتلفزيون لما صياد بصيد السمك
    بعدين بغفى وبنااااااااام
    بعد شوي الا هو الخيط صار يشد شوي شوي
    بروح هالمسكين بكيف وبفكر لقطلو صندوق ذهب ولا اشي محرز
    اخر اشي بس يسحب الخيط بطلع بوجهو بسطار مليان طحالب؟؟
    هدول متل هيك 😛
    ابييي شو بكره كلمة واجب لاني بحياتي ما لتزمت فيها ودايما بروح من المدرسه ادي حمر 😛
    هيني جاي اشوف 🙂

    lost:
    هههههههههههههههه
    لشو كل هالتشائم
    شو بدك تسوي عاد بدنا نضل حاطين حبة ايس كريم بتمنا وساكتين لحد ما الله يفرجها
    صح شو يعني ديك زمان عنها الكلمه بعرف الارنب بس 😛
    بس تخلصي الايس كريم تبعتك روحيلك على شي بنشرجي هيك حركة ربع ساعه مشان تزبط اوضاعك عالتمام 😛

  7. sweetlikearose says:

    شوووووووووووووووووووووووب بس بالليل براااااااااااااااااااد
    هههههههههههههههه
    هادا وصف دقيق لحال الناس .. وطيب انا من الشوب ما بتفكر تجيبلي كرتونة الكف الاحمر؟؟؟؟ بحبها يا شو اعملك؟؟؟
    ::واحد بتمسكن وكب على حالو سطل مي عشان تفكرو انت انو عرقان ::

  8. سوزان says:

    شوب عندكم وجو حلو عنا تبدل ؟؟؟؟
    الله يعينكم ويعني الناس على ضب لشانها خاصه الشوفريه المحترمين جدا خاصه وقت الظهر

  9. sweetlikearose says:

    وينووووووووو؟
    :: واحد بستنى ::

  10. اه…ايش ما بتحب الشتا اه

    لا هيك كتير
    يعني جهنم اللي نحنا فيها احسن

    أنووس غير رايك وخليك على الشتا احسن
    بلا صيف بلا بطيخ

    لا ولا ماله البطيخ زاكي :P:P

  11. براء حتى بالليل شوب دايما شوب
    :: واحد عم بصفر وعامل حالو ما سمع ولا شاف اشي::

    انبسطي هيو الموضوع نزل

    :-\

    سوزان منبدل جد بحكي كم برميل نفط بدو بوش مقابل يعطينا الطقس؟؟

    نوسا
    مهو بيجي الشنا منقول وين الصيف بيجي الصيف منقول وين الشتا
    بلا طقس بلا خيار
    انا طالع على المريخ احسلي تيجي معي؟

Leave a Reply

Your email address will not be published.