عرفتو مين؟؟

اوكي..انا بقول بكفي هيك خليتكم تتحزرو لتشبعو..والوحيد اللي عرف او دب هالكلمه وقال بلكي زبطت اللي هي مياسي
السؤال لازم يكون مين الشبشوبه بدل البنوته
طبعا هاد حضرة جنابي لما كان عمري 5 اشهر,ما حدا يسألني ليش لابس فستان ,لأني وقتها ما كنت صاحب اراده وامي الله يخليلي اياها لبستني اياه قال مشان وقتها كان نفسها ببنت
بس امنيتها تحققت بعدي مباشرة ..يعني لو صبرت شوي كان ما شرشحتنا هالشرشحه
وخلت الاجانب يضحكو علينا..
لكن انا ملاحظ نظرات غريبه على وجهي..كأنو بتوحي اني مستغرب من شي سخيف عم بسير قدامي
وحسب التحليل قلت يمكن هاد المصور…يمكن كاين شنع وشكلو عامل زي فرخ النعامه..وكان بوقتها بيحاول يلفت انتباهي ويفقش بأديه ويبوس بالهوى مشان تطلع الصورة حلوه
واكيد انا بهداك الوقت كنت بقول ببالي..ولك عمين بتتخوت يا مغفل؟؟ ااااخ بس لو اني بعرف احكي
والله غير اشرتحك يا فرخ النعامه 😛
بس تعليقاتكم؟؟!! هاهههههههههههههه كانت بتضحك

0 thoughts on “عرفتو مين؟؟

  1. Mohammad Irshid says:

    بدون ما افكر ( لاني اكيد اول مرة بشوفها)

    يبدو انها بتخصك..
    Maybe

    تحياتي

  2. سوزان says:

    يعني هالامورة بدها تكون يا اختك ,يا وحده من قراباتك بس ما شاء الله الله يخليها

  3. Amjad Wadiِ says:

    و لك مين هاي؟ بتشبهك ؟

  4. يييي ما ازكاها 🙂
    اختك … يمكن اسمها إيناس كمان 😛
    عفكرة الصورة مبينه انو بآخر التمانينات او بداية التسعين … هيك حسيت مابعرف
    يمكن من المؤثرات والصور اللي بجنبها
    الله يخليها يا رب 🙂

  5. mohammad irshid:
    حاسك فاهم القصه
    maybe

    هلا بيك منووور 🙂

    سوزان:
    ريتك تسلمي يا رب
    بس باكدلك راح تطلبي مني اشطب تعليقك 🙂
    maybe…

    amjad:
    اكتر من ما بتتصور 😛

    nosa:
    loooolهيتك ذكيه ولك مش عوايدك :p
    هههههههههههه
    لا على سلامة فهمك ماشالله عليكي
    الصوره بنهاية التمنين صح
    بس مو ايناس 🙂

  6. 知りません
    يعني : مش عارف
    :p

    مافي خيارات ؟ ^^

  7. مياسي says:

    اممممممم

    ليكون هادا انتا و ملبسينك فستان؟؟

    لوول بمزح بس تقيله شوي

    بس الصوره فعلا قديمه مين هاي مين هاي؟؟

  8. biraru:
    طبعا في خيارات
    1-انا
    2-انا
    3-انا
    ;p اذنك حدق جاوب

    مياسي:
    له له ليش هيك بتمزحي معي ما بحبو المزح التقيل انا!! يالله منك ال انا ال
    😛
    😛
    :p
    هههههههههههههههه الوحيده اللي جاوبت صح الك جائزة 🙂
    على راسسسسسسسي ميسو

  9. والله شطورة يا ميسوو
    بس كل واحد منا اعطى شغلة صح يا انس!
    امجد حكى بتشبهك ولازمو جائزة
    وانا حكيتلك بآخر التمانين
    يعني اكيد بآخر ال89 كمان انا جائزة
    بس اكيد درجات
    لابقلك الفستان
    😛
    ليش معتبر انو لبسك للفستان شرشحة
    صاحلك اصلا !

  10. مياسي says:

    هييييييي

    زبطت

    بتعرف أنا كيف عرفتك؟
    أول شي شكلك بالصوره مش شكل بنت أبدا أشكال البنات مميزه- العيون و الرموش

    تاني شي : مش لابس حلق بذانك اذا انتا مش بنت

    ثالثا: ما رح تحطها الا وهي الك مش لحد تاني

    شفت والله بفهم:)

    وين جائزتي؟؟

  11. مياسي says:

    صحيح أنوووس تعا لهون

    أنا بدب الحكي دب؟؟

  12. نوسا انتي جد مشكلجيه اول اشي فش جائزة …هيك ما بعرف ليش في اشي بحكيلي جاكرها هالبنت
    شو اسوي انا شغلك مع الاشي مو معي 😛
    طيب لو وعيتي على الدنيا ولقيتي الك صورة ايام ما كنتي صغيرة وكنتي لابسه بدله سوده وقرفته طويله
    شو بكون شعورك؟؟

    مياسي اول شي بهنيكي على هالزكاء الخارق
    بس نقطه تلات مو شرط صحيحه متلا هيني حاط صورة اخوي حدو ومرت فتره كنت حاطعا هيدر وشغله تانيه على ملامح البنت هي بنت عمي ولا الها دخل بالبنات من وهيي زغيره
    سدقي ناتعه خط شوارب وشكلها عامل زي العقيد ابو شهاب 😀
    جائزتك وصلتك هيها عندك
    وووووو
    معلومه زغنونه
    مياسي
    انتي
    عصبيه

  13. سوزان says:

    هههههههههههههههههههه هلا أكيد يييييييييي هاد انت بس لاتزعل زوجي امه مصورته بفستان لنفس السبب وانا طول نهاري اضحك عليه …اوعى تفرجيها لمرتك ههههههههههههه

  14. مياسي says:

    لوول ولك بمزح معك

    أنا بس بحب أجاكرك لا معصبه و لا شي وإسأل نوسا هي شافتني و حكت معي ساعتين

  15. فش جائزة … فش جائزة
    ماااشي يا انس
    والله عادي ما بزعل عايشة مع 5 ولاد اصلا منيح مني طالعة بنوته
    …كنت متوقعة تحكيللي هيك 😛
    جاكرني يجاكرك … ولا اشطر مني فيها
    ايش “الاشي”…مافهمت!
    ميسووو … الله يسعدك ,بس عنجد كان يوم روعة,قعدنا وحكينا ساعتين,عن كل شي بالدنيا وان شالله لازم شوفك كمان
    بس روحت لان صاحبتي كانت تعبانه.

    انووس … مياسي لا عصبية ولا شي
    بس انت هيك خلص … ابصر ليش حاط نقرك من نقرها
    وصاير هيك معي كمان 😛

  16. سوزان شايفه انو الرجال مساكين و معترين وقليلين حيله 😀

    مياسي انتي ونوسا ضليتكم ساعتين كاملات مع بعض؟؟؟؟؟؟؟
    مره شفت واحد من صحابي كنت من سنتين مش شايفه وقعدنا ربع ساعه وقلنا تأخرنا
    لوووووووووول
    ميسو انتي عصبيه من وراكي كنت راح اشطب الموضوع السابق ;P
    بس مزحك حلو مش زي بعض النااااس

    نوووووووسا حاطه نقرك من نقري لييش؟؟
    اصلاتن مياسي قباله احكي عنها هييك
    صح ميسو ولا موش؟؟ 😛
    😛
    😛
    😛
    😛
    😛
    😛
    😛
    😛
    😛
    😛

    يالله اشوف اذا بتطلعي معي براس

    شريرن انا …….!@$#@%%$^%$&

  17. “biraru:
    طبعا في خيارات
    1-انا
    2-انا
    3-انا
    ;p اذنك حدق جاوب ” …

    お前か?。。うそ~。。信じない~ (o_O)
    يعني : هذا انت ؟ معقووول ؟ مش مصدق

    على كل حال أنا بجاوب مثل امتحانات الجامعة : جميع ما ذكر
    :p

  18. مش زي بعض ناااس ؟؟؟…..
    لا انا اللي بعرفها واكيد مش قبلانه 😛
    احمد ربك اليوم كان الغدا “كبسة”
    ولا كان صار شي تاني:P:P
    و بخللي الاشي يتدبر معك 😛
    *******/&*&*&*@#$%^&

  19. bira ru:
    فل مارك
    بتسدق؟؟ ولا انا بسدق

    نوتي نوسا:
    خلص؟؟تحدي؟؟
    طيب خلي ميسو هيي الحكم وهي تقول قباله او لا
    اذا فزتي بسكر موقعي تلات ايام واذا انا فزت
    يالله معلش بتسكري موقعك يومين
    بس مش تروحي تحكيلها على الاميل
    هاد اسمو غش

  20. نوتي؟؟ايش يعني …mmmm
    طيب ماشي … انا واثقة من ميسو
    رح تنصف بينا بس نحنا بتعرف بعض
    يعني انت مش خايف؟
    بس على ايش…ما فهمت؟؟؟
    بعدين يعني لاني بنت خليت العقاب اخف عللي
    لا … الخسارة بالمثل والعقاب واحد 😛

  21. لا تعليق

  22. والله عرفت من اول ما شفت الصورة انها انت
    مو من الشكل هبيك عرفت لحالي ههههه

Leave a Reply

Your email address will not be published.