نصيحة مجرب

(N73) اليوم شريت تلفون جديد, نوكيا

طيب..هو مش هالميزات الرهيبه,بس الجهاز دخل راسي وحسيتو منظم ومش معقد

المهم بقول لحالي مبروك ,وعقبال عند اللي معوش تلفون,او اللي حاب يغير تلفون (الشحاطه) او (الحج مصباح)بتلفون جديد عقبالو كمان…

اللي صار اليوم ,اول ما فتحت الكرتونه ولا لمست الجهاز بالمرة ,رحت ماسك الكتلوج , وبديت اقرأ فيه

-ضع الشريحه

-اقفل الجهاز

-متعرضوش للمي

-او الشمس

-غير مخصص للضرب

قفلت معي وعلى قد ما الله يعطيني زتيت الكتلوج …منا طول عمري ما بحب الكتلوجات , وكتب معلومات النظام لاي جهاز

بحسها ممله , وبتفقدك متعة اكتشاف الجهاز, وممكن تكرهك فيه

يعني مش غلط انك بعد ما تبيع تلفونك بشهر,تكتشف انو كان فيو ميزة بلوتوث, وميزة الاتصال عن بعد!! بتسير ليش لأ

فاللي توصلتو بالنهاية انو الاجانب اغبيااااااء , وبفكرو بالجهاز على اساس اني كيف بدي استفيد منو ,مش كيف استمتع فيه.. فمشان هيك بتلاقي الواحد بمسك الجتلوج, وبقرأو من اولو لأخرو, وبجيب مرتو تسمعلو كمان

فيا شباب اللي حاب يشتري قباب ..يروح على سوريا

(*-*) بايخااااااااااااااااااااااااااااااااا

اللي بدو يشتري جهاز الكتروني شو ما كان يكون ,,,.. ولا يفكر يوم انو يقرأ دليل الاستخدام

…لأنو مش راح يستمتع باكتشاف ميزات الجهاز الجديد

10 thoughts on “نصيحة مجرب

  1. Amjad Wadiِ says:

    لوووووووووول

    يا زلمه هاي الكتلوجات الها مستخدمينها

    لما يكون الجهاز معقد مثل كاميرا رقميه بمواصفات عاليه بصير ال كتلوج كثير مفيد لأنه بعرفك ببعض المزايا المتقدمه بالجهاز
    أما شيل الشريحة و دخلها .. فحكي فاضي

    بتعرف نكتة عقلة و كتالوج التركتر؟

  2. مياسي says:

    أنا كمان بكره الكتالوجات بس بقدرش أنكر أنها مفيده كتير

    يعني مرات الواحد بضيع وقت كتير بفهلوه بعدين بكتشف أنو الشغله موجوده من أول لولا شطارتو

    أساسا أنا مش من النوع اللي بيحب يدقق كتير بمل

  3. انا معك بشغلة الكتلوجات انها مملة
    بس احينا بكون الواحد محتاجها لشغلة تقنية,بتطلع روحك وانت تجرب بالاخر متل ما حكت مياسي بتكون موجودة
    بس المحترم ابو دماغ حريف اللي صنع هيك جهاز بكون حاب يخللي الناس تعرف ادق التفاصيل اللو هو تعب عليها
    ممكن انت تشوفها مملة بس تانيين بشوفوها ممتعة
    أنا بحب أقرا الورقة اللي بتيجي مع الدوا.
    صحيح علبة الجهاز فيها من البلاستك المعبا هوى…هاد اللي بفقع P:

  4. sweetlikearose says:

    هههههههههههههههههههههههههههه
    مبروك ولك الجهاز الجديد بحكي انس عاكس على وجهك ومنور 🙂
    وينك يازلمة؟؟
    اوكي خليني اعيد صياغة السؤال عشان ما تعصب وتصير عندك فعل ورد فعل ورد فعل شوووووووووووو؟؟؟
    ويني انا؟؟
    انا خلصت شغل القصة القصيرة وضايل علي شغل تحليل النصوص والخطابات الانجليزية وان شاء الله انو تخلص هاي السنة على خير ونخلص وارجع متل اول
    بدي حيلوان زاكي يالله

  5. اكيد مصبح ممسي على االموبايل وبدك تستكشفو

    ذكرتني بالبيبي اللي بشوف الشغلة وبضل يبحبش فيها ليعرف شو هي

    على كل حال الف مبروك على الموبايل وتهريه بالعافية

  6. amjad
    الكتلوجات لمستخدمينها مش لألي انا
    لازم الاجهزة اللي بتيجينا من بره يحطو فيها اول بند ..يسمح لانووس باستخدام الجهاز دون الرجوع لدليل الاستخدام
    خلص هيك انا ما بحبها هاي الاشياء الغبيه

    شريط عقله ما سمعت منو غير كلمة جلووول قعدت ادور عليها بس مشان افهم شو بتحكي انت وعمو قباني 🙂

    مياسي اذا ما بتدخني مش مشكله خمس دقايق على الكتلوج ما بضرو
    وبنفس الوقت مش ضروري تفقعي الجهاز بالحيط اذا ما عرفتيلو

    nosa ((!!!!!!!!!!!!!))

    هههه لا نهفة انتي يا بنت..اي كلياتو شقفة تلفون ان 73 مش مستاهل اقرا الكتلوج مشان اعرف كيف اخزن مسج
    او احط فيديو وازبطو على السلكيو
    لا مكانش في فقيع كان جواتو طحشة ورق واعلانات لأجهزة احدث
    وكيس مرسوم عليه مثلث ..معناها لما تزهق من جهازك لا تكبو..احنا منرد نصنعو

    اهااا ..بحكيلكو معو

  7. اهلاااااااااااااااان بالحجه برااء
    اخبارك يا خالتي

    والله الله يبارك فيكي وعقبال عندك انشالله..

    انتي شو؟؟لسه بدي اسألك وينك انت رحتي كتبتي وقلتي ويني انا مهو انتي مش عارف شو لما قلتي عني ويني وبدك تعرفي عن مين انا بحكي وانتي مين
    هاااا؟؟
    مين انا؟؟؟
    خلص حلوانك واصلك
    لساتني مصرر بدي الشغلات الزاكيه اللي بتكون بين هدول الاشياء >>>:: ::

    nana
    صراحه لا مصبح ولا ممسي.. لحد هلأ ما اجاني غير اربع مسجات
    2 منهم دعايات
    وخمس مكالمات صادرة بس

    ههههه خليتيني احسو خرخيشة
    لا بس والله انو شيخ شباب وبفهمني..ولبقتلو نغمة
    للاعبر لاعبر لاعبر
    لاعبر على تركيا واشرب تتن وكيل
    ترنترنتررررن
    واللي ما يوخد حبيبو يمشي بالدنيا مصيف
    ترنترنتررررن
    حبيبي حسين السلمان

    الله يبارك فيكي وعقبالك اذا معكيش 🙂

  8. اللـــــه يسامحك…جد حاط هيك نغمة
    الواحد بحط مونامور..او ياني…او موسيقى ناعمة
    أنا لما أسمع هيك رنة على تلفون حد بجحره جحرة بتخوف
    حسين السلمان…ساكن بالحارة اللي بجنبنا,بس عمري ما شفته ولا بعرفه,مرة كان يشحط بالBMWتاعته
    واخوي حكاللي هاد هو P:
    هاي كل معرفتي فيو

  9. ولك نوسا عندي موسيقا جد اشي بهبل..
    عندي تبعت التايتنك معزوفة على القربه
    وحاطها نغمه للرساله
    لازم تسمعيها
    واذا مش عاجبك لاعبر لاعبر خلص ولا يهمك بدي احط تبرق وترعد لمتعب الصقار 🙂
    وبالله اذا بتشوفي حسين سلمي عليه واحكيلو وينك يا رخيص مش وعدت انووس تمرق عليه.؟؟ 😛

  10. jehazy 3310 o ma3e mn 3 yrs o mahma abalkedh feh baktashef ashya2 jdedh, bas mesh bayen eno ra7
    yt3’ayar

Leave a Reply

Your email address will not be published.