فشة غل

اليوم على شارع المطار كنا كالعاده طالعين انا والمندوب نوزع طلبات على هالزباين
الجو كان مميز شمس حاميه وهوا بااارد
مندمج مع الاغنيه الطالعه على الراديو وعايش عصري وما حدا قدي
فش ثواني.. اسمعنا صوت تشحيط سيارة استمر لمدة ثانيتين بعدين دجججججج
يا لطيف الدج لحقو دج تاني والدجين الاولانيات لحقهم تالت يا ساتر يا ساتر
نزلت من السيارة الاولى حجه عليها صوت متل الجاروشه وبدت تصرخ وتلوح والله غير اعمل والله غير اسوي
مشينا لقدام شوي لحد ما صرنا قبال الحادث بالزبط
اوبسسسسسسسسس !!!! كان قبل سيارة الحجه سيارة شرطه من جيبات الدوريات الخارجيه
والتوعيد والتهديد كان موجه للشرطي سائق السيارة
وكعادتنا احنا العرب ماكلتنا سوسة الفضول ..لازم المندوب ينزل من الباص ويعرف شو القصه
شوي شوي بدء الصياح يعلى والالفاظ بدت تسوء
وصلت للعرض والشرف والكرامه
الحجه مسحت الشارع بكرامة الشرطي .وصوتها حاسو زي كأنو براسي بزززن
لا تركتلو اهل ولا دين ولا عرض
مسبات الو ولعيلتو وطبشة لجيرانو
ههههههه بستاهل
…….
بعد ما هدي الوضع وخفت العجقة وتفقرقو الناس رجع المندوب لعندي وضحكتو واصلة لذنيه
– خير يا ايمن شو في؟
– والله اسكت ساكت الحجه فشت غلي صح
-يزم احكيلي شو صاير
-هاد يا سيدي سيارة الدوريه باقيه تتسابق هي والسيارة السودة اللي هناك.. ((شكلو واحد قرابه)) وبدون غمازات ولا تنبيه طلعت الدوريه قدام سيارة الحجه فتفاجأت فيها ووقفت بريك ولحقتها سيارتين وضربو ببعض
دوريه ..شرطه ..حكومه…حراس….نشامه….زرقتيه….
بتتسابق على شارع عام قدام كل الخلق؟؟
وين اللي فتحو بروسنا حفر وقرفونا عمرنا على التلفزيونات على قولة
اخي المواطن وحزام الأمان ودير بالك وازهاق ارواح
وين نظام المخالفات اللي بشمل الجميع دون اسثناء
وكلنا الاردن والاردن كلنا
ههه عمي كلام جرايد
وابصر عاد يتعاقب الشرطي اللي عمل هالكركبه هاي زي ما لازم يتعاقب اي واحد تاني؟؟؟
ولا لا فرق بين مواطن اردني او شرطي الا بالواسطه؟؟

0 thoughts on “فشة غل

  1. صباح الورد عنجد ضحكتني ومش جاي على بالي بس جد انا حسيت انو انفش غلي

    المهم الحجة ما بدها واسطة لانها ما قصرت الله يديمها بكفي التهزيئة اللي اكلها

    وكل اللي بنسمعه شعارات يا انووس مش اكتر

  2. I LOVE YOU

  3. محمد بدر says:

    لو كان هؤلاء الشرطة مسلمين بحق لما كانو خالفوا النظام.

    لايوجد مشكلة أعظم وأخطر من مشلكة الفخر الزائف.
    الفخر الزائف هي المشكلة التي دمرت كل الحضارات فيما مضى, وستدمر كل حضارة تزل قدمها في ذاك الفخ.

    القانون الجيد هو الذي يسري على صانع القانون, ولا يوجد استثناء لهذه القاعدة أبدا.

    اسألوا من وضع أعظم القوانين.

    أخوك محمد بدر 🙂

  4. how and why i blog?
    my dad learned my mom how to makes blogs and after this my mom learned me how to did blogs and i my frinds told me i becomed the bist blogser in the warld.everdey pepole come to my blogs to teach how to did blogs.i make blogs to make pepol laf very much.and to make “abo ree7a” happy, but he dont understand if my riting in arabic or english

  5. @ !\! o o o $ says:

    ردي على تعليقك بالزبط يا نانا 4.14مسائا

    مساء الورد 🙂

    وغلي كمان انفش بس لو شفتي وجه الشرطي وهو بتلقى الصواريخ
    كان جد
    ضحكتي
    هههههههههههه
    ارنب

    ملحد الله يلعنكمو

    اخوي محمد انا بصراحه مو عارف شو اتجاهك بالزبط
    لكنهم مسلمين لا ننكر
    وحتى ممكن انهم من الملتزمين
    لكن الانسان بطبيعته خطاء وخصوصا لما يكون بمنصب رفيع
    فيحاول ان يشبع غروره بكسر القوانين الموضوعه
    يعني لا اظن ان الدين له اي علاقة باللي صار
    مشكور على مرورك وزيارة طيبه 🙂

  6. @ !\! o o o $ says:

    الى الحشرات اللتي تزور المدونه
    احب ان اعبر لكم عن سعادتي بزيارتكم مدونتي ورفع البيج رانك
    ان كل زيارة وكل نقره داخل اطار الصفحه هو بمثابة دعم لشعبيتها ورفع من قيمتها لدى محركات البحث
    فانا اطلب منكم بل اترجاكم ان لا تضعو اسمائكم الحقيقه عند التعليق باحدى مواضيعي
    كي لا تتسبب لي بالعار والفضيحه
    من ثم تحرم مدونتي من الارشفه في محرك البحث جوجل
    وارجو من الاخوة الكرام زوار\ مدونتي من الشخصيات المرموقه عدم وضع فضلاتهم بالقرب من هنا حتى لا تتسبب بجلب المزيد من الحشرات اللتي تتغذى عليها

    هاذا باللغه العربيه ;p

  7. مياسي says:

    سلام أنووس
    أنا جايه و أنا خجلانه الصراحه التاج بعدي ما رديت عليه بس بوعدك قريب و الله يا أنووس كتييير مشغوله و كمان ضليت سنه و أنا أدور عالعشر أشياء

    و بالنسبه للحجه عن جد الله يعطيها العافيه معها حق الله لا يردهم نازلين في هالعالم تطويح كأنو مش ناس

    و هو فعلا كلام جرايد لأنة كتر خير “الواسطه” اللي بتطلع رخص حتى للميتين و كمان كتر خير “فنجان القهوه عالحارك” بحل أكبرها حادث

    قمة الاستهتار والله

    و لا يهمك أنووس يا جبل ما يهزك ريح فكك منهم هادول اللي ما وراهم غير العالم و التنكيس

    يسلمو كمان مره عالتاج و انتظروا الاجابات

  8. ما شاء الله الحشرات واصلة لعندك كمان
    بس الحمد لله في دايما البف باف قاتل الحشرات الزاحفة والطائرة وكلة

    متل ما في شرطي خارج عن النظام كمان في بني أدمين خارجين عن حدود الادب والتزوير بدمهم,
    !!!!وباسمي كمان
    لازمهم الحجة اللي شرشحت الشرطي 🙂

  9. @ !\! o o o $ says:

    مياسي يا هلا والله فكرتك خلص زهقتي
    كلهم عشر شغلات كزبي احكي اي شي ما حدا الو عندك
    ههههههههههههههههههه
    فنجان القهوة البطل الخارف حلال المشاكل
    طيب قديش فنجان قهوة بدنا مشان تنحل ازمة العراق وفلسطين؟؟
    بدنا برازيل بحالها
    بالنسبة للحشرات! انا مش شايفهم بس سامع صوتهم
    —————————
    عرفي الاتي
    تطويح:
    عالحارك:
    وهيني بستنى التاج 🙂

    هاي الحشرات اللي عندي يا نوسا
    بنفعش معها البف باف لانو هاد المبيد يقتل الحشرات اللتي تحتوي دم واحساس
    اما اللي عندي لازمهم مبيدين واحد مشان يقنعهم انهم حشرات والتاني
    اسمو تنكيس باف ليقضي عليهم

    اعكسيها وقولي زي مافي مواطنين خارجين عن النظام هناك شرطه خارجه عن النطام كمان
    (حاميها حراميها)
    جاي على بالي اسمع اغنية الامن العام لبشار السرحان
    بلاقيها عندك؟

  10. Amjad Wadiِ says:

    شو مش عاجبينتك الشرطه ؟

    أجيبلك معي شرطيات شقر من هون 🙂

  11. مياسي says:

    أنووس:

    تطويح= عن جنب و طرف

    عالحارك= عالسريع
    و لو أنووس هادول مصطلحات صميمه !!!

    التاج ان شالله ع نهاية الأسبوع بكون روحت ع إربد و رقت إلو

  12. @ !\! o o o $ says:

    امجد هو انتو عندكم شرطيات بنات؟؟؟
    وشقر كمان؟؟
    يا ويلي عليكو يعمي حضارة وتقدم
    مش زي اللي عنا مهو معروف مخلوق بشري او حيوان نادر مهدد بالانقراض

    مياسي يعني مش عارف شو احكيلك جد عليكي مصطلحات جديده ووالله ما سمعت فيها يمكن مشنك من اربد !!!
    بعدين الاربداويه هوون غزو المدونه
    صار عندي امجد ونوسا ومياسي
    ويا هلا بيهم جميييييييييييعا
    ضيوف اعزاء 🙂
    كمان بستنى التاج

  13. Anonymous says:

    يعني لا اظن ان الدين له اي علاقة باللي صار

    بسم الله الرحمن الرحيم والحمد لله

    صديقي هل أنت مسلم؟

    كيف تكون مسلم وتدعي الدفاع عن خير البرية في مدونتك ومن ثم تقول أن الدين لا علاقة له؟

    هل تؤمن بأن الاسلام له علاقة بأشياء وأشياء؟
    ماهذا الايمان.؟
    أسف للهجتي ولكنني استغرب هذه الأفكار العلمانية ولا أعرف كيف توصلت لأن تنخر بديننا وشرعنا الذي يهتم بكل الدنيا.
    وكل الآخرة.
    رتجع نفسك أرجوك.. ماتكتبه يحسب عليك.

    أخوك محمد بدر

  14. @ !\! o o o $ says:

    اخوي محمد انا اعتذر منك بالحقيقة صار تضارب بالافكار وانت ما فهمت شو هو قصدي لاني حاولت اختصر الموضوع بكلمات موجزة ومفيده

    اولا حياك الله بمدونتي وانا فخور بوجود اشخاص مثلك تدافع عن الرسول الكريم محمد صلى الله عليه وسلم

    ثاني شي انا اللي قصدتو بانو الدين ليس له علاقه لم اكن اعني التفكير بالعقل العلماني او استبعاد الدين عن حياتنا
    الم تسمع انا هناك من الصحابه من ارتكب الذنوب
    كشرب الخمر والزنى وقذف المحصنات
    بالنهاية هم خير من دافع عن الاسلام وخير من نشروه
    المقصود ان حتى المسلم يخطأ ويضعف ايمانه
    فلمذا ننظر للعاصي على انه مسلم غير حقيقي؟؟

Leave a Reply

Your email address will not be published.