شو قصتو لحنضله؟؟؟

حنضله هاد الزلمه راح يجنني ..بس نفسي اعرف شو قصتو شو مالو ..من شو زعلان
شو واقف بسوي من زمان بستنى باص متلا؟؟
ليش دايرلنا ضهرو ومو سائل عن حدا.هو قليل ادب يعني مش عامل قيمه لحدا؟

طيب كيف شكلو كيف ملامحو وجهو منخارو عنيه تمو؟

حليوة ولا لأ؟؟ هلأ هو اصلع مزبوط وله عليه كمن شعرة؟؟؟

هو شو اسمو حنضله وله حنظله؟

طيب ليش بنطلونو كتير كبير يعني هو فقير فراح اشترى بنطلون فضفاض مشان يضل يخدم معو اكتر؟

شو ترتيبو بين اخوانو ؟هو اصلا الو اخوان الو ابو وام؟

بنطلونو مرقع ما بعرف ليش

مرات بلوزتو من كتفو مرقعه كمان

حنضله ما بتعب من الوقفه؟؟؟ ما بتدايق من دخان السيارات لما يلزقوه على خلفية السيارة؟؟

ما بلبس ساعه بايدو يعني هو ما بعرف للساعه؟ وله الوقت بالنسبه الو بلا قيمه؟؟

ما بجوع ما بعطش؟؟؟

بحب اكل المطاعم اكتر وله اكل البيت؟؟

ما عندو شي يلبسو برجلو طيب ليش؟؟

قديش عمرو شب كبير وله ولد مو مبين مهو دايرلنا ضهرو

حنضله بعرف يحكي ويقول اللي ببالو

في اشي ممكن يخليه زعلان كل هالقد؟

هو شو جنستو ؟؟ اكيد عربي

من اي عيله

من اي عشيرة؟

طيب حنضله؟؟

قتح وله حماس

15 thoughts on “شو قصتو لحنضله؟؟؟

  1. eNASTaisir says:

    walahi fe3lan amor mtheer lel jadal
    thanks anas its the first time i know his name 7andalah,
    Actually i see him alot but i guess he just a sign ramz lasha3’leh nefsi a3raf eash hee,
    Actually he reflict the sadness and depresion that what i feel!!1

  2. Amjad Wadiِ says:

    واقف بستنى بالأمة العربية يمشي فيها الدم و تتحرك

  3. محمد مصطفى الدبور says:

    حنظلة شاهد العصر على جريمة العصر الحديث
    معلش بكرةالشاهد بكبروبحكي الحقيقة اللي ما في حدا ساخي يحكيها
    !!!!!
    يعطيك العافية

  4. eNASTaisir says:

    and why we have to wait 7andalah to tell actually there is alot who can say and talk,
    but truly he is good idea!

  5. @ !\! o o o $ says:

    nosa!!!:ما كنتي عارفه شو اسمو؟؟؟
    اهااااااا مشان هيك زعلان!! هههه عارفة مع مين علقتي
    وهي الاخ محمد الدبور حكالك لشو برمز وليش واقف
    بس انا اللي بعرفو انو بمثل معنى لللاجئ الفلسطيني

    امجد:والله يا امجد انو الشعوب العربيه فيها خير فوق ما ببتخيل سدقني لكن الفساد وقلة الضمير جاي من الرووس الكبار
    واقف بستنى راس كبير يقوم عن الكرسي مشان يقعد محلو واحد شريف

    محمد:قول انشالله

    الله يعافيك

    nosa:خلص بكفي رديت عليكي رد فوق
    ليش الطمع :p

  6. محمد مصطفى الدبور says:

    بس إذا بتسمحولي أزيد على التعليق تاعي ب:حنظلة رمز بحتمل أكثر من وجه كل منا بشوفه من ناحية لكن في النهاية اذا جمعنا الصور يلي بمخيلتنا رح نعرف شو يعني حنظلة صح! أبدع الشهيد ناجي العلي بجعل حنظلة الرمز اللي ناس بتحكي انه شاهد العصر وناس بتحكي انه اللاجئ وناس بتحكي انه الابن الأول للنكبة اللي طلع من أرضه واطلع عليها من بعيد بتأمل لحظة الرجوع وما زال بتأملها !! وناس بتحكي انه طفل المأساة اللي تشرد وجاع وتعذب ببيروت وبمصر والاردن وبكل مكان هو الطفل اللي عانى فعلا من كل شيء! كان الكيان الصهيوني والقوى الامبريالية من امريكيا وغيرها وراه
    حنظلة ربما يكون كل طفعل عربي و كل ضحية وووووووو إلخ لأنه الرمز دائما يحمل أكثر من وجه
    يعطيكم العافية

  7. @ !\! o o o $ says:

    لك تسلم الاصابع اللي طعجت البكابورد وهي بتطبع هالتعليق
    يمعلم انت كنز
    ومدونتك؟؟؟؟
    فش اشي بقدر احكيه او اعبر فيه
    الله يعافي عمرك

    اه صح مدونتك اكتر من رووعه

  8. eNASTaisir says:

    Yea now i have the idea and what 7andalah mean,i actually i didnt knew what he is ,or for what,,,
    bs nsh heek ya annos hayni 3reft esmoo bs ba3doo z3laan 😛

  9. @ !\! o o o $ says:

    حنضله خلص وحد الله هي نوسا اجتك وبدها تعمل معك صلحه بلاش تفشلني وتفشلها
    يالله قومو بوسو شوارب بعض واخزو الشيطان وارجعو حبايب

  10. العبيط says:

    حنضلة هو
    فتح ولا حماس

    سؤالك استنكاري ملغوم جدا

    و اللبيب بالاشارة يفهم

  11. @ !\! o o o $ says:

    عبيط:انا لما سألأت هالسوال سألتو بلسان واحد جاهل بستفسر عن الشخص اللي اسمو حنضله الاجوبه معروفه لكن فكرة وخطرت
    انا ما اقصد بسوالي غايه خبيثه او اي شي
    انا بصراحه بتمهزئ على الواقع اللي صاير والتفرقه اللي طالت كلللللللللللللللل الشعب الفلسطيني

  12. eNASTaisir says:

    walak Anoos ana bafrjeeek,
    mn ween laween 3shan abosoh…lol 😛
    walahi 7ashashet mn eldo7ok
    :D:D:D:D

  13. Anonymous says:

    http://najialali.hanaa.net/whonaji_2.html
    حملت بحنظلة إلى الكويت … ولدته هناك ..خفت أن أتوه ، أن تجرفني الأمواج بعيدا عن مربط فرسي فلسطين …. وولد حنظلة أيقونة تحفظ روحي وتحفظني من الانزلاق….

    لم أسع من خلاله للتميز… فهو في العاشرة وسيظل في العاشرة حتى يعود الوطن ، عندها فقط يكبر حنظلة و يبدأ في النمو ” و كان يقول عنه أيضاً ” هذا المخلوق الصغير الذي ابتدعته لن ينتهي من بعدي بالتأكيد و ربما لا أبالغ إن قلت أنني سأستمر به بعد موتي”
    darkrain

  14. @ !\! o o o $ says:

    عمو ضارك كيفك
    جد حنضله عمرو عشر سنين؟؟؟
    مين كتبو هالحكي
    الي رسمو؟؟

  15. ؟؟؟؟؟ says:

    ولد حنظلة في العاشرة من عمره، و سيظل دائماً في العاشرة ، ففي تلك السن غادرتُ الوطن، وحين يعود، حنظلة سيكون بعد في العاشرة، ثم سيأخذ في الكبر بعد ذلك … قوانين الطبيعة المعروفة لا تنطبق عليه، إنه استثناء لأن فقدان الوطن استثناء ،.. وستصبح الأمور طبيعيةً حين يعود للوطن.
    ناجي العلي__

Leave a Reply

Your email address will not be published.