سنه بعشره

سنه والله مو محسوبه من العمر هم وقلق وسهر طبعا مش على الدراسه
دخان وقهوة وبهادل ولحيه مش محلوقه
طيب ليش هيك التوجيهي ؟؟؟ليش هو مقياس نجاحك بحياتك
طيب انا شو ذنبي اذا وقعت بسوء الاختيار متل اغلبيه الطلاب
طيب مش المفروض يكون في توعيه للطلاب عن طبيعه الفرع اللي بتختارو
قبل ما تتخذ قرار عشوائي كرمال يقولو الناس هيو علمي مش صناعي متلا؟؟؟
***************هبل بلاش منو**********************
انا الفرع اللي اخترتو كان ادارة معلوماتيه هاد بعد ما فهموني انو هاد الفرع عبارة عن كمبيوتر وبرمجه وهاد الشي اللي بعجبي
بس للاسف طلعت لا الها دخل بالكمبيوتر ولا حتى فكرة بسيطه
كلها عبارة عن مهارات اداريه من دول بره وعليم الله انهم هناك ما بطبقوها كمان
هلأ هيك هو التوجيهي بس تعبي راسك بافكار ومعلومات ما بتفيدك بحياتك العمليه
كم واحد اشتغل بشهادتو؟؟؟؟؟
5
6
7
بالله يمعلم شو معك شهاده؟؟؟
معي شهادة ادارة عمال 🙂
وطيب ليش شغال بالطوبار؟؟؟؟
والله يخوي تخصصي مش مطلوب بالبلد بس بره
طيب ومتطلع بره
وين عالبرنده يعني؟؟
شو بتتخوث؟ قصدي متطلع تشتغل بشهادتك بره
ههههههههههههههه مفش مصاري
اضحك وله ابكي؟؟؟؟؟

10 thoughts on “سنه بعشره

  1. Bos6ar Gadeem says:

    looooooooooooool

  2. Bos6ar Gadeem says:

    Wag roo7 igra w jeeb mo3adal foot jam3a a7sanlak .. ma khalas ikhtart il fir3 il “inti7ari” w ra7at 3aleek .. yalla shid 7eelak khayooo

  3. هاي انس كيفك .. انا انس بحكي معك من امريكا

    انا ما بدي احبطك بس تخصص الاداره العلوماتيه هدا عباره عن مقلب! نعم مقلب الوزاره ضحكت على الناس فيه مشان تخفف الضغط عالعلمي والادبي

    بس المشكله ان الناس عنا بالاردن استيعابهم بطيء وبصدقو اي اشي بتحكيه الحكومه ..
    يعني هدا التخصص ما الو شغل لا جوه البلد ولابره .. ما بعمرك تفكر ان الشركات بالخليج او بامريكا رح توظف واحد لان معو توجيهي اداره
    بعدين انا زي ما فهمت ان انت معك جنسيه سوريه .. نصيحه لله ادرس جامعه بسوريه لان سمعة الجامعات الاردنيه الان تحت الارض بل بالعكس صارت الدراسه بالاردن شبهه

  4. خريجة2007 says:

    وأضم صوتي معاك ^_^

  5. 36o0o0oR (^_^) says:

    bos6ar:مهو هاي المشكله اني اخترتو وخلص ويا ويلي على الجامعه بس اوصلها والله لاعجب
    انتحاري نعم وموتت اهلي معي كمان
    سوال خارج الموضوع
    حرام الواحد يلاقي مليون ليرة؟؟؟؟

    anooos:والله كلامك 200 بالميه مزبوط بس خطه الحكومه فاشله وقلبت عليها هلأ رفعو معدلات الجامعه للتخصصات تبعت الادارة لانو بطلت الناس تسمع باشي اسمو علمي ولا حتى ادبي كلها صارت ادارة
    مممممممم بالنسبه للجنسيه السوريه هي مش معي لا بس انا اصلي سوري الرووت يعني بالانجليزي
    هيني بعرف انجليزي 😛
    بس تصحيح لمعلومتك الشهاده الاردنيه اقوة بميت مرة من السوريه
    بس مش ادارة معلوماتيه طبعا

  6. 36o0o0oR (^_^) says:

    bdwya:لسه عم برد على بسطار وانووس قمتي ضفتي تعليق صدفه اخت شلن
    وشكرا على صوتك
    بس مافي حدابسمع 🙁

  7. طيب يا استاذ انس
    خليني احكيلك بعض الحقائق
    1- في اخر تصنيف دولى للجامعات في العالم لم تحل اي جامعه عربيه ضمن اول 500 جامعه في العالم
    2- اول جامعه في الاردن حصلت على ترتيب 29 عربيا !! و 1223 عالميا
    3- انا الي في امريكا فتره طويله انتقلت فيها بين الجامعات الامريكيه بحب احكيلك ان الاردن كلها على بعضها الناس هون ما بيعرفوها فما تفكر انك ازا لاحت عامريكا وحكيتلهم انك خريج الاردن رح يوضفوك
    3- الاشي الاهم مشان تشتغل هو الخبره العمليه و مقدار الجهد اللي انت بتبذله لتطوير نفسك بغض النضر عن الجامعه اللي انت تخرجت منها
    4- البيئه الدراسيه الان في سوريا افضل عشرات المرات من بيئة الجامعات الاردنيه اللي صار معظمها ملتقى لابناء الشوارع طبعا شكرا للموازي والمكرمات اللي دمرت التعليم وسمحت لعاهات يدخلو الجامعات
    5- نصيحتي الاخيره الك ادرس بتركيز وخلي معنوياتك عاليه انا ما بنكر ان التوجيهي كان اسواء سنه بيحاتي .. بس كلها سنه وبتعدي

  8. 36o0o0oR (^_^) says:

    اها انت ادرى مني اوكي
    بس شو المشكله هووون انو الواحد ما بوعى لهاي الامور الا بعد ما يوقع الفاس براس او حتى مش ممكن تدخل راسو الا بعد ما يجربها ويشوفها واقع قدامو
    اما بالنسبه للدراسه بسوريا يا عمي انا اروح قبري ولا اروح سوريا هيك بكرهها من الله
    لا عمو نارك يا اردن ولا جنتك يا سوريا
    ويااااااااااااااااا هلا بيك

  9. “لسه عم برد على بسطار وانووس”

    ايش هدا يا انس .. اسمي والبسطار معطوفين على بعض .. ما اتوقعتها منك

  10. 36o0o0oR (^_^) says:

    ههههههههه لا يا كبير حاشاك
    بس انت فوت عندو لبسطار والله ليعجبك

Leave a Reply

Your email address will not be published.