راديو وله شفير؟؟؟

من كل المخلوقات اللي على وجه الارض ما شفت ناس كتيرين حكي متل شفرية التكاسي .بتطلع معو يا اما بتلاقيه ارنب عند مرتو وبحكيلك انا النسوان ما بطلعو معي براس .او بتلاقيه مريض نفسي وبحكيلك انا حلال مشاكل والكل برجعلي.او بتلاقيه بخاف من خيالو وبحكيلك انا ظربت 2 شرطه عالضوار_دوار بلغة شفير التكسي_ كانو بدهم يخالفوني ..اسد يا سيدي

. والمشكله انو مستحيل يسكت طول الطريق على بطولات ومذابح وكاني بتفرج على ام بس سي اكشن

طلعت مع واحد حكالي قصة مرتو كيف بتتناقر مع امو طبعا على كلامو مزعها كف خلاها تعبد امو

وواحد غيرو مبين عليه زلمه بالاربعين وبحاول يقنعني انو عمرو ستين وكان دكتور بالجامعه الاردنيه وتعرف على طالبه وتجوزها

والتالت بحكيلي انا حشاش ومقلع وما حدا بقدر يتطلع فيني تطليعه

واخر كان مليونير ونصبو عليه اخوانو واعطو تكسي مشان يشتغل عليه

وغيرو محلل سياسي ودكتور نفسي خبير بامور الاقتصاد والسياحه ومن جميعو

وواحد تاني نغش للسما قضى الطريق على نكت بايخه متل واحد لف اللفه انطعج وامثالها وقد ما قهرني ونقر مخي كنت بدي احكيلو نكتة شفير التكسي والولد الزغير بس قلت بلاش يزعل وينزلني من السيارة

بس كل واحد من هظول الزنخين بسألو ليش طيب انت شفير تكسي بحكيلي يا عمو انا زلمه تعيب وبدي اكسب بالحلال والبلد بطل فيها شغل حلال_عأساس انو شفير التكسي اللي نازل بهالناس غيبه شغل حلال_ما شاء الله عندهم اخلاق ومبادئ

بس بالمقابل قابلت شفيريه فعلا فهمانين وما عندو حركات الهبل والكذب يعني ان حكى ها ان بسألني على اليمين وله على الشمال؟؟؟

طيب اذا الزلام هيك كيييييييف لو يسيرو النسوان يسوقو تكاسي كمان شو بسير ومعروف انهم ما بتنبل بتمهم فوله ولا اشي اكيد راح ترخص السيارات ويسير الديزل ببلاش مشان ما حدا يطضر يطلع مع تكسي xD

0 thoughts on “راديو وله شفير؟؟؟

  1. sweetlikearose says:

    كالعادة … جد تحشيش من الاخر عمو .. لووووووووووووووووووووول عليك .. يعني واحلى كلمة : اسد يا سيدي .. ههههههههههههههه وطيب وين هاي المواهب ما بتطلع ؟؟؟؟؟؟
    :: واحد مستغرب للسما ::

  2. 36o0o0oR (^_^) says:

    الله يخلف على اللي دلني على هالموقع جد انو اسد او بالاصح لبؤة 😛

  3. خريجة 2007 says:

    nice keep going
    انا بدوية غيرت الموقع شنو انزقطنا 🙂

  4. 36o0o0oR (^_^) says:

    اهليين بدويه طيب اغير الهايبر عندي على اليمين وله اعتمد على التعليق مشان افوت على موقعك؟؟؟؟؟ ومين هاظ اللي زقتك؟؟؟

Leave a Reply

Your email address will not be published.