حياتي كمبيوتر
July 1st, 2009 | 
Author: 
دائما على نااااافس الموال مستحيل يوم يمر من غير ما اخدلي جرعه مفرطه من القعده على الكبميوتر,بتبدأ بكاسة قهوه وبتنتهي بقوم عالنوووم بكرا عندك شغل والوقت تأخر.
فحتى مرات بقول طيب انا هاليوم شو كنت اسوي على الجهاز والله حد علمي فتحت المسنجر! اه وشو بعدين شيكت على الايميلات ونكشت مخي على لطفي شوي بعدين فتحت موقع اخوي تفرجت على الجديد هيك يعني حركه خمس دقايق وبعدين قمت تزانخت على حدو شوي ورجعت على الجهاز وفتحت لعبة باتل فيلد واخترت العرب وطخطخت الامريكان ونعنت ابو سنسفيلهم, بعدين بسكر اللعبه اللي حد علمي قعدت عليها ربع ساعه بس..شو هي الربع ساعه؟! مو كثيره صح؟
وبعدين بفتح موقع جوجل وببلش بحث على شغلات انا مو عارفها ولا يمكن استفيد منها حتى يعني بدور على اصل كلمة سنسفيل او بكتب كلمة منتجع الكتراز قبل ما انصدم بالمعلومه اللي بتحكيلي ولك هاذ سجن يزلمه!
او اني بفوت على شات اجنبي وبسير اقلدهم شو بيحكو
Asl
20 m jo
Hi
Bye
Go away
طبعا لما احكيلهم جو بفكروني واحد مهسهس عايش بالاسكا..لانهم بفكرو الكره الارضيه فش فيها غير اميركا وبريطانيا ومصر وفلسطين.
بعدين برجع على الجوجل وبعمل print screen وبسير احرف واتخوت .
طبعا السرفيس فوق راسي شغال, على قولة شو بدك تاكل شو تشرب شو انوووس بعدك عايش ؟؟
بعد هيك بفتح الفوتو شوب وبسير اخبص مثلا بركب راسي على جسم واحد ازعر ومشطب او بجيب صوره مثلا فيها مجموعة شباب وبقص اكبر وجه فيهم وبركبه على الباقي.
اخر شي بفتح على شات عربي وبصيدلي ايميلن ثلاث وبضحك عليهم وبحكيلهم انا بنت غنيه كثير وعندي املاك وعقارات واشي بهبل ومشان اركب الفلم صح بحكيلهم انا غير مرتبطه بحدا..
وبحطهم بلوك لوقت القطعات ..يعني بركدا بركدا ما ضل اشي اتسلى فيه؟! وعلى سيرة بركدا كمان بحثت عن اصلها بجوجل الصور وطلعلي اول نتيجه صورة كتاب اسمه الفيزياء المسليه والثانيه صورة قشاطه..!
وكلو كلو هالحكي بلشت فيه الساعه خمسه ونص طيب والساعه صارت 1 ونص ليش؟ وانا كل اللي قعدتهم نص ساعه بس.. يعني يا اما ساعتنا غلط او انها غلط ساعتنا.!
أو انا عيشتي غلط,كل الاحتمالات وارده.!
Posted in 
Tags: 
facebook comments:
![[سيارات] مقطع جنوني لعرض قيادة سيارة سوبارو امبريزا](http://www.anosyat.com/wp-content/uploads/2012/01/subaru_impreza-7157.jpg)
ما بعرف ليش الوقت بمشي طيران وانا عالنت
فجأه بتصير الساعه 2 الصبح و تاني يوم عندي دوام
بس اكيد ما بمشي بنفس مغامراتك اليوميه عالنت
بس في اشياء متشابهه زي الجوجل
كتير بجرب اشياء ما الها معنى عالصور بالذات و دايما بطلع اشياء نهفات
ياااااااااا سلاااااام وانا برضه كمان بس الفرق انه في عندي ناااااس دايما لاحقيني بدهم يقعدوا ع النت لذلك بحاول ما اروح هون ولا هون او اجرب اشياء متل القوقل لانه وقتي ثمييييين ههههههه وانت انووس عارف مين الناس الي لاحقيني صح؟؟ ههههههه
يسلموووووووا يا انووس على المواضيعع الدايما فززيعه وحلوة
بيني وبينك الكمبيوتر داء لما يصيب الانسان صعب الخلاص منه
إدمان زي حالاتي
الله يشفينا جميع!!!
التصميم الجديد عاجبني كتير رايق:)
whisper
الحمد لله..الحمد لله ..طلعت مش مجنون انا
كنت افكر فش حدا زيي ..بس بتعرفي ؟ شكلك بتقعدي على النت كثير..مشانك ماشالله عليكي حركتك ملحوظه بين المدونات .
يا ستي المهم.. كيف دوامك اليوم؟
علووووش الفززززيعه
يا عيني على ام وقت ثمين..وجماعتك بعدهم زي ما هم؟
بعينك الله ..اسكني بهاواي هناك ما حدا بيحكيلك يلا قومي هلأ دوري
سوزاااااااااااان وين هالغيبه؟
الحمد لله على سلامتك..بعدين مش لازم الداء يصيب الناس مشان يتذكرو يسلمو على بعض
اهلا وسهلا فيكي والله يعافينا من الدائات والشغلات اللي زي هيك
مياسي وانتي كمان؟؟
ليش انا ماخد فكره انه بس الشباب عندهم ادمان نت وكمبيوتر؟
قولتك الله يشفي الجميع
وشكرا الك ..فعلا الستايل هاد “الى الان” مناسب ومتناسق مع الاضافات ومع اصدار وورد بريس الجديد
يا رب اثبت ادعولي بالثبات
على القالب يعني
اخر شي بفتح على شات عربي وبصيدلي ايميلن ثلاث وبضحك عليهم وبحكيلهم انا بنت غنيه كثير وعندي املاك وعقارات واشي بهبل ومشان اركب الفلم صح بحكيلهم انا غير مرتبطه بحدا..
بتذكرني بعمالي انا وانت و لوي
ههههههههههههههههههههههههههههه
طيب انا شو اعمل بحياتي يا انوس كل حياتي النت انت عارف
و بالاخر بعين الله