شكلت بكلت,أم السوالف
August 11th, 2009 | 
Author: 
وتستمر مسيرة الناعق الشهير عمر العبدلات المحسوب علينا فنان أردني و المتصدر للمرتبه الأولى للأغنيه الأردنيه الوطنيه.
وبما أن الحكومه الى الان لم تفرض اي ضريبه محدده على صف الحكي, فقد انتهز الفنان فرصته بالتوحيل المفرط في اغنيته الجديده شكلت بكلت وتحقيقا للمثل القائل “الحكي ببلاش” فقد وجدها الفنان فرصه مناسبه ليخلط الشكل والبكل والطعن بوجعة راس جديده يتصبح بها الشعب الأردني مرغما في باصات النقل العام والسرافيس المذعوره من شرطة السير.
في الحقيقه انا من أحد مشجعي الأغنيه الوطنيه بل حتى اني من متابعيها, الا اني أجد ان البعض منهم قد جلب لها سمعة لا تستحقها أمثال ( ابو احميد) المغرم بأم السوالف ومنديلها صاحب الأوصاف الغريبه !
الى الأن ورغم كل الانتقادات اللتي وجهها له الكثير من النقاد والمدونين ما زال الأخ متمسح ويرفض تحسين مستواه الفني ويصر على التخبيص في كل أغنيه برأيي انها فاشله من لحظة ما لمعت الفكره برأس احد القائمين على هكذا فن.
الان اتسائل هل يمكن أن استغل انا الثاني فرصة غفلة الحكومه عن فرض ضريبه على صف الحكي وأوصف الفنان بما اشاء من الكلمات!؟
لكني سأحاول أن أجد علاقه تربط كل كلمه بأخرى حتى لا أقع في نفس الخطأ.
سأقول:
تمساح انت حمار نعيق…زفير جعير صراخ شهيق
غراب أسود يحلق بالسماء…يرعب الطيور يلوث الماء
صوتك نقمه صوتك عناء…صوتك مرض بل حتى وباء
الأن وبكل بساطه سأعرض كلماتي على أحد الملحنين ثم أروج لها في الاذاعات المحليه وأصدر ألبومي الأول “أكلت راسنا” ومن ثم اشق طريقي نحو النجوميه ,بالطبع سأشتري نظاره كبيره وبدله شبابيه وقلم مطبوع عليه اسم استوديو انتاج ضخم تحسبا لتجمع المعجبين حولي وهم يلوحون بدفاتر مذكراتهم ويطلبون مني توقيع لم اخترعه الى الان.
هكذا أكون قد حطمت سمعة ( أبو احميد ) وأخذت لنفسي مركزا مماثلا لما هو عليه الان, وربما صرنا انا وهو نخوض معركة (راب) ضد بعضنا البعض, لأني أظن ان الراب هو النوع اللي بيلبقله والمجال اللذي سيبدع فيه بالتأكيد, ولكن عليه أن يميز نفسه عني بأن يشتري تي شيرت يتسع لفرقة كامله وبنطلون واسع ممتلئ بالجيوب وحذاء ابيض وبعض سناسيل الفالسو المطليه بالذهب وطاقيه جميله وعليه أن يتدرب على كشره صناعيه غير تلك العفويه المعروفه لدينا نحن الأردنيين.
وتشتد المعركه بيننا وسأنسحب في نهاية الطريق لأني لا أملك من يشد من أزري ويدعم فني المنافس,بالمقابل سيكون (لأبو حميد) الكثير من الداعمين بل سيتسابقون لرعاية البوماته الجديده , وأعود هنا حيث أنا الان اتصفح الانترنت باحثا عن أخر اخبار الفنان المنتصر وربما سأغير رأيي في أدائه واصير واحد من جمهوره,طبعا هذا بحال أن تحقق كل ما كنت أتحدث عنه بالسابق.
ثم لم يبقى الا أن اشير الى أن هناك اغاني احبها فعلا ولا اعتبرها جعيرا , مثل يا بيرقنا العالي لفرقة اللوزيين وأغلب اعمال الفنان ماجد زريقات وأغنية جنه جنه كلها اغاني فعلا جميله تعبر عن بسالة الجندي الأردني ورفعة هذا البلد الطيب ولا أفكر أن أحط راسي براس واحد من هذول الفنانين لأني أعرف أني لن أنتصر في النهايه وسأكتفي بالإستماع والدندنه فقط.
Posted in 
Tags: 
24 Responses to “شكلت بكلت,أم السوالف”
أتــرك تعليــق
china earth free earth to flash games jordan s Uncategorized [ جـذاب ] [نهفات] أردنيات أرقام السرية للعبة gta اسلام اسلاميات الاردن الاردن اولا العاب العاب أطفال العاب فلاش اناشيد انترنت انوسيات برامج بنك ترفيه توأم هناي توجيهي ثقافات جذاب حقائق دجاج دستور الاردن رمضان سيارات شيك صور صور وتعليقات فلاشات فن كشره اردنيه مدونات موقع جذاب ناس نكشة مخ نهفات اردنيه
WP Cumulus Flash tag cloud by Roy Tanck requires Flash Player 9 or better.
بصراحه كل مره بشوف دعايه البومه الجديد
و بسمع الكلمات ما بحكي غير كلمه وحده
هاااااااااااااا
مش فاهمه ولا كلمه من اللي بحكيه
ايش…مين….ايش في!!!
والمشكله بالدعايه بكتبو الكلمات علشان عارفين ان الناس ما راح يفهمو
ومع هيك ما فهمت اشي :$
كاااااان الو اغاني حلوين ومن يوم الاغنيه اللي بوادي رم اللي فيها بنات هاي وهو بالنازل
الحمدلله انك ما سمعتنا أنا وأختي واحنا نناقش اننا بنحب هاي الأغنية ؛)
هو بصراحة أنا بحب أول مقطع منها لما يحكي الكلمات بسرعة والواحد ما يفهمش اشي وكمان بحب لحنها…أما لما يصير يحكي عن العظام والروماتيزم والجثث بفهمش مال الأغنية.
كنا أنا واياها منحاول نفهم الكلمات اللي بحكيها بسرعة …بعدين اجا أخوي وعبر عن مدى كره لعمر العبداللات والأغاني اللي بغنيها وانه شو هالتخبيص…حتى امبارح كنت بحاول أتذكر الكلمات ولا البنات بقولولي انهم ما بطيقوا هالأغنية وانه يعني أسكتي …واليوم بالباص سمعناها فصرت أضحك عليهم
عالعموم ..أنا بسمع الأغنية عادي .. بس انتو شكلكو رح تغيروا نظرتكم إلي من اليوم ورايح
اخررررررررررر ابدااااااااااع للمصرووع الكريه عمر العبدلات جد خرب حاله ودمر صوته بهالاغنيه النشاااز
يعني بس بلبقله وطني وبصراااحه حلوين اغانيه الوطنيه ربنا الله بس احياناا بطلع بباله انه ليش الي بيغنوو اغاني غبيه وكلامها مش مفهوم احسن مني لا والله فشروو وهي اغبى اغنيه رح تدمرهم والحمد لله دمرته هو لحاله ههههههههههههه واضني رح تدمر مستقبل هالميكي ماوس ههههههههههههه
يسلمووو انووس على الموضوع الحلو وعادت المياه الى مجاريها بحمد لله ههههه
ما باعرفه وما عندي استعداد كمان بس جد الكمات تنفع اغنيه انا من مشجعيك
طيب مش هاي الاغنية نفسها
تبعت
البيضا الخضرا السودا الحمرا ال الماعة ؟؟؟
يا الله شو بيجي على بالي اكسر الباص والشفير لما اسمعها
نحنا داعمينك يا راب .. يلا بلش بالنهضة الفنية تاعتك .. هاي وي وي كمان معك
ممكن انكم تعملو دويتو مع سوا
كان اله اغاني حلوه؟؟
هااااااااااااا؟؟
صراحه ما بعرف يمكن كنت يومها أكبر همي بكيت الشبس
ما بتذكر انه كان في اغاني حلوه بغنيها
يمكن بس هاشمي هاشمي
مش عارف هي اله؟؟
شو شو بتسمعي لعمر العبدلات؟؟
خلص تحكيش معي
عاااااااادي يا دريمي اسمعي للبدك اياه هو مين زعلان بس بتعرفي شكلي بده اطقعها صحبه مع اخوكي
مياه ومجاري
لوووووووول
حاس حالي سايق تنك نضح
بس بتعرفي ولا حتى وطني ولا بلبقله كلمة صباح الخير لما يقوم الصبح من النوم
ميكي ماوس هههههههه
يا بت الكلمه دي جامده أوي
انتي ما بتعرفي الاغنيه ولا ما بتعرفي عمر العبدلات؟؟
ولاو سوزان وهل يخفى البقر؟
بس كيفني معك بالله ما انا فنان من الاخر؟
بس أحزري شو
اخترت لحالي اسم شهره من هسه
أنس جعيرات
وبدي همتكم بالحمله انا ملييش غيركم
ayoooooooooooooooooon
يعني
ايوووووووووووووووون
يم التنوره الخظرا البيظا الكحلي النيلي ال شو اسمو الازرق ال ال ال
اللمااااعه ردي علي بلا سقاعه
سقاعه ماخدها من واحد صاحبي
الحقوق لا تعود لأنس جعيرات
اسم الشهره زي ما كنت اقول لسوزان
وتشيف الهمه؟؟ والمعنويه؟؟
هههههههههههههههههههههههه
وربي ضحكتني انوس
هدي عالراجل شوي
ههههههههههههه
تمساح انت حمار نعيق…زفير جعير صراخ شهيق
غراب أسود يحلق بالسماء…يرعب الطيور يلوث الماء
صوتك نقمه صوتك عناء…صوتك مرض بل حتى وباء
يا خي شو هالإبداع وين المتنبي عنك -
انا عمري ما سمعت للعبدلات ولا حبيتو , حتى في رسام كاريكاتور اسمو عمر العبدلات تبع موقع على راسي كمان كرهتو من ورا عمر العبدلات الي عامل حاله مطرب
لولا ما بكتبو كلمات الأغنية بالدعاية ولا ما عرفت شو بحكي، مع ذلك ما فهمت منه شي، شكلة وبكلة وطعن وسوالف
كله هقايص
بعين الله
it looks like all of yous knows nothing about music . it feels like all of yous came from diferent plant ,since when omer abdlat is bad singer i think this all crap and non of yous knows what he is talking about. it just become fashin for yous to have web site and to say things in it, 4 god sake all of you stop talking rubsh and go get live.
اهلا ابو الفووز …خليه هو يهدينا بالاول
:p
اي مهو فتح براسنا مجمع تجاري..بطلعناش ندافع عن حالنا شوي؟
أهلا بالغالي
بس بتعرف حتى الرسام عمر العبدلات بحس انه كاركتيراته ما الها طعمه وما وصلت لابداع عماد حجاج
منحوسين هالجماعه
بعدين المتنبي مش من قليل مات ..شفتني كيف وانا مسيطر على الساحه
شكرا الك زيارتك بتسعدني والله
ههههههههههههههه صح؟؟ شفت كيف بكتبوها؟
وانا كمان نفس الشي صابني حول وطول نظر وقصر بنفس الوقت
هاد غير الاسهال والامساك كمان
كلها تناقض يا عمي الدنيا بطل الها دخل ببعضها
تع نعمل حفلة مشاوي؟
!!
اه يا لوك لايك انت
اول شي لقتت انتباهي لنقطتين
أول وحده انك عاص على حالك كثير وكاتب جوردانيان
وأهل الاردن المفتخرين بحالهم بيكتبو عربي لأنها لغتهم وأصلهم
ثانيا بما انك بوي فأسمحلي أخاطبك بهالاسم
اه يا بوي اول شي هاد بضل رأي خاص فيي انا وباللي اجو يعلقو عندي
يعني مشان الجماعه ما حبو عمر العبدلات هذا ما بيعني انهم ما بيفهمو اشي بالفن والموسيقى
والموقف اصلا مش متحمل مجاملات
يعني هي دريمي قالت انها حبت الاغنيه
طيب وشو المشكله ضحكنا وانبسطنا ولا بهدلتها ولا بهدلتني الوضع تمام وما بده تعنفص كثير
ولما والدك الله يديمه يقرر يشتري شبكة الانتر نت ساعيتها بتيجي بتحاسبني على اللي بكتبه هون وبتحكيلي شو اللي بصير وشو الممنوع
يالله عمو بوي اللي مش عاجبو يروح يشوف اشي من مستواه يقرأه وينبسط عليه
جديد..
على موقع جذاب
فيديو كليب لا تنسى ابداً ذكر الله للنجمين محمد بشار وديمة بشار
http://www.jzaab.com/videos-action-show-id-477.htm
Reply to this comment
الاخوان اكيد من الصنف الاخر على كلا الي مايطول العنب حصرم عنة يقول وعمر العبداللات لا يقيمة امعات امثال الذين لا يعلمون ورغم انوف الحاسدين والذين لا يعلمون امثالكم هو صاحب الاغنية الوطنية الاول وبلا منازع رغم انفكم ايها الحاسدون
عمر العبدلاّت معاني أغانيه الوطنيّة والأداء واللحن بصراحه إبداع وأشعر أنِّي في الأردن حين أستمع إلى تلك الأغاني من قِبَله
أمّا صوته فهو مناسب لتلك الأغنيات أكثر بكثير من الأغنيات الأخرى العاطفيّة أو بالأصح ذات الإيقاع الموسيقي الهاديء
لكن لا مانع من أن يجرِّب المطرب أداء كل الأولوان ويحاول أن يرضي الأذواق
ورضا النّاس غايه لاتدرَك
ولا أحد يسلم من العيوب والانتقادات
وشكلة بكلت كما ينتقدونها أنّها مجرّد صف كلاك
برأيي تلك أغنية شعبيّة لاقت رواجاً ونجاحاً لقربها من الآذان الأردنيّة والبيئة الأردنيه ولا أرى أنّها سيئه يعني كأغاني للرقص والفرفشه وتغيير المزاج
يعني افترضوا هيفاء وهبي أو نانسي بتغنيها بصوتها وبرقصوا ساعتها ما راح يكون اعتراض ؟!
إذاً خلي عمر العبدلات يغني بوس الواوا
اهلا وسهلا
رأيك مرحب فيه وبشده
ويااااااااااااا مليون الف مرحبا
كون الاغنيه ما عجبتني هاد لا يعني اني لازم افرض رأيي على باقي الناس واقنعهم انه ناعق فاشل
كل شي واضح ومافي داعي احاول اسلط انتباه الناس على الفشل الي طال عمر العبدلات
بصراحه لحد اللحظه انت او انتي رابع شخص بلتقي فيه وهو معجب بعمر العبدلات اما الباقي ذم بذم
وبصراحه كلو على بعضو ما حبيتلو غير اغنيتين ..اهل الهمه .. وهدبتلي الشماغ الاحمر
لسبب واحد بس
الكلمات القويه والمعبره
اما بالنسبه لبوس الواوا وبوس الماما
انا مش من الي بيسمعو اغاني راقيه لأسمع لحثالة مثل هيفا وشلتها
اما اذا عندك اعتراض فهاد رأيك كمان
أهبل اهبل اهبل اهبل
بتمنى من عمر العبدلات يمسك ايدك يوم القيامه ويروح يتشفعلك عند ربنا ويقولو هاد الأهبل كان يحبني قيا ربي دخلو الجنه
وبالنسبه للأمعه بتعرف شو معناها يا عبيط ؟؟
دور بالنت وشوف مين الأمعه
بس ملاحظه لكل الي بيقرأو الموضوع
انا من هواة الاغنيه الوطنيه الاردنيه لكن مش عمر العبدلات ولا العاهات امثالك وامثاله
امسك بأيد بوي الاردن وارمح وراه على أقرب مزبله او اي شي من نفس القبيل
لي موّال من اداء المنشد احمد عبد الستّار بعنواك (( محلاك يا أردن )) ولو ضغطتوا على الياهو باسمي ( زينب عمر الصليبي ) موّال محلاك يا أردن ستجدونه
أرجو أن تستمعوا إليه وتستمتعوا بمضمونه
ولي قصائد أخرى عن الأردن وفلسطين وشعر نبطي والقليل حر
وخمسة إصدارات أدبيّة أرجو أن أطلِع فنّان أردني على آخر ماكتبت وأتمنّى أن يؤدّيها بصوته
وشكراً
المحاميه والكاتبه زينب الصليبي المعروفه بإيمان