مسج على تلفوني,انا هيك بيعرفوني

 

 

 

عن جد الله يرحم ايامك يا “تع يا بهيم” اووه شو حنيتلها الكلمه ,ايام ماكان الصوت

يتلوه بسطار جلد ولا هو لاخمك بنص خلقتك وعاملك علامه مميزه مزوقه بخطوط

متعرجه ومتوسطه بنمره 42 اذا كان حظك حلو..

 

يرحم ايام “اخ نسيت” وبرضو ايامك يا “والله ما سمعتك” لما كان الواحد يقول لأبنه

روحلي على الدكانه وجيبلي هالشغله منها..

 

اعيش واترحم .. والله التلفونات قصه , بعد ما تغيرت العالم وصار التلفون اشي

اساسي بحياة الواحد لحد ما نسيو اهلو كيف هو شكلو, وصار لازم التواصل عن

 طرق الاس ام اس,جد يعني خايف يوم من الايام افوت على البيت ولا هم طالبينلي

الشرطه,قال في واحد دخل على البيت بدون احم ولا دستور وهينا حابسينو بغرفة

الشباب.!

 

يوم ما اجاني مسج من صاحبي وصار لازم اردله اياه,لأنه كمان صارت المسجات

دين عليك,زيها زي العزايم والقيام بالواجب, نبشت التلفون على مسج حلو ابعتله اياه

لكن فاجئتني المسجات الموجوده بالجهاز وحششت على حالي من الضحك ..واكيد

كلياتها من الاهل وهيني بدي اعرض نماذج منها

 

1-   اذا في مجال جيب معك ست حبات خبز حمام ..

2-   أنس اذا معك مصاري جيبلي بدينار سوس ضروري   

3-  اذا في معك زياده,جيبلي سوس بدينارين وتلات حبات شوكلا تقيله..! 

4-   ازامعك زياده جيب وجبة شاورما ,وبس تيجي بنحاسبك ازا في… 

5-   يلي بروح يجيب خيار يجيب معو ضمة خس…

6   جيب معك ببسي ضروري

 

يعني هيك مافي مهرب وفش تقول والله ما سمعت او والله ما شفت..مرات بتمنى لو تلفوني يختفي من حياتي لاني وبصراحه من وراه بدي اروح على الاحوال واغير جنسيتي من بشري الى صراف الي

 

معلومه اضافيه:انا بكرا ان شاء الله طالع اغير زيت بسوريا ..والله يا رب يوديني ويجيبني بالسلامه

 

19 thoughts on “مسج على تلفوني,انا هيك بيعرفوني

  1. يلي بروح يجيب خيار يجيب معو ضمة خس
    هههههههههههههههههه كتير عجبتني هالمسج….يعني مختصر مفيد وما فيها طلبات واضحه وصريحه….بس انت لازم تكون حسيس و تفهم عالطاير

    هلأ انقطع الزيت هون فلازم تروح سوريا تغيره!!!….شكلها حجه هاي, والموسم موسم اعراس و رايح تجبلك عروس من الشام 🙂

    تروح وترجع بالسلامه
    بس شو بدي احكيلك….بقولو حلويات الشام زاكيه…ويلا انت شو رأيك؟

    يعني يللي برايح عالشام بجيب معو اشي حلو
    🙂

  2. علوووووووووووش says:

    ههههههههههههههههههههههههههه والله حلو ه
    فعلا انك سادق لانه احيان ما بسدقوا والواحد يطلع من البيت وخاصه عارفين معه مصاري يا سلام ع هات وهات وهات لتضطر تروح ع البيت ركاض ماضللك اجار باص هههههههههههههههه حلو انس دايما مواضيعك مميزه تابع فزيييييييييييع

  3. علوووووووووووش says:

    ههههههههههههههههههههههههههه والله حلو ه
    فعلا انك سادق لانه احيان ما بسدقوا والواحد يطلع من البيت وخاصه عارفين معه مصاري يا سلام ع هات وهات وهات لتضطر تروح ع البيت ركاض ماضللك
    اجار باص هههههههههههههههه

    حلو انس دايما مواضيعك مميزه تابع

    جذاب مواضيع جميله ومميزه وجذابه
    http://www.jzaab.com

  4. صح والله بس انا عملتها واقدرت اغلق تلفوني شهرين
    اتروح وترجع بالسلامة

  5. خالد ابو علي says:

    ههههههههههه

    والله قولتك الواحد فينا كان زمان متى اجيب تلفون وبس تجيبو بسيروا يجننوك

    ولما تفكر تكسرو او تبيعو سبحان الله ما بتعرف كيف بجيك بدالو

    يالله يا مان الله بعين

    وتروح وترجع بالسلامة

  6. لا تعليق !

    فقط أقول انني استمتعت بقراءة كلماتك الرائعة .

    سلامي لك .

  7. ههههههههههههههه
    طيب بتقدر تقول ما شفت

    انا لآنه دوامي طويل بالجامعة … ع طول تلفوني “سايلنت” وعن جد مرات مابنتبه ع المسجات لآخر الليل

    وبكون لا شفت ولا سمعت

    انت بتقدر تعمل نفس الاشي
    وهيك .. انت لا شفت ولا سمعت

  8. قصص طرمه

    والله يا ريتني ضليت بعمان احسنلي ميت مره رحت هناك على اساس اغير زيت لقيت الزيت خالص من عندهم
    اما شو مالها الشام؟؟
    ايش ايش؟! سامع كلمة حلويات
    اه شو اجيب ؟
    ما سمعت؟
    😛

  9. علوووش

    رحت فيها انا اعلنت افلاسي
    ولما المحلهم انو يعني كسرتونا يا جماعه بيحكولك
    الله بيحاسب الجميع

  10. قتيبه
    تسكيرة التلفون جريمه
    مش راح اجربها 😛

    وهيني رجعت بس مش عارف اذا بالسلامه

  11. ابو علي
    ههه بتتذكر كيف؟
    لما الواحد بالحاره كان يجيب تلفون تيجيه الناس من بره الحاره تهنيه
    تقول جاييه ولد او اتجوز
    يعني النتيجه: التلفون والزواج زمان كانو زي بعض
    بيجيك عليهم مهنين وبالاخر بتندم طول عمرك
    🙂

  12. حسن يحيى
    شكرا الك ومبسوط انك استمتعت
    زياره طيبه
    🙂

  13. احمد
    يا ريييييييييت بتزبط
    ههههه ما عنا ما سمعت او ما انتبهت
    وغير هيك ممنوع تلفونك يكون سايلنت وانت بره البيت
    ومش حال برضه
    هلأ صرت لما تنسى يردو يبعتوك لما توصل مره تانيه
    فأي احسن تجيب وانت ارنب ولا ترد تطلع مره تانيه وانت ميت تعب وتجيب مره تانيه؟؟
    الارنب هو الافضللللل

  14. امسح المسج واحكيلهم ما وصلني شي…. ويخرب بيت هل الشبكات (شبكات الموبايل) اللي بيضحكو علينا …. هيهيهيي

  15. ممكن تصلي يل عمر ي انات 142 سمسم

  16. رغد البحر says:

    الله يهني كل عاشق وعاشقه وحبيب وحبيبه انا بنصح لي بيحبو يكونو متفقين وانتو راح تشوفو الحب الحقيقي ودعولي الله يكون معكم

  17. رغد البحر says:

    اهااسمعتو شو صار ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
    بعدين بكمالم

  18. رغد البحر says:

    اهااسمعتو شو صار ؟؟؟؟؟؟؟؟؟؟؟؟؟؟؟؟؟ بعدين بكملكم

  19. رغد البحر says:

    اها معكم واحد زقف وتاني طار ههههههه

Leave a Reply

Your email address will not be published.