HELP? ممكن

 

الجو بره ناااار ,الله يكون بالعون لسه الصيف ما دخل علينا وهيك صارت الدنيا

لكن نقول الحمد لله الأمطار كانت وفيره السنه ومزاريب الرحمه ما وقفت خلال الشهر الماضي, وعلى الراديو بحكو للمزارعين

لا تخافو مخزون المي ممتاز وراح تكبر شجراتكو وراح توكلو مشمش ودراق السنه حتى بالعلامه عنا شجرة الكرز بدات تطلع

حبات زغنونات

.الحمد لله على كل حال

هلأ فش داعي للمقدمات والململه ,في عندي كمن شغله بدي اخد رأي الأصحاب فيهم بتخص المدونه الـــ

 

المحترمه 🙂

أولا الأقسام

مثلا عجبتني فكره لقيتها بمدونة مياسي لما عملت قسم خاص للفيديو زي فرع ثاني

يعني حاب اعمل أقسام للمدونه أو أكثر من مدونه كل وحده مختصه بشي معين

بدي أفكار أو تلميحات ممكن تفيدني

هلأ مثلا في ببالي قسم للأغاني الأردنيه

وقسم

وقسم للصور

شو في أفكار ممكن اطبقها عندي؟

ثانيا الهيدر

بتلاقي بمدونات كثير بكتبو عباره تحت اسم المدونه

يعني مثال من مدونه ابجد كاتب عباره

"وجالس كل ذي أدب كريم"

بدي عباره أكتبها تكون تناسب المواضيع والأقسام ,يعني عباره موجزه والها معنى

طبعا راح اشيل صورة البسكليت وأحط صوره ثانيه

🙂

ثالثا قسم مين أنا

طبعا معروف لشو بيكون ,فيو معلومات صاحب الموقع ودراسته وشغله وا وا وا

لكن فكرتي اني مش أنا اللي اكتب هاد القسم

بدي أخلي اصحابي هم يكتبولي اياه,يعني هم شو بيعرفو عني ومين هو أنس بنظرهم

وأنا وعدتهم اني ألتزم باللي يكتبوه بالنص الحرفي ولا أغير شي ولا أعدل شي

لكن بما أنه في منهم حاقده علي 😛

بدي أسأل شو رأيكم ؟ امشي على الطريقه التقليديه واكتبه أنا بنفسي ولا أخلي الشباب ههه يا ربي ألطف, هم اللي يكتبولي اياه؟

رابعا وأخر شي القالب

شو رأيكم بالقالب كويس؟؟ يعني ماشي حاله؟؟ ولا أغيره؟

واللي بمر عليه قالب مرتب وحاب يشوفه عندي يعطيني اياه

مع العلم ان القالب على الأكسبلورير مش كويس ,لكن على الفاير فوكس طقع

وبس هاي هي

🙂

 

 

This Post Has 14 Comments

  1. olashk

    هاي انس كيفك
    انا بأيد فكرتك عن انه
    اصحابك يكتبوا عنك لانه كل واحد بشوف حاله بعيون الناس وفكر الناس صح وبالنسبه لصوره البسكليت لاززززززززم تأيمها وحطلك شي حلو اه
    وعشان الصور والفيديو الموسيقى انا بساعد ماشي يعطيك العافيه

  2. Amjad

    مرحبا أنس
    شو رايك نيجي نعملك المدونه

    عجبتني فكرة الأقسام .. خصوصا قسم للصور و الفيديو … والله أنا شكلي راح أعمل مدونة فرعية للصور .. وممكن كمان للمواضيع المنقولة

    بالنسبة للترويسه .. اختار أي بكم و شوف شو مكتوب عليه من ورى .. أنا بقترح أول حط الصورة مشان العبارة تكون مناسبة

    انته أحسن واحد ممكن يكتب من أنا … على فكره .. ممكن تختار كلام منقول عن شاعر أو أديب … أي نص بتحس انه بعبر عنك

    بالنسبه للقالب والألوان كثير مريح .. يعني خليه على ما هو عليه

  3. fox

    نا مع فكرة تشيل البسكليت و تحط بك اب احلا بس يكون مخردق هههههههههههههههههههه و بالنسبة للكتابة عنك انا مستعد اكتب عنك (6) :p

  4. anas

    علوووش
    حلو هي رأي مشان اصحابي هم اللي يكتبو
    يمااااااا الله يستر تكثر الاراء وانا اروح فيها
    واذا بتساعديني منتاز ههه
    يالله قومي سويلي قهوه 😛

  5. anas

    معلم امجد
    والله ياريت بكون غلبتك معي هيك واذا كمان بتكتبلي فيها وبتاخد الباسوورد واليوزر هيك بتكون جد ريحتني
    والله متعبه يا اخي شو بدي اساوي انا؟
    🙁

    وهي هيك انت بتعطيني فكره مشان المواضيع المنقوله
    حلو فكره حلوه جد
    وبالنسبه للترويسه
    هسه صار تشديد على البكبات انو ممنوع تلزيق بحبك يمه وغدار يا زمن وصور ملهاش داعي
    طيب وبما انك بتحكيلي على الصوره شو رأيك صورة ايش احط؟؟
    باص كوستر؟

    للأباوت مي
    والله انا هيك بقول بدي اريح راسي بس المشكله صرت واعد الشباب
    وبدي اصوات ضد تكتر مشان اريح راسي

    وثانكس على دعمك يمعلم والله اوحيتلي افكار جد نار
    والقالب عجبك؟
    يا سيدي مقدم 🙂

  6. anas

    فراس
    هسه بسويها, والله بعملها بجيب صورة بكب وبحطها
    ليش شو تعودنا يا قبضاي 😛
    وراح اخليك تكتب عني بس تكتر الاصوات شوي
    🙂
    بشلن بليله الله يسعدك

  7. ميّـاسي

    والله اعمل كل اللي بنفسك!!
    والقالب حكيتلك رأيي فيه انا عن نفسي عاجبني

    زي ما حكي امجد أي جمله بتعبر عنك حطها؛ وصورة الفيزبا هاي شيلها رجاء لأنها هيك مالها دخل!!!

    أما الجزء اللي بيخصك: اكتب عن حالك وكبّر واذا الشباب كتبوا عنك خد اللي بيناسبك وانسى الباقي:)

  8. anOsyatE

    يا ستي خلص القالب مش راح اغيره على الأكيد ان شاء الله
    وبشوفلي كلمه حلوه احطها
    بس ما فهمت ايش هو الفيزبا؟؟ قصدك البسكليت تبع الموتور؟
    هاد والله يا ميسو جاي مع القالب مو أنا اللي حطيته 🙂
    على كلن راح اغيره ولا يهمك
    وعن حالي خلص راح اكتبه انا وراح اختار اللي يعجبني
    بس انو ما فهمت شو يعني كبر
    يعني انو امدح بحالي كثير؟؟
    😛
    a;vvvvvvvvvvvvvh
    يعني شكرا بكمشه أحرف ر

  9. غير معروف

    بخصوص الاغاني الادنية يا ريت تعملها اغاني وطنية

    يعني للأردن وفلسطين وللبنان ومصر

    مشان ما حد يزعل

    والفيديو والصور انا معك فيهم

    والهدر انبرا لساني وانا بقلك غيرو

    والقالب هادي وحلو

    بس لو ابيض؟؟

    ما بعرف

    مو هاضمها

    وبخصوص مين انا

    ههههههههههههههه

  10. غير معروف

    انا خالد ابو علي

  11. غير معروف

    انا خالد ابو علي
    😛

  12. anOsyatE

    تكرم عيونك ابو علوووش بس بالنسبه للهيدر بدو شوية وقت لأني بدي اصمم واحد مرتب والقالب هاد الوحيد اللي لهسه ما عليه مشاكل 🙂 يا سيدي مرقلنا اياها وحاول تعود علينا

  13. خالد ابو علي

    واعتبرها مرئت يا صديقي

    بس ما اعطت سلامات مضيئة

    😀

  14. Ruby18

    To perform the best dissertation about this post seems to be not very easy though you cope with it. When any writer is as good as you are, all students will never have got problems with the dissertation writing.

اكتب تعليق على الموضوع ^__^