You are currently viewing !! قول مشمش

!! قول مشمش

item41401
كما هو الحال في أي منظمه او حزب او أي جهة تريد الانتماء اليها فلا بد ان تنطبق عليك بعض الشروط والافكار المشتركه بينك وبين افراد ذلك التنظيم حتى يتم قبولك كعضو منتسب وفعال في تلك المجموعه, فأن هناك شرط اساسي لابد ان يتوفر لديك عند التحاقك (بشلة) الحاره لتحصل على صلاحيات يحددها زعيم الحاره ومدير علاقتها الخارجيه والداخليه..


فكل ما عليك فعله هو الاجابه على سؤال بسيط من ثم تلقي الرد من قبل (الفاحص)
فعندما يطلب منك ان تقول مشمش..عليك ان تقولها وبدون تردد,حتى يأتيك رد قويا يطعن في كرامتك وعرضك ويختم بالقافيه المشهوره (بخرمش)..
عندها تقاس ردة فعلك اذا ما (انحرق راسك) وبدأت باتخاذ وضعية الهجوم أو رد الاهانه  عشوائيا .فسيتم التدبيك على وجهك وفتح الشوارع والفروعات على خديك وصباحك..وفي بعض الاحيان يمكن ان (تلسع) بموس ينسيك حنان الأم

.,
بالطبع ستكون هذه اشاره لعدم قبولك داخل المجموعه وبالتالي تصنيفك مع (الخرفان) و(الملطشات)..
اما اذا ابتسمت ابتسامه (هبله) وابديت قبولا ظاهريا لتلك الطعنه الفجائيه ,عندها وبلا نقاش ستحصل على عضويه ذهبيه تخولك لطلعه على البحره برفقة الشباب
,..
3813

.
.
في الحقيقه كانت لي معاناة كبيره مع اصدقائي بخصوص تلك التهجمات المشينه على الشرف وتقنيعها بمسمى( الفري ) ففي طبيعة الحال اصبح لا بد من الاستغناء عن التجمعات والسهرات مع الشباب لتفادي هذا النوع من المزاح اللذي كان بأغلب الاحيان نتيجته (طوشه) والمزيد من تلك الألفاظ النابيه..
.
.
فكانت دائما تستهويني القصص القديمه اللتي تروي احداث داميه كانت نتيجة للغيره على الشرف والدفاع الصلب عن العرض..
بينما أقرانها بوضعنا الحالي فأجد ان هناك فرق شاسع ما بين الأزعر بمفهومنا العصري وسيد القبيله بالمفهوم السالف.
وللأسف وصل الاستهتار بالعرض والشرف الى أن يتم الاصلاح ما بين الطرفين (بتتطيب الخاطر) و(خلونا نطوي صفحه جديده) بالمقابل كان لا بد ان تراق الدماء في سبيل العرض في ما مضى.
انما اصبح الطعن بالشرف يتقنه الكثير من الشباب ويتلذذون بسماعه كنغمة شاذه تصدر من بين التجمعات الشبابيه..
فليس المشمش هو الثمره الوحيده اللتي تستخدم ككلمه مساعده في تكوين تلك الألفاظ..


أنما البطاطا والبندوره ايضا, وفي بعض الاحيان تستخدم ادوات المطبخ ومستلزمات الغسيل وحصص العلوم والجغرافيه..
حتى ان انتساب الذكر لأبيه بات امرا منسيا..صار ينادى بأبن فلانه ويمكن في بعض الاحيان استخدام اسم الجده, وكل هذا يكون على حسب المزاج والروقان..
وبالطبع سيتقبلها منك الطرف الاخر برحابة صدر بل ربما يقول
(ايش بدك يا جوز خالتي)
المشمش والشرف لم يعد هناك فرق بينهما..بنادى فيهما بالاسواق وعلى مسمع الكل
لكن المشمش له مواسم وأوقات كما يقولونها (بروح وبيجي)
لكن الشرف اذا راح؟؟
قولتك بيرد  بيجي؟؟!

This Post Has 6 Comments

  1. FOX

    طيب قول شمام طرحك للموضوع جميل وبستحق علي مواضيعك جائزة نوبل للسلام مع شهادة ايزو 9002

  2. غني عن التعريف

    مهو يا صديقي العزيز مش اي انسان بحكيلك ( قول مشمش )الا اذا انت كنت تافه بطبيعة الحال وما بتفرق معك قلت مشمش ولا (عورة) بس مرات تنطرح الفكرة ع سبيل المزاح وانت مش مجبور تستقبلو وممكن تنهيه بلحظتها

    وتقبلو تحياتي

  3. nana

    طبعا ما برجع وبتعرف انه الكلام الطالع النازل انه بيحز بالنفس

    شكلو بطل في شهامة وغيرة بس رغم هيك لسه بالدنيا خير وفي شباب وبنات بنرفع الراس فيهم وانت واحد منهم

    يلا لا تتاخر علينا بالبوستات التالية

    بنستناك

  4. whisper

    اول اشي مع اني ما شفت الثيم الاورانج بس اكيد الازرق احلى منه 100 الف مره 🙂

    ثانيا
    سعدانك هاد اعطيته موزتين -يلا عيشو- و سعدتنه فاذا اجيت ولقيته دايخ معلش, بس كنت العبه القفز الحر :S

    نرجع للموضوع اللي كتير شباب بعانو منه, انك بدك تفرض شخصيه معينه وطريقه تعامل على متل هدول الناس علشان ما يعملوك مسخره الشله, ومتل هيك ناس يمكن الواحد يبعد عنهم احسنله

    حلوه كتير المدونه الله يعطيك العافيه
    😀

  5. Anas

    FOX :
    شمام
    يسلمو 🙂
    ……………..
    خالد
    والله يا صديقي العزيز
    يمكن ما حد بعرفني كويس قد ما انت بتعرفني
    وبحكيلك اياها وبكل فخر انا انسان بغار على عرضي ومش ممكن اقبل الكلمه لا على سبيل المزح ولا الجد لكن بكفي احكيلك انا تربيت غير هيك وانت بتعرف كويس
    وباقي التعليق منتفاهم عليه بعدين
    🙂
    يسلمو ايديك دايما زورني

  6. Anas

    nana
    يا ميت ويلكم وشكرا الك
    بس للأسف في ناس ما بهمها لا طالع ولا نازل بالعكس الشب ابو لسان شفره وبكيفو عليه وبتقبلوها على اساس المزح
    حتى لدرجة انو بتقبلها بكل روح رياضيه وبحكيلك هل من مزيد؟
    وشكرا لكلامك الحلو والدنيا اكيد بخير (بالوقت الحال) والله يجيرنا من الجاي
    🙂
    …………………………..

    whisper:
    اولا سعدااااااااااااااااني وانا بحكي شو مالو وجهو اخضر وممغوص
    يمااااااااا شو ماكل موز
    تئ تئ تئ تئ
    :”(
    😛
    هو شوفي انا صادفت ناس ولحد هلأ بعرفهم كويس يعني لا بتفرق معه شخصيه قويه ولا فرض احترام
    الزناخه بياخدها أبر بالوريد والكلام اللي هو بكون رضعه مع الحليب
    فا ما منقدر نوقفه عند حده الا بطوشه مرتبه أو احاول ابعد عنه قدر المستطاع
    وبالأخر المدونه ما بتحلى الا بزياراتكم ..وللأسف الشديد انك ما زرتيني بالمدونه القديمه قبل هيك
    🙂
    بتمنى تعيديها

اكتب تعليق على الموضوع ^__^