You are currently viewing سلامات مضيئه

سلامات مضيئه

zx2

في البدايه احتجت للكثير من الوقت حتى تعلمت جميع الاضافات المدخله في الوالد الله يديمه..ففي ايام المطر يبدو لي انا السياره بدأت (تلولح) في وسط الشارع وانا ابحث عن قضيب تشغيل المساحه الاماميه .اما في ايام الصيف الحاره فكنت امشي على اقل من مهلي وانا منهمك بالضغط على ازرار الراديو وكلي امل بأن اصيب الزر الصحيح ليعمل المكيف على درجه 1..
لكن مع الممارسه بدت لي هذا الامور اقل من عادي..فصرت اشغل المساحه والراديو والتدفئه واضع مبدل السرعه على وضعية الريفيرس بكل سهوله وفي بعض الاحيان تكون حركاتي لا اراديه..
حتى يطل من (السايد) الاخر الحج ابو محمد بسيارته الكركعه وقبل ان يأشر لي بيده مسلما (بيعمي ضوي دِمات)
انا برد بسرعه بصوت يا دوب يسمعه اللي جنبي .هلا هلا عمي تفضل …
فكنت استغرب من هذا السلوك واحاول ان افهم طيب ليش عم يعطيني دِمات؟؟ ليكون حضرتي مشغل ضو العالي بعز الصبح؟
ابو محمد كان يحاول يسلم علي وبكل دِم كان يسألني..
كيفك عمو.,كيف الوالد,,امانه تسلملي عليه..
بدأت احب الفكره وصرت اعطي دِمات على الفاضي والمليان..
لم يعد الدِم يعني (زيح هيك وله)..
حتى ان الابتكارات العفويه اللتي تؤثر وترمز الى نوع من الانفعال عندنا نحن الشعب الاردني صارت منتشرة بشكل واسع..
يعني مين قال يوم من الايام ان الدِم سيرمز للتحيه والود؟؟!
طبعا يمكن ملاحظة الدِم بالشوارع الضيقه ذات المسربين وهو ينطلق على شكل مضيئه يعبر صاحبها من خلاله عن استيائه الشديد لوجود سياره امامه, تسير على اقل من مهلها وسائقها مطاطي راسه ويحاول تجاهل الشرطي السرحان الواقف على يمين السايد..

ودِمات شكر ودِمات شتائم وفلشرات واشارات غير مفهومه واخرى مفهومه غلط..

وانا من بعد هالمره صرت محترف ارسال دِمات ,طبعا مش كلها سلامات ..
بس للحج ابو محمد ومرات بعمل حالي بدور على كبسة

المكيف بكبسات الراديو وبتاجهل انه ابو محمد جاي من

الناحيه الثانيه ومهيئ نفسه لأرسال سلامات مضيئه..

This Post Has 4 Comments

  1. غني عن التعريف

    الف مبروك انوس ع الموقع وانشالله لقدام يمكن كتير هنوك قبلي بس بعرف انو انا مني بتطلع غير

    خالد الاماراتي

  2. anas

    اهلا اهلا بالغني عن التعريف
    حبيب قلبي خالد الله ريتو يبارك فيك وعقبال عندك
    🙂
    مييييييت ملين ورده

  3. only hope

    والله يا بابا انوس اشي اشي
    بس المهم هلا متى بدنا نروح مشوار
    وبنفس مواصفات السيارة اللي حكيت عنها

  4. olashk

    شو يعني يم او يمات بس بدي اعرف يعني غماز وشكرا

    علوووش الزنخه

اكتب تعليق على الموضوع ^__^