أنا عنصري :)

هاد كان في واحد مجنون دايما رابط على راسه شريطه خضرا كل يوم الصبح بمر من باب المحل ,,, بالصدفه بكون رافع كم بنطلوني وماسك القشاطه وعم بطلع المي لبره.,المجنون بسألني أنس مين فاز اليوم؟؟فأنا بكون عارف انو مهووس بمنتخب الوحدات, فمراعاة لشعوره بحكيلو : فاز الوحدات, بروح بنبسط وبرفع راسو وكأني معطيه الف ليره, ضلو هالزلمه على نفس الحاله , لحد ما اجا يوم وقلت هلأ لما يسألني بدي أحكيلو فاز الفيصلي وفعلا اجاني بهداك اليوم وبحكيلي: انس؟؟! مين فاز اليوم؟؟ قلتلو اليوم مش يومك يا حصتي راحت عليك وفاز الفيصلي , صفن شوي وبدا يحلل مركبات ويفسر نظريات ويركب عمارات, ولما زبطت معو المعادله, بحكيلي ليش انت مين بتشجع؟! قلتلو انا ما بحضر مباريات, بحكيلي يعني ما بتشجع الوحدات!! قلتلو لأ..عصب و حكالي انت واحد عنصري!! وراح ومن يومها الزلمه مخاصمني..
بس عادي,, ما عليه عتب لأني عارفه مجنون
: الحكمه المستفاده الصادره من فم المجنون
!! العنصريه :هي عدم انتمائك لمنتخب الوحدات

This Post Has 9 Comments

  1. NasEr

    LMAO :DDDDDDDDDDDDDDDDDDDDDDDD

  2. vagueraz

    fe3laaan ,, 3onsorii !!!!!!

    lol

  3. Sola

    حلوه

    ليش مش وحداتي ولك اه؟؟

  4. Anas

    naser: ايش يعني LMAO :DDDDDDDDDDD??
    🙂

    V.G.Z: للأسف كان هاد حكم المجنون علي :p

    SOLA: الله يحلي ايامك
    مش عارف ليش مش وحداتي ابصر يمكن مشنو اخضر
    ما بعرف ما بتابع مباريات
    بعدين هي البطبوط اللي حاطيتو فيصلاوي مش شايفه طاقيتو :p

  5. NasEr

    LMAO = Laughing My Ass Off ,zay LOL ya3ne .
    halla el mohem ,ana rje3et dawwaret 3alaik la sabab ,
    momken asta5dem el fekra hay b short film ? ana mesh bel ordon 7aleyyan bas lamma arja3 3ala 5air,men fatra w ana bafakker b7abkeh la video ye7ke 3an el 3onsoreyyeh,w hay el fekra super !fa bas 7abbait a5od mowafaqtak. mojarrad fekra ya3ne allah ye3lam aimta tseer..

  6. Anas

    LMAO YA ZALMEH :p
    لا عجبتني الكلمه
    LOOOOOOOOL <<<< انتي طالق بالثلاث
    ولا يهمك يزلمه خود اللي بدك اياه خدني انا معك ..مو فارقه عندي, ان ما نفعتني ما بتضرني 😛
    يالله الله يجيبك بالسلامه وتعمل المشروع الجهنمي هاد وتورجيني اياه

  7. سوزان

    لاه لاه يا انوس هاد انا وانت في الهوا بتذكر وانا بالمدرسه الي صاحبه بطلت تحكي معي لاني ما عندي انتماء لانني ما بشجع الوحدات

  8. Anas

    والله يا سوزان انا كتير عانيت منها هالشغله
    حتى بتعرفي شو ضايل؟؟؟
    ضايل لما اروح اصلي بالمسجد يسألني اللي جنبي انت فيصلي ولا وحدات؟؟
    واذا عجبو بصلي جنبي اذا لأ
    بروح يشوف واحد من نفس المنتخب يصلي جنبو

  9. 7ota

    LMAO 3ala Golet 7abeb Galby Naser loooooooooool bas jad jad ta7sheeesh 😀

اكتب تعليق على الموضوع ^__^