أنا عنصري :)

September 16th, 2008 |

هاد كان في واحد مجنون دايما رابط على راسه شريطه خضرا كل يوم الصبح بمر من باب المحل ,,, بالصدفه بكون رافع كم بنطلوني وماسك القشاطه وعم بطلع المي لبره.,المجنون بسألني أنس مين فاز اليوم؟؟فأنا بكون عارف انو مهووس بمنتخب الوحدات, فمراعاة لشعوره بحكيلو : فاز الوحدات, بروح بنبسط وبرفع راسو وكأني معطيه الف ليره, ضلو هالزلمه على نفس الحاله , لحد ما اجا يوم وقلت هلأ لما يسألني بدي أحكيلو فاز الفيصلي وفعلا اجاني بهداك اليوم وبحكيلي: انس؟؟! مين فاز اليوم؟؟ قلتلو اليوم مش يومك يا حصتي راحت عليك وفاز الفيصلي , صفن شوي وبدا يحلل مركبات ويفسر نظريات ويركب عمارات, ولما زبطت معو المعادله, بحكيلي ليش انت مين بتشجع؟! قلتلو انا ما بحضر مباريات, بحكيلي يعني ما بتشجع الوحدات!! قلتلو لأ..عصب و حكالي انت واحد عنصري!! وراح ومن يومها الزلمه مخاصمني..

بس عادي,,. ما عليه عتب لأني عارفه مجنون

: الحكمه المستفاده الصادره من فم المجنون

!! العنصريه :هي عدم انتمائك لمنتخب الوحدات

Posted in أنوسيات

facebook comments:

9 Responses to “أنا عنصري :)”

NasEr:

September 17, 2008 at 3:01 am

LMAO DDDDDDDDDDDDDDDDDDDDDDD
vagueraz:

September 17, 2008 at 9:12 am

fe3laaan ,, 3onsorii !!!!!!

lol
Sola:

September 17, 2008 at 12:43 pm

حلوه

ليش مش وحداتي ولك اه؟؟
Anas:

September 17, 2008 at 11:15 pm

naser: ايش يعني LMAO DDDDDDDDDD??

V.G.Z: للأسف كان هاد حكم المجنون علي :p

SOLA: الله يحلي ايامك
مش عارف ليش مش وحداتي ابصر يمكن مشنو اخضر
ما بعرف ما بتابع مباريات
بعدين هي البطبوط اللي حاطيتو فيصلاوي مش شايفه طاقيتو :p
NasEr:

September 19, 2008 at 10:10 pm

LMAO = Laughing My Ass Off ,zay LOL ya3ne .
halla el mohem ,ana rje3et dawwaret 3alaik la sabab ,
momken asta5dem el fekra hay b short film ? ana mesh bel ordon 7aleyyan bas lamma arja3 3ala 5air,men fatra w ana bafakker b7abkeh la video ye7ke 3an el 3onsoreyyeh,w hay el fekra super !fa bas 7abbait a5od mowafaqtak. mojarrad fekra ya3ne allah ye3lam aimta tseer..
Anas:

September 19, 2008 at 10:29 pm

LMAO YA ZALMEH :p
لا عجبتني الكلمه
LOOOOOOOOL <<<< انتي طالق بالثلاث
ولا يهمك يزلمه خود اللي بدك اياه خدني انا معك ..مو فارقه عندي, ان ما نفعتني ما بتضرني
يالله الله يجيبك بالسلامه وتعمل المشروع الجهنمي هاد وتورجيني اياه
سوزان:

September 20, 2008 at 8:47 pm

لاه لاه يا انوس هاد انا وانت في الهوا بتذكر وانا بالمدرسه الي صاحبه بطلت تحكي معي لاني ما عندي انتماء لانني ما بشجع الوحدات
Anas:

September 22, 2008 at 12:36 pm

والله يا سوزان انا كتير عانيت منها هالشغله
حتى بتعرفي شو ضايل؟؟؟
ضايل لما اروح اصلي بالمسجد يسألني اللي جنبي انت فيصلي ولا وحدات؟؟
واذا عجبو بصلي جنبي اذا لأ
بروح يشوف واحد من نفس المنتخب يصلي جنبو
7ota:

October 24, 2008 at 12:47 am

LMAO 3ala Golet 7abeb Galby Naser loooooooooool bas jad jad ta7sheeesh