سورري!! كنت عم ازبط حجابي

كانو دايما يقولو السواقين والاخص اصحاب الخبرة بالمجال اللي بعتمد شغلهم بشكل اساسي على السواقه
عمرك لا تمشي ورى تلات
حمار
جيش
مره
لانهم التلاته ما بعرفو شي اسمو غماز ولا قانون سير, وان وجدت معهم البطاقه الزرقا اللي اسمها رخصه يا بكون حاصل عليها كرامه لوجه الله يا بواسطه ثقالي

….خلينا نطنش الحمار وسيارة الجيش شوي

الدمار الواضح بالصور هو لسور بيتنا بمنطقة الهاشمي الشمالي ,واللي كان سببه وحده ست تعدت الكوربه(المنعطف)على نفس سرعتها على الغيار الرابع

سعادة الست كانت بتسوق باص نقل مشترك وكانت سرعتها على حسب التقدير 70كم/س وهي نفس السرعه اللي انتقلت فيها للشارع الفرعي الموجود فيه بيتنا

اوكي .يعني الدنيا كلها معترضه على السعوديه لانها بتمنع النسوان من قيادة داخل حدود المملكه,,طيب هم عارفين انه النسوان من الصعب حتى من المستحيل يقدرو يدبرو حالهم من بين مجانين السواقه من الشباب الصيع والهمل اللي اغلبهم مش عاملين قيمه لحياتهم هم حتى يعملو قيمه لسياراتهم او عناصر اخرى تستخدم الطريق..اوكي احنا مش بالسعوديه والحمد لله قانون السير عنا يطبق الى حد ما ,لكن لو عدنا النظر بمسأله انو النسوان يسوقو كان لازم يسير تشديد على السبب اللي بدك الرخصه مشانه يعني الرخصة بتنعطى للسيده حسب الظروف اللي بتحكمها متل السكن او عدم وجود زلمه بالبيت يحمل المسؤوليه اللي هي بتطلع بسيارتها مشانها

مثلا السيده كانت طالعه من البيت مشان تتسوق وتتبضع بوجود زوجها الي بتمتع بصحه جيده وعنده رخصة سواقه

وفوق كل هاد اجا اخونا يصيح على الشرطي ويعلي صوتو كانو اللي قدامو عم بتبلاه تبلي او انو الشخطه اللي بالسور اصغر من انو يشوفها بعينه المجرده

بعد ما جرى تحقيق سريع مشان يعرفو شو السبب اللي شتت مخها وخلاها تضرب

اكتشفو انو ((سورري كنت عم ازبط حجابي))!! تزبيط الحجاب على سرعة سبعين ومنعطف حاااد وداخله من شارع رئيسي لفرعي يعني من منطقة السوق للمنطقه السكنيه .كل هاد صار بوقت واحد ما ننسى السورري

السورري سكر يا خالتي هاد موجود بس بدول اوروبا

لكن منقول الحمد لله والف الحمد لله انو الضرر اقتصر على السور وعلى الباص وما كان في اصابات اخرى..ممكن تخلي البلوة اكبر

This Post Has 18 Comments

  1. سوزان

    يعني في هاي ما اتفقت فيها معك …يعني سؤال بسيط لو كان سور بيتك ضربه رجال كنت رح تقول نفس كلمتك !
    طبعا لا لانه هاد رجال وماراح تقول لا تسوق ورا تلاته
    لا والله يا انوس ما حبيتها نهائي منك متل ما في بنات مستهترين في شباب أكثر استهتار

  2. eNAS

    هلا استنى شوي
    كل الدمار هاد ناجم عن ارتطام الباص بالسور
    انا لما شفت الصور فكرتك معلق على الزلزال اللي ضرب الصين…؟
    طيب كيف طلعت عايشه هاي!!!
    يلا الله ستر ماراحت فيها من ورا تزبيط حفة حجابها
    انا شخصيا ومن وجهة نظري …اعارض على قيادة المرأة للسيارة…انا بنت ومعترفة انو الجنس اللطيف مش شغل سواقة ولا سرعة ولا اتجاهات!
    وما دام في حد يسوق ليش لحتى نسوق!!!
    وكل البنات اللي بعرفهم رخصتهم..ايوا من خلال فيتامين O
    المهم دفعتلكو تعويض عن السور ولا كمان سووري…طيب وين الباص اللي كنت فيه:P

  3. Qabbani

    العوض بسلامتك 🙂

    نسوان شو بدك تحكي

  4. Bira~ru

    زي ما حكيت .. الحمد لله انو الضرر اقتصر على السور وعلى الباص وما كان في إصابات أخرى

    Inasu chan
    :p شو هاد الفيتامين ؟

  5. eNAS

    Bira~ru:
    ما بتعرفه لفيتامين”و”أو O
    الدنيا ما بتمشي بلاه,خاصه عنا هون
    “الواســـــــــــــطة”:P
    موجود بالصيدلية كمان:)

  6. Bira~ru

    Inasu chan
    طيب إذا موجود بالصيدلية ممتاز .. لأني محتاجه شوي
    :p بس يا ترى حبوب ولا إبر ولا شراب ؟

  7. eNAS

    LOl 🙂
    في من كله
    بس المشكلة مش هون
    المشكلة انو بدك رخصة معينه منشان تشتريه
    يعني مش بمتناول يد الجميع
    الحمدلله عايشين بلاه…وان شالله مابنحتاجه:)

  8. Anas

    سوزان:
    خلص يا ستي ولا يهمك اعتبري اللي ضرب السور رجال احكيلك بسمحلك تغيري المثل لا تمشي ورى تلات
    حمار
    ورجال
    ورجال تاني صاحبو
    وبعدين في سيارة جيش مهم اللي بسوقوها زلام صح ولا لأ؟

    اذا بدك اعتبري الموضوع كلو ما انكتب 🙂
    يعني بصراحه انا طول وقتي بشوارع عمان وشايف سواقة الزلام وشايف سواقة النسوان
    والله في فرق يا سوزان

    والله على راسسسسسسسسسسسسسسسسسسسي ام النوووس على راسي قزدره
    احلا مؤيد :)…
    انا ما بعارض النسوان يسوقو انا بقول لو يكون في تشديد عالسبب بس
    او يطلع قانون بخصهم
    اما باصها ولا صار فيو اشي بس الصدام انشخط والضو انكسر بس بس بس:P
    فتامين و ههههه حلوة

    قباني:
    منحي نسوان 😀

  9. Anas

    bira ru + inasu chan

    هي اليوزر نيم:anooos282@gmail.com
    وهي الباس وورد:***********

    واحد فيكم ياخدهم ويرد عالتاني وبلاش مني 😛

    الله يحيكم باي وقت وعلى حسابكم ردو ولا يهمكم 🙂

  10. Bira~ru

    والله مش غلط .. فكرة حلوة
    بس الباسوورد مش واضح لو تكتبه مرة تانية بالإنجليزي
    :p

  11. مياسي

    يعني اللي بسمع بصدق

    انا مع سوزان لو انو زلمه و لا حد كان حكى شي

    يعني افرضو يا سيدي سواق قلاب و لا تنك ميه من هالحلوين اللي معبين الشارع و معجبين عالخلق

    و لا بلاش سواقين الكوستر اللي همهم يلمو أكبر عدد من الركاب و لو ع حساب ارواح العالم

    ما هو ما في فايده بس لأنها وحده مره ع قولتك و الكل رح يستلمها

  12. Anas

    bira~ru:
    شوف انا مش راح احط الباسوورد بلاش غيرك ياخدو
    بس بأكدلك انو مكون من احرف انجليزي زي ما تفضلت
    كيفني معك وانا بسهل الموضوع عليك؟؟
    :p

    يا مياسي يا ميسو يا يا يا
    مهو افهمو علي شو اللي بقصدو..
    انا اللي بحكي عنو انو النسوان الهم حق يسوقو متلهم متل الزلام ..هون ما في اختلاف
    بس انتي بتعرفي انهم قلبهم مش قوي متل قلب الزلام يعني على اقل نكشة بنعجقو وبوقفو السير
    طيب وهيني بحكيلك والله
    اني اليوم انا واخوي مروحين بنت وقفت السير على الدوار مشان شوفير تكسي زلمه احمق مغفل عندك فراغ عبي فيو اللي بدك اياه
    رايح ماخد منها الاولويه وخلاها تطفي معها السيارة وما عرفت تتصرف
    اما انتي وسوزان بتقولو لو زلمه كان ما قلت عنو هيك
    انا بحكيلك طبعا مش راح اقول
    الله يسلم ايديه هالرجال الجدع شوفو قديش هو نشمي هد الحيط وما قال اخ
    لا طبعا راح اشرشحو اكتر وامسح الشارع بكرامتو قبل ما امسح الموقع
    ولعلامك يا مياسي المره زي ما انا بسميها
    فوتناها على البت وخليناها لحد ما هديت عنها الصدمه وروقت
    بعدييييييييييين حكينا مع جوزها وهو حكى مع الشرطه

    برييت ذمتي هيك؟ فهمتو شو اللي بحكي عنو؟؟

  13. سوزان

    على سلامته الموضوع هاد رأي مش اكتر وانا ما بازعل منك ما انا دايما في معارك مع زوجي على نفس الكلمه وحياتك متعووووووووووده

  14. Amjad Wadiِ

    ولك اتحمد ربك اللي ما كنت قاعد على السور .. ولا راكضلك ورى قطه ..

  15. Anas

    سوزان: ورأيكم على عيني وراسي وانا بعتبره زي نصيحه مش تعليق
    لا تخافي على انا بفكر 🙂
    بعدين عرفي جوزك على الشوبك تبع العجينه..هاد تبع النسوان العربيات 😛

    امجد:
    قاعد على السور فهمتها
    اما بلحق بقطه؟؟؟ حاسها ملغومه ;D

  16. سوزان

    ههههههههههههه الشوبك تبع العربيات شكلي بدي اجربه عليك اول ترى خير العرب بالحاهم ههههههههههههه
    بامزح معك لا تزعل

  17. 36ooor

    لوووول
    ليش الزعل 🙂

  18. FOX_85

    اخ لو كان مجدي تحت السور اخ بس
    انا شفت الحادث على فكرة هي كانت فاتحة الشباك و طار الخمار بطلت تشوف و فقعت السور
    اخ لو كان مجدي تحتو
    على فكرة كان مجدي وقتها بلعب كمال اجسام و حكي انو ضرب السور براسو فوقع 😛 😛

اكتب تعليق على الموضوع ^__^