رجال من القله
May 6th, 2008 | 
Author: 
خبر قشعرلي بدني بصراحه عن اختيار واحد طنط كأجمل رجل بالعالم بعد ما انتزعو من طنط سابق((الخبر))واكيد الطاووس الاولاني زعل كتير وتدايئ وعفكش شعراتو وضرب حالو بوجهه وئطع زرار ئيمصو وئال بكرهك بكرهك وامتنع عن اكل الكورن فلكس بالصباح.,احتجاجا على انتزاع اللقب منو, هه عدي رجالك عدي
مش معقول وصلت السخافه فينا لهيك مستوى من الانحطاط وضياع الاخلاق,لكن الي شفى غليلي اني قرأت الخبر بموقع اخبار يا ساتر المختص بالاخبار الساخرة, فعلا شي يدعو للسخريه,صاحبنا ماسك بيدو بوكيه ورد وعم بوزع سلامات للمعجبين,وكانو بحكي شوفو ئديش انا حلو يا فرحة الماما فيني
اما مش عارف كيف بتيجيه الجرئه انو يوقف بهيك موقف .,او يتقبل هيك لقب.,..,او حتى كيف رشح نفسه للمنافسه
لا حول ولا قوة الا بالله
زمان اختلط فيه الجنسين حتى انك بطلت تفرق بينهم .,المرأه بتطالب بالعمل والساوة وتعدد الازواج.,ورجالنا بتدور على المنكير والبدي كير وما بعرف شو
بنطلون ساحل امنا بالله .,ناطحة سحاب على راسك يا سيدي ماشي.,
لكن لقب اجمل رجل؟؟ هاد هو الشذوذ بعينو
والله الجمال شي مطلوب .,جمال الشكل بالتحديد.,لانه جمال الشكل هو مفتاح اكتشافك للجمال الداخلي.,حتى تقدر تكتشف اخلاق الشخص اللي قبالك لازم يكون عندك قابليه لمظهره الخارجي
لكن تسير فيها مسابقات والقاب ومنافسات
لا والله …بهيك حاله صار لازمنا تسونامي يخلع رقبتنا
Posted in أنوسيات
facebook comments:
![[سيارات] مقطع جنوني لعرض قيادة سيارة سوبارو امبريزا](http://www.anosyat.com/wp-content/uploads/2012/01/subaru_impreza-7157.jpg)
شكرا على التنوية بالتفاهات التي نراها كل يوم و احب ان اؤكد ان حتى فكرة ملكة الجمال تحمل نفس الكم من التفاهة بالاضافة الى احتقار المرأة و حصرها في فكرة الجمال ووأد اي شيء اخر تتمتع به من ثقافة و اخلاق و غيره
اول شي يا هلا بيك
انت عارف انو الجمال من صفات المرأه,وهو كلشي بالنسبه الها,هو اللي بحدد كيف حتكون حياتها ,وتفصل العريس على كيفها
فمشان هيك الها الحق وكل الحق بالتباهي بجمالها,,.بس شوف انا معك ,كلها تفاهات وهبل
.,لكن لمخزي هو اقبال الشباب لسخافه ابتكرت مشان البنات
حاول غير تلفونك انا كان معي الحج مصباح 1100
وكان شكلي متل الانسان البدائي
دير بالك انت بجامعه وموقفك حساس
ياأخي انت ليش غيران منه
يعني عشان ما طلعوك ملك جمال متله بدك تحكي عليه..:D:D
من وين الواحد بده يلقاها…صارو يطلعو حكي وشغلات ابيخ من هيك ما في
اساسا الحق مش ع صاحب الفكرة..المشكلة كلها بالناس اللي بتصوت وبتخللي لهيك اشياء قيمة
بس كمان منيح الرجل يكون منظرة لائق وإلو طلة,,,ولا رجل يعني خلص كيف ما يكون شكله..أكيد لأ!
هلأ أنا ما بدي أناقش تفاهة الموضوع من عدمو لأنو هاي وجهات نظر بس بدي أعلق ع نقطه
أنس: مين اللي حكى انو فرصة الحلوه أحسن و كمان بتفصل العريس ع كيفها؟؟
من وين جايب هالحكي ؟؟
معظم الجميلات اللي مرو علي بالحياه مش محظوظات بالمره ف شغلات تانيه كتير تتحكم بخيارات البنت الحلوه
هاي أبدا مش قاعده
nosa
ههههه انا غيران منو؟؟
انتي شفتي كيف شكلو,,اي والله عامل متل بريق الوضو
حلو يكون الشب منظرو لائق ومرتب بس ما توصل لدرجة منافسات هيك وضعنا صار متل الديوك كل مين بدو يثبت حالو وينفخ ريشو على شي فاضي
بعدين شو قالولك عني فلنتي بتجر وراي
وشعري طالع عن السيطره؟
myassi:
اول شي خدي نفس وعدي للعشره وروق معلم روق
ههه مالك معصبه اي والله لمستيني وانتي بتحكي
اوكي بالنسبه للبنت الحلوة معروف بيجي نصيبها اسرع والعيون بتكون عليها اكتر صح ولا لأ
واغلبهم بسيرو يتشرطو ويتطلبو والعريس ما بدو يطيرها من ايدو فمشان هيك بحاول قدر الامكان يلبيلها طلباتها وما يكسفها
بعرف هاد كلو غلط بغلط بس هاد اللي بسير
يعني لو تيجي علي انا متلا
اول شي بلفت انتباهي هو حلوة ولا لا
بعدييين بتطلع على شغلات تانيه
هاد اذا امي غضبت علي وعملت هديك العمله