خالف تفلح

اعجبني عنوان الموضوع اللي كتبتو الست نوسا ((كن شخصك ولا تبالي)) وهاد سبب كتابتي للموضوع
انا طول عمري عندي طبع غريب, بحب اعيش الحياة بصخب وجنون ولازم اجرب كلشي ,حتى لو كان مضر ,او
مخالف للنظام, فوجدت الشعور الحقيقي بلذة الحياة هو اختراق القوانين,وتجربة اشياء جديده, بس مو بكل الحالات تكون خطرة, للجنون حدود
هداك الشعور الغريب بالمتعه ,لما اكون عكس الناس, عندي لوني المختلف,واساليبي الخاصه,مع اني بلاقي العادات اللي بتفرد فيها كأنس قليلة جدا.واغلبها عادات مشتركه موجوده بأغلب الناس,بس كمان هاي العادات الخاصة فيني بحسها غير بميزها اندفاع عشوائي لنتائج مجهوله..
اكون غير الكل. احساس رائع فوق العاده .. بعض الاحيان بتتوجهلي انتقادات سلبيه..واحيانا تخويف سواء من اهلي او اصحابي..وببعض الاحيان بتعطي معي نتيجه..بس انا بعرف انو الشجاعه هي وجود الخوف مع الرغبة بالمتابعه,,..ابصر من انو فلم سمعتها..,,
الابتعاد عن القيود والضوابط ,.هي هوايتي المفضله.,والتحدي هي لعبتي., انا ما بحكي عن تحدي صعوبات الحياة,.او انك تضغط على نفسك.,.لتحقيق حلم متل الشهاده او الوظيفه
لأ انا اللي بحكي عنو هو الشعور اللي بنتج عن تحدي الجسد.,ومدى قدرة التحمل .,.واكيد تحدي الخوف الغريزي متل المرتفعات والسباحه بالبحر او مغامرة باليل بمنطقه ,بتكثر فيها الكلاب والافاعي .,.
هاي الحياة اللي بحب اعيشها .ومشان هيك من زمان وانا بحلم بالاستقلالية.,. والحياة بعيد عن اهلي وعن كل شخص مهتم لأمري.,.حتى اكون قائد نفسي والمشئول عنها
وبحب اضيف شغله هيك حاب احكيها, اني قبل امتحان المحاسبة بيوم كنت بلعب بالبلايستيشن لعبة بتل فيلد الحربيه
مع هيك نجحت بالماده .بس مش هالعلامه المحرزة
عااادي,. الله بحاسب الجميع 🙂

This Post Has 4 Comments

  1. eNAS

    شكرا أنووس,
    أنــا بهنيك, عندك قناعة بتمشي عليها
    الحلو انو كل واحد اله اسلوبه…كيف بنظم حياته…قناعاته
    انت لقيت التحدي والمغامرة بتكمل شخصيتك ومتل هيك اشياء مش كلنا بنحملها بداخلنا…ومااهتميت بشغلات تانين بشوفوها شي كبير,
    أكيد كتير من اللي انت حكيتو الشباب اللي بعمرك بحاولو يجربو ويغامرو,حتى لو بالغلط المهم يعملو شغلة بتميزهم,هيني بشوف اخواني كيف,بتسابقو بالغلط
    بس بحكيلك انو أغلب البنات مش هيك,يمكن لانهم بوعو عالحياة اكبر من عمرهم!
    ودير بالك من الحيايا والعقارب…الدنيا صيف هلا 🙂

  2. freedom

    من تجربتي التجارب غيرتني و غيرت حياتي.. بس اهم اشي لا تمشي بطريق الغلط و تفكر حالك اشطر و مش رح تغلط

  3. 36ooor

    البنات بوعو على الحياة اكبر من عمرهم؟
    سوري نوسا انا بعارضك بهالنقطه.البنات غير لانهم ما عنددهم جرئه لتجربه الجديد غير هيك البنت ما بتتعرض لضغوطات متل اللي بتعرضلها الشب فمشان هيك حياتهم عاجبتهم واللي من الله ما احلاه

    لسه عنا برد ما دفا الطقس 🙁

    freedom
    وين لذة الجنون بفقدان اهم عنصر اللي هو الغلط؟؟
    اغلط مشان تتعلم,لا تكون جبان

  4. eNAS

    أن حكيتلك انه البنات بوعو اكبر من عمرهم
    من تجربتي…يمكن اللي بشوفو اخوي اللي اصغر مني بسنة هلا غلط انا قبل تلات اربع سنين بكون عارفيته وشايفته انه غلط
    ومين حكالك حياة البنت اسهل
    بالزمن هاد وضمن التحدي والمغريات الموجودة اكيد مش اسهل على الوحدة انها تعيش باريح راس
    وخصوصا اذا بتدرس بجامعة او بتشتغل
    لأنه صاير اللي بحافظ على مبادئة وما بستغني عنها هو اللي ماشي بعكس التيار,والبنت بتضل حساسة اكتر يعني امك بتحكيلك كلمة يمكن انت عادي بس اذا بتحكيها لاختك أكيد بتزعل وبحط عندها
    ولا ايش رأيك “_”!
    من وين لوين اسهل …

اكتب تعليق على الموضوع ^__^