مكشر
January 25th, 2008 | 
Author: 
لما تفوت على سوبر ماركت او اي محل بتلاقي كاتبلك على على الخزانه المعلقه بالسقف تبعت الدخان (ابتسم انت بالمكان الفلاني)اها حلو بس الغريب انك مستحيل تلاقي واحد مبتسم خصوصا عندنا بالاردن واتحدى اي واحد يكون ماشي بالشارع ويطلعلي 2 مبتسمين او واحد متزكر نكته وعم بضحك عليها لانك بالنهايه راح تقول هاد مجنون
صار تحدي بيني وبين هالواحد بعد ما سأآلتو انت ليش دايما مكشر وبحياتي ما شفتك بتضحك
حكالي شوف هالناس وتطلع بوجوهم واحد واحد اذا بتلاقي واحد منهم مبتسم الك شو ما بدك.
وفعلا ضليت مبحلق بالهالشعب ولكو ميشان الله افردوها عاد كل واحد فيهم جبينو ملزق بعنيه وحالف يمين ما يضحك؟
صارت عندنا بالاردن عادة متأصله بالناس
شفير التكسي مش ملاقي ركاب…..مكشر
الزبال بردان وبحكي يا ريتني كملت دراستي…..مكشر
واحد اتزكر نكته بدال ما يضحك بتلاقيه …….مكشر
التاجر ضيع شروة 100 كرتونه حليب قبل ما يغلى ……مكشر
زلمه ماشي بالشارع هيك بلا سبب ……..مكشر
يا عمي حتى راس الخاروف اللي على سدر المنسف بتلاقيه بجحر فيك و……مكشر
Posted in أنوسيات
facebook comments:
![[سيارات] مقطع جنوني لعرض قيادة سيارة سوبارو امبريزا](http://www.anosyat.com/wp-content/uploads/2012/01/subaru_impreza-7157.jpg)
عنجد يسلمو ايديك على الكلمات الحلوة
سامحني من زمان ما مرييت لهون…يعني الحياة بتشغل
على فكرة انا رح ادور على عقار معين مشان نحطة مع العجين اللي بعملو فيها الخبز هاد العقار اسمه خليك دايما مبتسم
واكيد وقتها يا انوس لما بتمشي بالشارع رح تلاقي انه الكل مبتسم
لانه ما حد بقدر يستغني عن الخبز)^_^(
والله يا هلا وميت هلا
لوووووووووووووووووول
لوووووووووووووووووووووول
عجبني العقار بس الله يسامحك ما عرفتي تكتشفيه قبل يغلا الخبز
يا خوفي يعطي نتيجه عكسيه
لووووووووووووووووووووول بكفي انت مو مكشر
الله يعين الناس يا انس مع كل ارتفاع الاسعار والحياة المهلكه اللي بيعشوها من وين بدهم يجيبو الضحك قول الله يعين
!!! الله بعين
في دراسة علمية اثبتت انو الضحك بيطيل العمر لهيك هلا في دول اجنبية بتعمل دورات للضحك هيك منغير سبب بيضلو يضحكو بيجوز ما راح يزبط عنا متل هيك دورات لانو ما في حدا جاي ع بالو يضحك