اااااااااه سدقناكو

يدا بيد نحو بلد متطور
.
.
لا للبطاله نعم لليد العامله
.
.
خير من استأجرت القوي الامين
.
.
معا لمحاربة الجهل والتخلف
شعارات رنانه وعبارات مشرقه هاد اللي منشوفه قبل بداية اول يوم انتخابات الكل بسيرو شرفاء والكل بسير همو الوحيد هو تأمين حياة افضل للمواطن ومساعدتهم على التغلب على المصاعب والعقبات وتأمين فرص عمل بتناسب مؤهلاتو ومكان سكنو
وبتبدا العزايم والولايم وبقلب الواحد فيهم حاتم الطائي
والسلام اللي كان من بعيد هاد اذا ما اختصرو صار لازم باليد مع بوستين على الخد ووحده على الراس
واذا كان واحد زعلان منو بسير حبيبو وانو انا مقصر بحقك واحنا اخوان وولاد ديره وحده
…..الخ
وبتبدأ الوعود وببلش االقبض عالشوارب
مع انو لا بقدم ولا بأخر والغايه هي وحده
(يعني العبو غيرها)
وهاي شوية شعارات انا ملاقي انها انسب واصدق من الشعارت الهبله اللي فوق
يعني متلا
حشو منسف وبلبعو ببسي ..بس يا ويلكو يطير الكرسي
أو
انتخبو من لا يعدكم اجرا ولا هم ينصرون
أو
صوت المواطن اغلى ما نملك
أو
اخي المواطن الكادح…يامن صوتك لي مانح
اليوم منسف ودبايح…وهات حصلني وانا ناجح
يعني كان ببالي كتير شعارت بس خليهم مشان نتسلى فيهم انا وصحابي عند ـ دار خالتي ـ
ويوم نتائج التصويت عندها ببين الزقرت اللي قد كلمتو وبتتخبى الحريم فوق الكراسي وورى المكاتب
وحدى يوصيلو على علبة حلاوة مشاني

0 thoughts on “اااااااااه سدقناكو

  1. لووووووووووووووووول
    بكرة لما حدا من هذول امرشحين يتواسطلك مشان تطلع من بيت خالتك بتصير تهتفلو
    يا سيدي ويا تاج الراس
    انتو للوطن حراس
    ما بدي اكل حللاوة
    بدي منسف بلحمة راس

  2. Aya Almusa says:

    hehehe d7ktne:)

  3. 36o0o0oR (^_^) says:

    dark rain:يا زلمه جد انا وقعت على ضهري وانا بضحك مهو انا قلت الزقرت اللي قد كلمتو ببين وقتها واذا بطلعني بوعدو بصوتي( يطعمني حج والناس راجعه).

    aya:صح يمكن ضحكتي اه بس بكره راح تحششي لما تشوفيني بالمخطط قاعد بالزاويه وباكل حلاوة

  4. خريجة 2007 says:

    تعرف شو اكتشفت انه الى بنزل حاله على الأنتخابات بدفع بلاوووووووووووووووووووووووووووووووي

  5. 36o0o0oR (^_^) says:

    خريجه: واذا ما نجح بعيط بلاااااااااااااااااااااااااااااااااااااااااااااااااااااااااااوي

Leave a Reply

Your email address will not be published.