Anosyat

قمت اليوم مستعجل ومش شايف الضو كان عندي حصة احصاء على الساعه وحده ونص وانا صاحي على ال 12 يعني دوبني البس وامشط وانقي احلى عطر ممكن احطه والمشكله انو المركز بعيد عن البيت يعني عجئه من الاخر..
وصلت على الحصه الساعة 2 يعني فاتني بلاوي وكالعاده بس تخلص الحصة بنقي الاستاز اشطر واحد بالقاعه مشان يفهمني اللي فاتني……
فتت على الحصه والقاعه مليانه شباب وبنات الله يسعد هالصباح الشباب ما كانو غير 2 وانا التالت استحيت اقعد مع البنات روحت قعدت باخر القاعه مع شب بعرفو وقضينا الحصة تنكيت وضحك والاستاز عم بشرح وكل شوي ولك انس اسكت ولك انس اهدا يعني من بين كل اللي بحكو ما عرف يستلبس الا انس

وانا طبعا ولا فاهم اشي من اللي بحكيه الاستاز

خلصت الحصة وانا محشش من النكت اللي كان يحكيها وليد

بس الاستاز كان حاقد علي للسما فقال:يالله يا نور بس تكتبو جدولكم بتفهمي انس اللي راح عليه

نور؟؟؟؟؟؟يسعد الله من هاي نور؟؟؟؟ اكيد بنت امورة ومزة خلص يا وليد حل عني بدي اكتب الجدول واشوف نور هاي بلكي زبطناها

طبعا انا مش شايف نور القاعه كانت متل بيت النمل

خلصت الجدول ووقفت وكلي ثقه وقلت:وين نور خليها تفهمني اللي راح علي

اما قاملكم هظاك البرميل وقال نعم

اهئ اهئ عفوا بس انا طلبت نور اللي حكا عنها الاستاز وين نور؟؟؟؟
قالت انا نور بس شوي يا انس خليني اخلص جدولي
هلأ انتي نور؟؟ (يا ريت وقفت المشكله على انها برميل لا وطالعلها شوارب كمان ) لا لا لا معلش بتفهميني بكرة لانو الاحصاء بدو وقت وانا مستعجل

ما لقيت الا اللي بالقاعه فرطو من الضحك
ولكو شو في ليش بتضحكو (شدني وليد وقلي ولك اقعد فضحتنا ولك هاي حصة حاسوب مش احصاء صحيح انك فاقد
شو يا عمري شو يا حبيبي حاسوب ولا اشي لا والله ونجحنا

ما علينا مهو نور عمت ضوي بدال ما تنور علي

قمت من القاعه زي المجنون وحلفت يمين ما اعتب المركز بعد هيك وصار شكلي متل حبة السمسم وانا طالع شفت الاستاز
ونظراتو كانت نظرات شماته وهو بضحك

شو يا انوس صارت نور مفهمتك الماده؟؟؟
انا ما حكيت ولا كلمة وضليتني طالع وما خليت للاستاز مسبه الا اعطيتو اياها..
يعني نور ما كانت شنعه لهدرجه بس لولا خط الشوارب اللي كانت ناتعتو كان سلكت الامور
فهاي هي اخرت الهامل اللي ما بدير بالو على دراستو

أتــرك تعليــق